ចុះត្រួតពិនិត្យឆែកឆេរខុនដូមួយកន្លែង នៅជ្រោយចង្វារ ឃាត់ខ្លួនជនជាតិចិន៩នាក់ និងដកហូតថ្នាំញៀ.នមួយចំនួន
- ភ្នំពេញ
រាជធានីភ្នំពេញ ៖ ទីតាំង Condo Morgan នៅជ្រោយចង្វារ ត្រូវបានកម្លាំងគណៈបញ្ជាការឯកភាពរាជធានីភ្នំពេញចុះត្រួតពិនិត្យឆែកឆេរ សង្ស័យពាក់ព័ន្ធប្រព្រឹត្តបទល្មើសផលបោកតាមប្រព័ន្ធបច្ចេកវិទ្យាដោយឃាតខ្លួនជនជាតិចិនចំនួន ៩នាក់និងដកហូត ថ្នាំញៀនព្រមទាំងវត្ថុតាងប្រព្រឹត្តបទល្មើសមួយចំនួន។
តាមរដ្ឋបាលរាជធានីភ្នំពេញបានឲ្យដឹងថានៅថ្ងៃទី៣០ ខែឧសភា ឆ្នាំ២០២៦ ក្រោមការដឹកនាំបញ្ជាផ្ទាល់របស់ឯកឧត្តម ឃួង ស្រេង អភិបាលនៃគណ:អភិបាលរាជធានីភ្នំពេញ និ1ងដោយមានការសម្របសម្រួលនីតិវិធីពីព្រះរាជអាជ្ញារង, លោក ឯក ឃុនដឿន និងលោកសុខ ពេញវុធ អភិបាលរងរាជធានីភ្នំពេញ បានដឹកនាំគណៈបញ្ជាការឯកភាពរដ្ឋបាលខណ្ឌជ្រោយចង្វារ ចុះប្រតិបត្តិការបោសសម្អាត ទីតាំងសង្ស័យពាក់ព័ន្ធ នឹងបទល្មើសឆបោកតាមប្រព័ន្ធ បច្ចេកវិទ្យា (ONLINE SCAMS) នៅទីតាំង Condo Morgan ស្ថិតនៅក្នុងភូមិ ៣ សង្កាត់ជ្រោយចង្វារ ខណ្ឌជ្រោយចង្វារ។ ជាលទ្ធផល៖
១-បន្ទប់ទី១៖ រកឃើញជនបរទេសស្នាក់នៅចំនួន ០៧នាក់ មាន១សញ្ជាតិដោយដកហូត សម្ភារវត្ថុតាងរួមមាន៖កុំព្យូទ័រ All in One ចំនួន ០១គ្រឿង កុំព្យូទ័រយួរដៃ(Laptop) ចំនួន ០៩គ្រឿង, ទូរស័ព្ទដៃ ចំនួន ៥គ្រឿង និងសម្ភារមួយចំនួន
២-បន្ទប់ទី២៖ រកឃើញជនបរទេសចំនួន ២នាក់ គ្មានឯកសារ ឬលិខិតឆ្លងដែនត្រឹមត្រូវ
៣-បន្ទប់ទី៣៖ រកឃើញថ្នាំញៀនមេតំហ្វេតាមីន និងកេតាមីន ទម្ងន់ប្រហែល ៧០ក្រាម បារីអេឡិចត្រូនិក និងក្បាលបារីអេឡិចត្រូនិកមួយចំនួនធំ ថង់សម្រាប់ច្រកគ្រឿងញៀន ជញ្ជីងថ្លឹងគ្រឿងញៀនចំនួន២គ្រឿង ទូរសព្ទដៃ ២គ្រឿង និង IPad ២គ្រឿង។
ជនសង្ស័យ និងវត្ថុតាងក្នុងករណីនេះត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញចាត់ការតាមនីតិវិធី។ ចំពោះបន្ទប់ដែលពាក់ព័ន្ធករណីខាងលើ ត្រូវបិទឃ្លុំជាបណ្តោះអាសន្ន។
ចំពោះម្ចាស់ទីតាំងមានសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា(ONLINE SCAMS) និងស្នាក់នៅខុសច្បាប់ ត្រូវបានធ្វើការផាកពិន័យសរុបចំនួន ០៩នាក់(ប្រុស) ក្នុងម្នាក់ៗចំនួន ៤លានរៀល សរុប ៣៦លានរៀល៕
ចែករំលែកព័តមាននេះ