ក្រុមហ៊ុនប្រេងតូតាល់របស់បារាំង ប្រធានអគ្គនាយកក្រុមហ៊ុននេះ លោក CHRIS-TOPHE DE MARGERIE និងមនុស្ស១៨នាក់ទៀតនឹងត្រូវកាត់ក្តីក្នុងឆ្នាំ២០១២ ខាងមុខនេះ ក្នុងការស៊ើបអង្កេតលើកម្មវិធីរបស់ អ.ស.ប «ប្រេងប្តូរស្បៀង» នៅអ៊ីរ៉ាក់ក្រោមរបបលោកសាដាម ហ៊ូសេន ពីឆ្នាំ១៩៩៦ មក២០០៣។
ក្រុមហ៊ុនប្រេងតូតាល់របស់បារាំង ប្រធានអគ្គនាយកក្រុមហ៊ុននេះ លោក CHRIS-TOPHE DE MARGERIE និងមនុស្ស១៨នាក់ទៀតនឹងត្រូវកាត់ក្តីក្នុងឆ្នាំ២០១២ ខាងមុខនេះ ក្នុងការស៊ើបអង្កេតលើកម្មវិធីរបស់ អ.ស.ប «ប្រេងប្តូរស្បៀង» នៅអ៊ីរ៉ាក់ក្រោមរបបលោកសាដាម ហ៊ូសេន ពីឆ្នាំ១៩៩៦ មក២០០៣។
ចៅក្រមស៊ើបអង្កេតបានចេញបញ្ជាកាលពីដំណាច់ខែកក្កដា ចោទប្រកាន់ក្រុមហ៊ុនប្រេងដ៏ធំបំផុតនោះរបស់បារាំងពីបទពុករលួយយ៉ាងសកម្ម រួមគំនិត និងរំលោភបំពានឥទ្ធិពលដែលត្រូវទទួលការកាត់ក្តីនៅក្នុងតុលាការបារាំងមួយ។ ប្រភពតុលាការមួយនិយាយប្រាប់រ៉យទ័រថា លោក CHRISTOPHE DE MAR-GERIE ត្រូវទទួលការកាត់ក្តីពីបទរួមគំនិតរំលោភបំពានលើទ្រព្យសម្បត្តិសង្គម ។ ក្នុងចំណោមជនសង្ស័យដទៃទៀត រួមមានអតីតរដ្ឋមន្ត្រីក្រសួងមហាផ្ទៃ លោក CHARLES PASQUA ដែលនឹងទទួលការកាត់ក្តីពីបទរំលោភបំពានឥទ្ធិពល និងពុករលួយ លោក SERGE BOIDVAIX អតីតអគ្គលេខាធិការក្រសួងការបរទេសបារាំង លោក JEAN BERNARD MERIMEE តំណាងរបស់បារាំងប្រចាំ អ.ស.ប ពីឆ្នាំ១៩៩១ ដល់១៩៩៥ ។
កម្មវិធីរបស់ អ.ស.ប «ប្រេងប្តូរស្បៀង»នៅអ៊ីរ៉ាក់ដែលបង្កើតឡើងរវាងឆ្នាំ១៩៩៦ និង២០០៣ គឺសំដៅសម្រាលការឈឺចាប់ដ៏ធ្ងន់ធ្ងររបស់ប្រជាជនអ៊ីរ៉ាក់ ក្រោមឥទ្ធិពលនៃការហ៊ុមព័ទ្ធសេដ្ឋកិច្ចដែលអនុញ្ញាតឱ្យអ៊ីរ៉ាក់លក់ប្រេងមួយផ្នែករបស់ខ្លួនប្តូរជាស្បៀង។ កម្មវិធីនេះញ៉ាំងឱ្យមានអំពើពុករលួយជាអន្តរជាតិមួយ។ នេះបើយោងតាមរបាយការណ៍របស់ អ.ស.ប ។ ក្រុមហ៊ុនប្រេងតូតាល់ ទទួលការចោទប្រកាន់ថា សូកប្រាក់ ដើម្បីឱ្យទទួលបានប្រេងរបស់អ៊ីរ៉ាក់។ តូតាល់អះអាងថា ពុំមានការសូកប៉ាន់អ្វីតាមរយៈការបង់ប្រាក់លើសឱ្យឡើយ។ យោងតាមរបាយការណ៍របស់ អ.ស.ប ថា ទឹកប្រាក់ជាង១០ពាន់លានដុល្លារអាមេរិក អាចត្រូវគេពង្វាងយកទាក់ទិនដល់ឥស្សរជននយោបាយរបស់ប្រទេសជាច្រើន ៕
ចែករំលែកព័តមាននេះ