តុលាការថៃបានបើកសវនាការកាត់ក្តីរឿង លោកសុនធិ លឹមថុងគល់ ដែលបានបង្ខូចកេរ្តិ៍ឈ្មោះត្រកូលDamapong ដែលជាប់ទាក់ទងនឹងគោលដៅរបស់គាត់ក្នុងការប្រឆាំងរដ្ឋាភិបាលលោកថាក់ស៊ីនស៊ីណាវ៉ាត្រានាឆ្នាំ២០០៦។ តុលាការជាន់ខ្ពស់ថៃបានកាត់ទោសលោកសុនធិ ដាក់ពន្ធនាគារ៦ខែ និងពិន័យប្រាក់៥ម៉ឺនបាត និងព្យួរទោស
តុលាការថៃបានបើកសវនាការកាត់ក្តីរឿង លោកសុនធិ លឹមថុងគល់ ដែលបានបង្ខូចកេរ្តិ៍ឈ្មោះត្រកូលDamapong ដែលជាប់ទាក់ទងនឹងគោលដៅរបស់គាត់ក្នុងការប្រឆាំងរដ្ឋាភិបាលលោកថាក់ស៊ីនស៊ីណាវ៉ាត្រានាឆ្នាំ២០០៦។ តុលាការជាន់ខ្ពស់ថៃបានកាត់ទោសលោកសុនធិ ដាក់ពន្ធនាគារ៦ខែ និងពិន័យប្រាក់៥ម៉ឺនបាត និងព្យួរទោសជាប់ពន្ធធនាគារ៣ឆ្នាំ។
តាមពាក្យបណ្តឹងតាំងពីឆ្នាំ២០០៧ មកលោក Kiatisak Damapong ឧត្តមនាវីឯកបានប្តឹងសុនធិ ដែលបានបង្ខូចកេរ្តិ៍ឈ្មោះត្រកូលរបស់លោក។ ក្នុងសវនាការនោះក៏មានរាយបញ្ជីឈ្មោះ ជនជាប់ចោទចំនួន១០នាក់រួមមាន លោកសុនធិ លោក Sarocha Porn Udomsak ពិធីករកម្មវិធីជជែកទូរទស្សន៍ និងនិពន្ធនាយកសារព័ត៌មាននៃក្រុមហ៊ុន Magager Group។
ដើមចមនៃរឿងក្តីកើតចេញពីលោកសុនធិ រិះគន់ក្រុមគ្រួសារលោកថាក់ស៊ីន និងសាច់ថ្លៃរបស់លោកដែលបានលក់ភាគហ៊ុន Shin ទៅឱ្យក្រុមហ៊ុន Temasak របស់សិង្ហបុរី។ មុខជំនួញនេះជាកម្មសិទ្ធិរបស់ក្រុមគ្រួសារត្រកូលស៊ីណាវ៉ាត្រា និង DAMAPONG។
តុលាការជាន់ខ្ពស់ថៃចាប់ផ្តើមពិនិត្យលើរឿងក្តីលោកសុនធិព្រោះគាត់មិនបានបង្ហាញភស្តុតាងបញ្ជាក់ការរិះគន់ថាពិតឬយ៉ាងណាបើទោះបីត្រកូលរបស់Kiatisak Damapong មិនបានដឹងនិងជាប់ពាក់ព័ន្ធក្នុងការលក់ភាគហ៊ុននោះ។ ស្ថិតនៅក្រោមការសំរេចរបស់តុលាការនោះ សារព័ត៌មានManager តំរូវឱ្យបោះពុម្ភផ្សាយសាលក្រមនេះរយៈពេល៧ថ្ងៃជាប់ៗគ្នា៕
ចែករំលែកព័តមាននេះ