អាជ្ញាធរបាននិយាយ កាលពីថ្ងៃអង្គារថា អ្នកវិទ្យាសាស្ត្រពីរនាក់នៅមន្ទីរពិសោធន៍រដ្ឋាភិបាលសហរដ្ឋអាមេរិក ត្រូវបានចោទប្រកាន់ពីបទរត់ពន្ធដបមេរោគ mpox ដែលត្រូវបានធ្វើឱ្យអសកម្មចូលទៅក្នុងប្រទេសពីទ្វីបអាហ្វ្រិក និងកុហកអំពីវាក្នុងអំឡុងពេលសម្ភាសន៍ ជាមួយអ្នកស៊ើបអង្កេតនៅអាកាសយានដ្ឋាន Michigan ។ នេះបើយោងតាមការផ្សាយពីCNN ។
បណ្តឹងព្រហ្មទណ្ឌមួយ ត្រូវបានលាតត្រដាងនៅក្នុងតុលាការសហព័ន្ធនៅទីក្រុង Detroit ប្រឆាំងនឹងលោក Vincent Munster ដែលជាប្រធានផ្នែកអេកូឡូស៊ីមេរោគ នៅមន្ទីរពិសោធន៍ Rocky Mountain ក្នុងទីក្រុង Hamilton រដ្ឋ Montana និងលោក Claude Kwe ដែលធ្វើការជាមួយលោក ។
លោក Munster និងលោក Kwe ត្រូវបានបញ្ឈប់នៅអាកាសយានដ្ឋាន Detroit Metropolitan ក្នុងខែមករា បន្ទាប់ពីហោះហើរពីទីក្រុងប៉ារីស និងប្រាំបួនថ្ងៃនៅសាធារណរដ្ឋកុងហ្គោ ។ ការផ្ទុះឡើងនៃជំងឺ mpox ត្រូវបានផ្សារភ្ជាប់ទៅនឹងការស្លាប់ជាង2,000នាក់នៅក្នុងប្រទេសកុងហ្គោ ដែលជាតំបន់ដ៏ធំមួយនៅអាហ្វ្រិកកណ្តាល ទោះបីជាការផ្ទុះឡើងរយៈពេលពីរឆ្នាំត្រូវបានប្រកាសថា បានបញ្ចប់ នៅក្នុងខែមេសាក៏ដោយ ។
FBI បាននិយាយនៅក្នុងឯកសារប្តឹងរបស់តុលាការថា លោក Munster “បានបដិសេធយ៉ាងដាច់អហង្ការ” ចំពោះការវិលត្រឡប់ទៅសហរដ្ឋអាមេរិកវិញជាមួយនឹងសម្ភារៈជីវសាស្ត្រ ឬគំរូ ។ ប៉ុន្តែការធ្វើតេស្តបានបង្ហាញថា Munster និង Kwe កំពុងធ្វើដំណើរជាមួយដបថ្នាំ mpox ដែលត្រូវបានធ្វើឱ្យអសកម្ម នេះបើយោងតាមការចុះផ្សាយរបស់ FBI ប៉ុន្តែពួកគេមិនបានប្រកាសវា ឬទទួលបានការអនុញ្ញាតចាំបាច់នោះទេ ។
លោក Marcus Sykes មកពីការិយាល័យអគ្គអធិការកិច្ចនៅក្រសួងសុខាភិបាល និងសេវាមនុស្ស បានមានប្រសាសន៍ថា «ការប៉ុនប៉ងដោយចេតនាណាមួយ ដើម្បីលាក់បាំង និងរត់ពន្ធសម្ភារៈជីវសាស្ត្រចូលទៅក្នុងសហរដ្ឋអាមេរិក ដោយគ្មានការអនុញ្ញាតត្រឹមត្រូវ គឺជាការរំលោភលើទំនុកចិត្តរបស់សាធារណជន ហើយអាចធ្វើឱ្យសាធារណជនមានហានិភ័យ ។
ចែករំលែកព័តមាននេះ