នាវាដឹកប្រេងលីប៊ីមួយគ្រឿងត្រូវបានចាប់ពង្វាងក្នុងដែនទឹករបស់ម៉ាល់ត៍ អាចដោយពួកឧទ្ទាមលីប៊ីប្រហែលជាតាមរយៈជំនួយរបស់កងកម្លាំងពិសេសអឺរ៉ុប ។ ប្រភពជិតដិត នឹងរឿងនេះ រាយការណ៍កាលពីថ្ងៃទី៣ សីហា ថា នាវាឈ្មោះ CARTAGENA បានបោះយុថ្កាជិតដែនទឹកម៉ាល់ត៍ ខណៈពេលត្រូវនាវាសណ្តោងមួយគ្រឿងដោតទង់ជាតិលីប៊ី
នាវាដឹកប្រេងលីប៊ីមួយគ្រឿងត្រូវបានចាប់ពង្វាងក្នុងដែនទឹករបស់ម៉ាល់ត៍ អាចដោយពួកឧទ្ទាមលីប៊ីប្រហែលជាតាមរយៈជំនួយរបស់កងកម្លាំងពិសេសអឺរ៉ុប ។ ប្រភពជិតដិត នឹងរឿងនេះ រាយការណ៍កាលពីថ្ងៃទី៣ សីហា ថា នាវាឈ្មោះ CARTAGENA បានបោះយុថ្កាជិតដែនទឹកម៉ាល់ត៍ ខណៈពេលត្រូវនាវាសណ្តោងមួយគ្រឿងដោតទង់ជាតិលីប៊ីអូសយកចេញពីទីនោះ ។
នាវាដឹកប្រេងនេះជារបស់ក្រុមហ៊ុនរដ្ឋាភិបាលលីប៊ី GENERAL NATIONAL MARITIME TRANSPORT ដែលត្រួតត្រាដោយកូនប្រុសម្នាក់របស់លោកមូអាម៉ា កាដាហ្វី គឺលោកហាននីបាល់ ។ នាវានេះត្រូវនាំទៅកាន់ទីក្រុងបេនហ្គាហ្ស៊ី រដ្ឋធានីរបស់ពួកឧទ្ទាមលីប៊ីស្ថិតនៅភាគខាងកើតប្រទេស ក្រោមការតាមឃ្លាំមើលយ៉ាងប្រកិតរបស់អូតង់ ដែលមាននាវាចម្បាំង១៧គ្រឿងក្នុងសមុទ្រមេឌីទែររ៉ាណេ។ អូតង់បញ្ជាក់ពីការតាមដាននាវានេះ ក៏ប៉ុន្តែពុំអះអាងថា ត្រូវបានចាប់ពង្វាង ។
យោងតាមប្រភពព័ត៌មានមួយថា នាវា CARTAGENA ត្រូវចាប់ពង្វាងដោយពួកលីប៊ី ដែលធ្វើសកម្មភាពដោយគ្មានការយល់ព្រមរបស់ក្រុមប្រឹក្សាជាតិបណ្តោះអាសន្នលីប៊ី CNT ។ នាវានេះដឹកប្រេងសាំង៤០.០០០តោន ដែលដំបូងគ្រោងផ្តល់ឱ្យកុងទ្រីប៉ូលី ។ ពួកឧទ្ទាមលីប៊ីធ្លាប់បានចាប់ពង្វាងកាលពីខែមីនា នូវនាវាដឹកប្រេងមួយទៀតរបស់ក្រុមហ៊ុនប្រេងរដ្ឋាភិបាលលីប៊ី៕
ចែករំលែកព័តមាននេះ