រាជធានីភ្នំពេញ ៖ កិច្ចប្រជុំពេញអង្គលើកទី១០ របស់អង្គជំនុំជម្រះវិសាមញ្ញក្នុងតុលាការកម្ពុជាបានបញ្ចប់ហើយ បន្ទាប់ពីបានជួបប្រជុំគ្នាអស់រយៈពេលបីថ្ងៃ ចាប់តាំងពីថ្ងៃចន្ទ ទី១ ដល់ថ្ងៃពុធ ទី៣ សីហា ២០១១ ។ កិច្ចប្រជុំពេញអង្គបានពិនិត្យពិភាក្សាលើសំណើសុំធ្វើ វិសោធនកម្មផ្ទៃក្នុងរបស់ខ្លួន
រាជធានីភ្នំពេញ ៖ កិច្ចប្រជុំពេញអង្គលើកទី១០ របស់អង្គជំនុំជម្រះវិសាមញ្ញក្នុងតុលាការកម្ពុជាបានបញ្ចប់ហើយបន្ទាប់ពីបានជួបប្រជុំគ្នាអស់រយៈពេលបីថ្ងៃ ចាប់តាំងពីថ្ងៃចន្ទ ទី១ ដល់ថ្ងៃពុធ ទី៣ សីហា ២០១១ ។ កិច្ចប្រជុំពេញអង្គបានពិនិត្យពិភាក្សាលើសំណើសុំធ្វើវិសោធនកម្មផ្ទៃក្នុងរបស់ខ្លួន ដើម្បីលើកកម្ពស់ប្រសិទ្ធភាពនៃការរៀបចំជំនុំជម្រះក្តី និងកិច្ចដំណើរការនីតិវិធីជំនុំជម្រះឱ្យបានឆាប់រហ័ស។
ជាលទ្ធផល កិច្ចប្រជុំពេញអង្គ បានអនុម័តសំណើសុំធ្វើវិសោធនកម្មវិធានផ្ទៃក្នុងជាច្រើន។ វិធានផ្ទៃក្នុងពាក់ព័ន្ធនឹងបណ្តឹងសាទុក្ខភ្លាមៗ នៅចំពោះមុខអង្គជំនុំជម្រះតុលាការកំពូល ត្រូវបានធ្វើវិសោធនកម្ម ដើម្បីដាក់បញ្ចូលបទប្បញ្ញត្តិចាំបាច់នានា ដែលតម្រូវឱ្យអង្គជំនុំជម្រះតុលាការកំពូលចេញសេចក្តីសម្រេចដោយមានសំអាងហេតុសង្ខេបលើបណ្តឹងសាទុក្ខភ្លាមៗក្នុងរយៈពេលបីខែ ។ ទាក់ទិននឹងបណ្តឹងសាទុក្ខ
ភ្លាមៗប្រឆាំងនឹងសេចក្តីសម្រេចរបស់អង្គជំនុំជម្រះសាលាដំបូង ដែលមានអានុភាពបញ្ចប់កិច្ចដំណើរការនីតិវិធីអង្គជំនុំជម្រះតុលាការកំពូល ក្នុងកាលៈទេសៈពិសេស អាចពន្យាររយៈពេលចេញសេចក្តីសម្រេចនេះបន្ថែមបានមួយខែទៀត។ ប្រសិនបើអង្គជំនុំជម្រះតុលាការកំពូល មិនអាចចេញសេចក្តីសម្រេចក្នុងរយៈពេលកំណត់ខាងលើ ឬប្រសិនបើអាចរកសំឡេងភាគច្រើនលើសលប់ក្នុងការសម្រេចលើបណ្តឹងសាទុក្ខភ្លាមៗបានទេ នោះសេចក្តីសម្រេចរបស់អង្គជំនុំជម្រះសាលាដំបូងនឹងមានអានុភាពស្ថាពរ។
វិធានពាក់ព័ន្ធនឹងការស៊ើបអង្កេតលើករណីមរណភាពនៃជនជាប់ចោទដែលស្ថិតក្នុងមន្ទីរឃុំឃាំង ត្រូវបានធ្វើវិសោធនកម្ម ដើម្បីធ្វើឱ្យការវះកាត់ពិនិត្យសាកសពលែងជាកាតព្វកិច្ចចាប់បង្ខំដាច់ខាតទៀតហើយ ស្របតាមការអនុវត្តប្រហាក់ប្រហែលនៅកម្ពុជា និងវិធានជាធរមាននៅតុលាការព្រហ្មទណ្ឌអន្តរជាតិ។
ចំណែកឯវិសោធនកម្មវិធានផ្ទៃក្នុងបន្ថែមទៀតទាក់ទិននឹងគណៈកម្មាធិការរដ្ឋបាលតុលាការវិញ ដែលនៅពេលនោះ គណៈកម្មាធិការនេះ អាចជួបប្រជុំគ្នាទៅតាមគំនិតផ្តួចផ្តើមរបស់ប្រធាន ជាជាងការជួបប្រជុំគ្នាទៀងទាត់ជារៀងរាល់ខែ។
វិសោធនកម្មមួយចំនួនទៀតក៏ត្រូវបានធ្វើឡើងចំពោះសេចក្តីណែនាំអនុវត្តស្តីពីការដាក់ឯកសារ និងការកែសម្រួលពាក្យពេចន៍ចំពោះបទប្បញ្ញត្តិទាក់ទិននឹងបណ្តឹងសាទុក្ខដើម្បីធ្វើឱ្យមានសុខដុមនីយកម្ម នៃភាសាផ្លូវការទាំងបីនៃវិធានផ្ទៃក្នុងរបស់ អ.វ.ត.ក (សាលាក្តីខ្មែរក្រហម)៕
ចែករំលែកព័តមាននេះ