ប្រទេសកូរ៉េខាងជើង ៖ គ្មានការសម្រាលឡើយ ដោយមេដឹកនាំកូរ៉េខាងជើង លោកគីម ជុងអ៊ុន ចាត់ទុកអាវុធនុយក្លេអ៊ែរថា ជាការធានាដល់ការរស់រានប្រឆាំងរាល់ការប៉ុនប៉ងរបស់បរទេសផ្ដួលរំលំរបបលោក។
តាមទីភ្នាក់ងារព័ត៌មានកូរ៉េខាងជើង KCNA ថា លោកគីម ជុងអ៊ុន ប្រកាសថា ប្រទេសលោកបានបង្ហើយកម្មវិធីមួយដែលសំដៅបង្កើនសង្វាក់កម្លាំងនុយក្លេអ៊ែររបស់ខ្លួន ។ លោកគីម ជុងអ៊ុន ថ្លែងបែបនេះ ក្នុងឱកាសនៃទស្សនកិច្ចមួយរបស់លោក កាលពីថ្ងៃទី៣ មិថុនា នៅរោងចក្រផលិតសម្ភារនុយក្លេអ៊ែរមួយ ដែលទើបបើកសម្ពោធ។
លោកគីម ជុងអ៊ុន គូសបញ្ជាក់ថា សមត្ថភាពផលិតកម្មសម្ភារនុយក្លេអ៊ែរ មានការកើនឡើងជាងទ្វេដង រយៈពេល៥ឆ្នាំចុងក្រោយនេះ។
លោកបានលើកពីការគំរាមកំហែងនានាដែលកើតមាន និងកាន់តែធ្ងនធ្ងរពីមួយថ្ងៃទៅមួយថ្ងៃ និងពីវិបត្តិនឹកស្មានមិនដល់ក្នុងរយៈពេលយូរ ។ លោកគូសបញ្ជាក់ពីភាពចាំបាច់នៃការពង្រឹងខ្លាំងបំផុត កម្លាំងនុយក្លេអ៊ែររបស់ប្រទេស ៕
ចែករំលែកព័តមាននេះ