សង្គ្រាមអ៉ីរ៉ង់ ៖ អ៉ីរ៉ង់គ្រោងធ្វើបុណ្យសពជាតិរយៈពេល៣ថ្ងៃ ជូនដល់មេដឹកនាកំពូលរបស់ខ្លួនលោកអាយ៉ាតុឡាអាលីខាមេនី ៣ខែក្រោយពីលោកស្លាប់ក្នុងការវាយប្រហាររបស់អ៉ីស្រាអែលនាថ្ងៃបំបូងនៃសង្គ្រាមគឺថ្ងៃទី២៨ កុម្ភៈ។
នៅមិនទាន់មានថ្ងៃកំណត់នៃការរៀបចំធ្វើបុណ្យសពជាតិនោះនៅឡើយ។ លោកអាលីខាមេនីបានដឹកនាំអ៉ីរ៉ង់អស់ពេលជិត៣៧ឆ្នាំ។ លោកទទួលមរណភាពក្នុងជន្មាយុ៨៦ឆ្នាំ ក្នុងការទម្លាក់គ្រាប់បែករបស់អ៉ីស្រាអែល លើនិវេសនដ្ឋានរបស់លោកស្ថិតនៅកណ្ដាលក្រុងតេហេរ៉ង់។ ពិធីបុណ្យសពជាតិគ្រោងធ្វើដំបូងនាថ្ងៃទី៤ មីនា តែត្រូវបានពន្យារពេលដោយសារសង្គ្រាម។
អភិបាលរងក្រុងតេហេរ៉ង់លោកម៉ូហាម៉ាដអាមីនតាវ៉ាកូលីហ្សាដេ ថ្លែងនាថ្ងៃទី២ មិថុនា ថា បុណ្យសពជាសាធារណៈរយៈពេល៣ថ្ងៃត្រូវបានគ្រោងធ្វើ។ មិនទាន់មានកាលបរិច្ឆេទច្បាស់លាស់នៅឡើយ តែអ្នកទទួលខុសត្រូវរូបនោះលើកឡើងថា អាចនាពាក់កណ្ដាលខែមិថុនា ។
លោកគូសបញ្ជាក់ថា ពិធីបុណ្យសពនោះនឹងធ្វើនៅក្រុងតេហេរ៉ង់ ព្រមទាំងក្នុងទីក្រុងកូមនិងក្រុងម៉ាឆាដកន្លែងបញ្ចុះសពលោកអាលីខាមេន ៕
ចែករំលែកព័តមាននេះ