បង្ក្រា.បទីតាំងឆបោកតាមប្រព័ន្ធបច្ចេកវិទ្យា និងស្នាក់នៅខុសច្បាប់ ៣ទីតាំងនៅភ្នំពេញ ឃាត់ខ្លួនជនបរទេស៨៣នាក់
- ភ្នំពេញ
រាជធានីភ្នំពេញ ៖ទីតាំងស្នាក់នៅរបស់ជនជាតិបរទេសចំនួន ៣ ទីតាំងផ្សេងគ្នានៅរាជធានីភ្នំពេញត្រូវបានកម្លាំងគណៈបញ្ជាការឯកភាពរាជធានីភ្នំពេញចុះរដ្ឋបាលឆែកឆេរដោយឃាត់ជនបរទេសចំនួន ៨៣នាក់ លួចលាក់ប្រព្រឹត្តបទល្មើសឆរបោកតាមប្រពន្បច្ចេកវិទ្យាOnline Scams និងស្នាក់នៅដោយខុសច្បាប់ ។
ប្រតិបត្តិការនេះធ្វើឡើងនៅថ្ងៃទី២៥ ខែឧសភា ឆ្នាំ២០២៦ ក្រោមការដឹកនាំបញ្ជាផ្ទាល់ដោយឯកឧត្តម ឃួង ស្រេង ប្រធានគណៈបញ្ជាការឯកភាពរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ,លោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ និងដោយមាន ការសម្របសម្រួលនីតិវិធីច្បាប់ពីតំណាងអយ្យការផងដែរ ។
ទីតាំងដែលសមត្ថកិច្ចចម្រុះឆែកឆេររកឃើញបទល្មើស រួមមាន៖
ទីតាំងទី១៖ ស្តិតនៅផ្លូវ១៩២៨ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ បានរកឃើញជនជាតិចិន ៣២នាក់(គ្មានលិខិតឆ្លងដែន១៧នាក់ , សង្ស័យលិខិតឆ្លងដែនក្លែងក្លាយ០១នាក់)ជនជាតិម៉ាឡេស៊ី ០១នាក់ជនបរទេសទាំង៣៣នាក់ រត់ពួនអំឡុងពេលសមត្ថកិច្ចចុះត្រួតពិនិត្យ (មិនសហការជាមួយសមត្ថកិច្ច និង ស្នាក់នៅដោយខុសច្បាប់) ។
ទីតាំងទី២ ស្ថិត នៅខុនដូរ SKY TREE អគារA , B , C ស្ថិតនៅសង្កាត់ទួលសង្កែទី១ ខណ្ឌឫស្សីកែវ បានរកឃើញ បរទេស៣១នាក់ ពាក់ព័ន្ធបទល្មើស Online Scams ខុសច្បាប់ ក្រោមរូបភាពអូសទាញវិនិយោគខុសច្បាប់ ។ និងដកហូតសម្ភារៈ កុំព្យូទ័រ All IN ONE ចំនួនសរុប ០៤គ្រឿង, កុំព្យូទ័រយួដៃ Laptop ចំនួនសរុប ២១គ្រឿង, ទូរស័ព្ទដៃ ចំនួនសរុប ១០៤គ្រឿង, លិខិតឆ្លងដែនសញ្ជាតិ០៩ក្បាល ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា (Online Scams)
ទីតាំងទី៣៖ស្ថិតនៅ ផ្ទះលេខ៧៧ ផ្លូវS-02 បុរីប៉េងហួត ភូមិស្វាយតាអុក សង្កាត់វាលស្បូង ខណ្ឌច្បារអំពៅបានរកឃើញជនជាតចិន ចំនួន២០នាក់ (គ្មានលិខិតឆ្លដែនចំនួន១០នាក់ )ជាទីតាំង ជនបរទេសប្រមូលផ្តុំស្នាក់នៅដោយខុសច្បាប់ ។
បច្ចុប្បន្ន ក្រុមជនសង្ស័យទាំងអស់ និងវត្ថុតាងពាក់ព័ន្ធ ត្រូវបញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីច្បាប់ ៕
ចែករំលែកព័តមាននេះ