រាជធានីភ្នំពេញ ៖ នៅខែឧសភា ឆ្នាំ២០២៦ អង្គភាពប្រឆាំងអំពើពុករលួយ (ACU) បានពិនិត្យ វិភាគ និងធ្វើការសម្រេចលើពាក្យប្ដឹង ដែលមានក្នុងខែនេះ សរុបចំនួន ៤៥ ពាក្យប្ដឹង ។
ក្នុងកិច្ចប្រជុំលើទី១០ អាណត្តិទី៤ នៃក្រុមប្រឹក្សាជាតិប្រឆាំងអំពើពុករលួយ នារសៀលថ្ងៃទី២៨ ខែឧសភា ឆ្នាំ២០២៦ ក្រោមអធិបតីភាពសម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិ ប្រឆាំងអំពើពុករលួយ ឯកឧត្តម ទេសរដ្ឋមន្ត្រី ឱម យ៉ិនទៀង ប្រធានអំពើពុករលួយបានលើកឡើងថា ការងារពាក្យប្ដឹង ACU បានដំណើរការពិនិត្យ វិភាគ និងធ្វើការសម្រេចលើពាក្យប្ដឹង ដែលមានក្នុងខែនេះ សរុបចំនួន ៤៥ពាក្យប្ដឹង ។
ឯកឧត្តម ទេសរដ្ឋមន្ត្រី បានបន្តថា ការកសាងសំណុំរឿងជូនទៅអយ្យការអមសាលាដំបូងខេត្តកណ្តាល ករណីស៊ីសំណូកដោយសមាជិក នៃគណៈវិជ្ជាជីវៈខាងវេជ្ជសាស្ត្រ (គ្រូពេទ្យមួយរូប និងអនុប្រធានមន្ទីរពេទ្យបង្អែកស្រុក) ដើម្បីធ្វើលិខិតបញ្ជាក់មិនពិត (សំបុត្រពេទ្យបញ្ជាក់ថា ឈឺដោយមិនពិត) ប្រហែល ៣០ ទៅ ៤០ នាក់ក្នុងមួយខែៗ ។
ចំណែកអំពីបច្ចុប្បន្នភាព នៃការស៊ើបអង្កេតរបស់សាលាដំបូងខេត្តសៀមរាប លើករណីអ្នកស្រី ឡេង ចាន់ណា (រឿងរដ្ឋប្បវេណី ១៩ សំណុំរឿង និងព្រហ្មទណ្ឌ ៣២ សំណុំរឿង) និងបច្ចុប្បន្នភាព នៃការស៊ើបអង្កេតរបស់ ACU លើឯកឧត្តម ស៊ាន បូរ៉ាត អនុប្រធាន ACU និងអ្នកស្រី ឡេង ចាន់ណា និងបក្ខពួក។ អ្នកស្រី ឡេង ចាន់ណា, ចាន់ ឃិន, ផុន សាមាន ទទួលស្គាល់ថា បានទទួលប្រាក់ពី ៩៣ ទៅ ៩៨ លានដុល្លារអាម៉េរិក ពីមេ ២៥លានដុល្លារ ហើយ បានយកលុយទាំងនោះ ទិញដីអភិវឌ្ឍគម្រោង ផ្តល់ការប្រាក់ទៅឱ្យមេ ២៥ និងផ្តល់ការប្រាក់ទៅឱ្យអ្នក ដែលបានចំណាយប្រាក់វិនិយោគ ។
លទ្ធផលសវនាការសាលាឧទ្ធរណ៍ ថ្ងៃទី២៩ ខែមេសា ឆ្នាំ២០២៦ និងប្រកាសសាលដីកាថ្ងៃទី២៧ ខែឧសភា ឆ្នាំ២០២៦ ករណី កន សុខកាយ, ដួង តារា,លី សាម៉េត, ឡាច សំរោង ពីបទប៉ុនប៉ងសូកប៉ាន់ ។
ចំណែកអំពីករណីឈ្មោះ តាំង សុវ័ន្ត ជនត្រូវចោទ ពីបទប៉ុនប៉ងសូកប៉ាន់ និងបរិហារកេរ្តិ៍មកលើមន្ត្រី និងស្ថាប័ន ACU និងលោក សែម បូរ៉ា អគ្គនាយក TNM TV Online និងករណីអ្នកស្រី ភី គិមសុង ភរិយា ជនត្រូវចោទ យ៉ាត កុសល បរិហារមួលបង្កាច់ ៕
ចែករំលែកព័តមាននេះ