ក្រសួងមហាផ្ទៃ ៖ ពលរដ្ឋភៀសសឹកជិត៦សែន២ម៉ឺននាក់ ឬជាង៩៥% បានវិលត្រឡប់ទៅលំនៅឋានវិញ
- ភ្នំពេញ
រាជធានីភ្នំពេញ ៖ ក្រសួងមហាផ្ទៃបានឱ្យដឹងថា ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានជិត៦សែន២ម៉ឺននាក់ ឬជាង៩៥% បានវិលត្រឡប់ទៅលំនៅឋានវិញ ។ នៅមានពលរដ្ឋចំនួន៣០.១៤០នាក់ទៀត (ស្ត្រី ១៥.៥៥៣នាក់និងកុមារ១០.១៥២នាក់) ពុំទាន់អាចវិលទៅលំនៅឋានវិញ ។
យោងតាមសេចក្តីប្រកាសព័ត៌មានស្តីពីស្ថានភាពពលរដ្ឋភៀសសឹកផលប៉ះពាល់លើតំបន់ស៊ីវិលកម្ពុជា គិតពីម៉ោង៦ព្រឹកថ្ងៃទី២៥ ដល់ម៉ោង៦ព្រឹកថ្ងៃទី២៦ ខែឧសភា ឆ្នាំ២០២៦របស់ក្រសួងមហាផ្ទៃនៃរាជរដ្ឋាភិបាលកម្ពុជាបានលើកឡើងថា ចាប់តាំងពីបទឈប់បាញ់រវាងកម្ពុជា និងថៃ ចូលជាធរមាន កាលពីថ្ងៃទី២៧ ខែធ្នូ ឆ្នាំ២០២៥មក ភាគីថៃពុំទាន់អនុវត្តពេញលេញតាមសេចក្តីប្រកាសរួមនៃកិច្ចប្រជុំ ពិសេសលើកទី៣ នៃគណៈកម្មាធិការព្រំដែនទូទៅ (GBC) នៅឡើយទេ។
ក្រសួងមហាផ្ទៃបានបន្តកត់ត្រាទុករាល់សកម្មភាពមិនស្មោះត្រង់របស់ភាគីថៃ ចំណាត់ការផ្លូវច្បាប់ និងការទូតរបស់រាជរដ្ឋាភិបាល ទន្ទឹមគ្នានឹងការបន្តយក ចិត្តទុកដាក់ដោះស្រាយផលប៉ះពាល់លើប្រជាពលរដ្ឋ និងតំបន់ស៊ីវិល ដោយសារអំពើឈ្លានពាន ជាពិសេសពលរដ្ឋដែល នៅពុំទាន់អាចវិលត្រឡប់ទៅលំនៅឋានវិញបាន។
ក្នុងស្ថានភាពនេះ ក្រសួងមហាផ្ទៃ សូមជូនបច្ចុប្បន្នភាពសភាពការណ៍ គិតពីម៉ោង៦ព្រឹក ថ្ងៃទី២៥ ដល់ម៉ោង៦ព្រឹក ថ្ងៃទី២៦ ខែឧសភា ឆ្នាំ២០២៦ ស្ថានភាពពលរដ្ឋភៀសសឹក៖មានពលរដ្ឋភៀសសឹកចំនួន១២៩នាក់បន្ថែមទៀត បានបន្តចាកចេញពីជំរំ សុវត្ថិភាពត្រឡប់ទៅលំនៅឋានវិញ ។
ដូច្នេះ ក្នុងចំណោមពលរដ្ឋភៀសសឹកសរុបជាង៦សែន៤ម៉ឺននាក់ មានជិត ៦សែន២ម៉ឺននាក់ ឬ ជាង៩៥% បានវិលត្រឡប់ទៅលំនៅឋានវិញ ។ នៅមានពលរដ្ឋចំនួន៣០.១៤០នាក់ទៀត (ស្ត្រី ១៥.៥៥៣នាក់និងកុមារ១០.១៥២នាក់) ពុំទាន់អាចវិលទៅលំនៅឋានវិញ ។ ការបន្តផ្អាកសេវាសាធារណៈជាមូលដ្ឋាននៅខេត្តឧត្តរមានជ័យ មានសាលារៀន៨ និងមន្ទីរពេទ្យ/មណ្ឌល សុខភាព៥ នៅបន្តផ្អាក ។ ខេត្តបន្ទាយមានជ័យ មានសាលារៀន៥ និងមន្ទីរពេទ្យ/មណ្ឌលសុខភាព១បន្តផ្អាក។ ខេត្តព្រះវិហារ មានសាលារៀន៧ និងមន្ទីរពេទ្យ/មណ្ឌលសុខភាព២នៅបន្តផ្អាក។
ការខូចខាតហេដ្ឋារចនាសម្ព័ន្ធរូបវន្តស៊ីវិលគិតចាប់ពីថ្ងៃទី៧ ខែធ្នូ ឆ្នាំ២០២៥ មក ការខូចខាតទ្រព្យ សម្បត្តិសាធារណៈ និងឯកជនពុំទាន់មានរបាយកា រណ៍ថ្មីបន្ថែមលើករណីដែលក្រសួងបានកត់ត្រាទុកនៅឡើយទេ ។
ក្រសួងមហាផ្ទៃនៃរាជរដ្ឋាភិបាលកម្ពុជា សូមគាំទ្រ និងអំពាវនាវសាធារណជនចូលរួមតាមដាន និងផ្តល់សារសំខាន់ ចំពោះការសម្រេចចិត្តរបស់រាជរដ្ឋា ភិបាល ប្រើប្រាស់យន្តការនៃការផ្សះផ្សាដោយចាប់បង្ខំ Compulsory Conciliation) ស្ថិតក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដើម្បីស្វែងរកដំណោះ ស្រាយតំបន់ទាមទារ ដែនសមុទ្រត្រួតស៊ីគ្នារវាងកម្ពុជា និងថៃ បន្ទាប់ពីភាគីថៃប្រកាសជាផ្លូវការ ដកខ្លួនចេញពីអនុស្សរណៈយោគយល់ជាមួយកម្ពុជា ។
ជាពិសេស សូមប្រកាសគោរពអនុសាស ន៍តម្រង់ទិសប្រកបដោយគតិបណ្ឌិតរបស់ សម្តេចអគ្គមហាសេនាបតី តេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភា នៅថ្ងៃទី១២ ខែឧសភានេះ បានរំលឹករាជរដ្ឋាភិបាល ដើរត្រង់ទៅ រកយន្តការច្បាប់សមុទ្រ ឬ UNCLOS ដោយពុំចាំបាច់មានការយល់ព្រម ឬការចរចាទ្វេភាគីជាមួយភាគីថៃឡើយ។
ក្រសួងមហាផ្ទៃ សូមអំពាវនាវជនរួមជា តិ ទាំងក្នុង និងក្រៅប្រទេស រួបរួមស្មារតី សាមគ្គីគាំទ្រ សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រី ដែលបានកំពុងដឹកនាំបេសកកម្មដោះស្រាយ បញ្ហាព្រំដែនជាមួយភាគីថៃ ដោយសន្តិ វិធី តាមយន្តការការទូត និងច្បាប់អន្តរជាតិ សំដៅនាំមកវិញនូវអធិបតេយ្យភាព បូរណភាពទឹកដី សន្តិភាព និងស្ថិរភាពតាមខ្សែបន្ទាត់ក្នុងដែន ជាតិសស ពីភាពជាប្រក្រតីនៃប្រជាជនទាំងសងខាង៕
ចែករំលែកព័តមាននេះ