សង្គ្រាមអ៉ីរ៉ង់ ៖ កាលពីថ្ងៃទី២៧ ឧសភា អ៉ីរ៉ង់វាយតម្លៃថា មានលទ្ធភាពតិចណាស់ដែលអាមេរិកនឹងបើកធ្វើសង្គ្រាមជាថ្មីប្រឆាំងអ៉ីរ៉ង់ ក៏ទោះបីជាប្រធានាធិបតីលោកដូណាល់ត្រាំ នៅតែកំញើញជាប់ក្ដី ។ ក្នុងកិច្ចប្រជុំមួយរបស់រដ្ឋាភិបាលលោកនៅសេតវិមានលោកត្រាំថ្លែងថា អ៉ីរ៉ង់ពិតជាចង់ចុះហត្ថលេខាលើកិច្ចព្រមព្រៀងមួយ។ យើងមិនសូវជាពេញចិត្តប៉ុន្មានទេ តែទីបំផុត យើងត្រូវចុះហត្ថលេខាលើកិច្ចព្រមព្រៀងនោះរួចបើមិនដូច្នេះទេ យើងមានតែបង្ហើយការងារយើង ។ ពាក្យពេចន៍បែបនេះ របស់លោកត្រាំ ហាក់បង្កើតភាពមិនច្បាស់លាស់មួយចំនួន ពេលលោកគំរាមកម្ទេចសម្ព័ន្ធមិត្តមួយរបស់អាមេរិកគឹអូម៉ង់ ។
ពេលសួរលោកពីយថាភាពនាពេលខាងមុខនៃការត្រួតត្រាច្រកសមុទ្រហ័រមូស ដោយអូម៉ង់និងអ៉ីរ៉ង់ លោកត្រាំអះអាងថា អូម៉ង់នឹងទទួលវាសនាដូចប្រទេសដទៃៗទៀតដែរ បើហ៊ានធ្វើដូច្នេះដែលយើងនឹងត្រូវកម្ទេច។ ពួកគេពិតជាដឹងខ្លួនស្រាប់ហើយ។ ក្នុងពេលភ្លាមៗសេតវិមានមិនបានឆ្លើយតបចំពោះសំនួរឲ្យមានការបំភ្លឺថាតើពាក្យនោះលោកត្រាំច្រឡំរវាងប្រទេសទាំង២ ឬយ៉ាងណាឡើយ។
ចំណែកបណ្ដាសារព័ត៌មានអ៉ីរ៉ង់រាយការណ៍ថា មានស្នូរផ្ទុះខ្លាំង៣ក្នុងតំបន់បានដាអាប់បាស់ភាគខាងត្បូងប្រទេស នាវេលាម៉ោង១ និង៣០នាទីម៉ោងក្នុងស្រុក ចូលដល់ថ្ងៃទី២៨ ឧសភា ។ ទោះបីការវាយប្រហារគ្នាហាក់ស្ងប់ស្ងាត់ចាប់តាំងពីថ្ងៃទី៨ មេសា មក បន្ទាប់ពីជាង១ខែនៃសង្គ្រាមបណ្ដាលឲ្យមនុស្សច្រើនពាន់នាក់ស្លាប់ ហើយការចរចាកំពុងបន្តក្ហដីតែច្រកសមុទ្រហ័រមូសនៅតែត្រួតត្រា ដោយអ៉ីរ៉ង់នាំឲ្យតម្លៃប្រេងឡើងខ្ពស់ប៉ះពាល់ខ្លាំងដល់សេដ្ឋកិច្ច្ចពិភពលោក។
កងឆ្មាំបដិវត្តន៍អ៉ីរ៉ង់យល់ថា លទ្ធភាពនៃការវាយប្រហារថ្មីរបស់អាមេរិកមានតិច មកពីសត្រូវពេលនេះចុះខ្សោយតែកងទ័ពអ៉ីរ៉ង់នៅតែត្រៀមខ្លួនជាប់ជានិច្ច ។ កងទ័ពអាមេរិកគូសបញ្ជាក់កាលពីថ្ងៃទី២៥ ឧសភា ថា បានវាយប្រហារជាកិច្ចការពារខ្លួនស្របច្បាប់ លើភាគខាងត្បូងអ៉ីរ៉ង់ពិសេសប្រឆាំងបណ្ដាទីតាំងបាញ់មីស៊ីល និងបណ្ដានាវារាយគ្រាប់មីន ។ អ្នកនាំពាក្យ្របស់ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ា ក្នុងសេចក្ដីប្រកាសមួយនិយាយថា ការវាយប្រហារទាំងនោះជាកិច្ចការពារខ្លួនស្របច្បាប់ របស់កងទ័ពយើងប្រឆាំងការគំរាមកំហែងរបស់កងទ័ពអ៉ីរ៉ង់ តែកងទ័ពយើងបង្ហាញពីការអត់ធ្មត់ ពេលកំពុងមានបទឈប់បាញ់គ្នា ៕
ចែករំលែកព័តមាននេះ