ហ៊ានណាស់! ជួលផ្ទះឱ្យក្រុមឧក្រិដ្ឋជនដាក់ទីតាំងឆបោកតាមប្រពន្ធបច្ចេកវិទ្យា(Online Scams) ត្រូវសមត្ថកិច្ចបង្ក្រាប
- ស្វាយរៀង
ខេត្តស្វាយរៀង ៖ កម្លាំងនគរបាលនៃស្នងការដ្ឋាននគរបាលខេត្តស្វាយរៀង ចុះបង្ក្រាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) មួយកន្លែង ឃាត់ខ្លួនជនសង្ស័យ០៤នាក់ ជនជាតិចិន០១នាក់ ភេទប្រុស ជនជាតិខ្មែរ០៣នាក់ ភេទស្រី២នាក់ និងសម្ភារឧបករណ៍ប្រព្រឹត្តបទល្មើសមួយ
ចំនួន ។
បើតាមមន្ត្រីនគបាលខេត្តបានឲ្យដឹងថា ដោយអនុវត្តតាមបទបញ្ជាដ៏ខ្ពង់ខ្ពស់ពីឯកឧត្ដម នាយឧត្តមសេនីយ៍
ស ថេត អគ្គស្នងការនគរបាលជាតិ និងឯកឧត្ដម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង
ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង កាលថ្ងៃទី២៥ ឧសភា ឆ្នាំ២០២៦ លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងអធិការដ្ឋាន
នគរបាលស្រុកស្វាយជ្រំ បានសហការជាមួយគណៈបញ្ជាការឯកភាពរដ្ឋបាលស្រុកស្វាយជ្រំ ដឹកនាំដោយលោកហេង សុគុន្ធធាវ័ន្ត អភិបាលរងស្រុកស្វាយជ្រំ និងមេបញ្ជាការ រងមូលដ្ឋានកងរាជអាវុធហត្ថ ស្រុកស្វាយជ្រំ ដោយមានការសម្របសម្រួលពីឯកឧត្ដមខាំ សុផារី ព្រះរាជអាជ្ញានៃអយ្យការអមសាលាដំបូងខេត្ត ចុះស្រាវជ្រាវ និងបង្ក្រាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) នៅចំណុចផ្ទះរបស់លោកមាន់ សាវរី ស្ថិតក្នុងភូមិអំពៅព្រៃឃុំចំបក់ ស្រុកស្វាយជ្រំ ដោយឃាត់ខ្លួនមនុស្សក្នុងរង្វង់ប្រតិបត្តិការចំនួន០៤នាក់ ស្រី០២នាក់ (ជនជាតិចិន០១នាក់ ភេទប្រុស, ជនជាតិខ្មែរ០៣នាក់ ភេទស្រី០២នាក់) ។
ដកហូតសម្ភារពាក់ព័ន្ធនឹងបទល្មើសរួមមាន៖ កំព្យូទ័រលើតុ All-In-One , ឧបករណ៍ចាប់ Wifi , ទូរស័ព្ទដៃ និងសម្ភារប្រើប្រាស់មួយចំនួនទៀត ។ បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ លោកចៅក្រមស៊ើបសួរបានចេញដីកាឃុំខ្លួនបណ្តោះអាសន្ន រីឯទីតាំងប្រព្រឹត្តិបទល្មើស ត្រូវក្រុមការងារបិទស៊ីលបិទទីតាំងបណ្ដោះអាសន្ន ៕
ចែករំលែកព័តមាននេះ