ប៉ូលិសអង់គ្លេសកាលពីថ្ងៃទី២ សីហា បានចាប់ខ្លួនលោក STUART KUTTNER អតីត និពន្ធនាយកកាសែត NEWS OF THE WORLD ទាក់ទិននឹងរឿងអាស្រូវលួចស្តាប់ការសន្ទនាគ្នាតាមទូរស័ព្ទដោយខុសច្បាប់ ។ លោក KUTTNER អាយុ៧១ឆ្នាំ ដែលជាប់សង្ស័យពីរឿងពុករលួយ ហើយចូលរួមគំនិតដែលសំដៅលួចស្តាប់ការទាក់ទងគ្នា
ប៉ូលិសអង់គ្លេសកាលពីថ្ងៃទី២ សីហា បានចាប់ខ្លួនលោក STUART KUTTNER អតីត និពន្ធនាយកកាសែត NEWS OF THE WORLD ទាក់ទិននឹងរឿងអាស្រូវលួចស្តាប់ការសន្ទនាគ្នាតាមទូរស័ព្ទដោយខុសច្បាប់ ។ លោក KUTTNER អាយុ៧១ឆ្នាំ ដែលជាប់សង្ស័យពីរឿងពុករលួយ ហើយចូលរួមគំនិតដែលសំដៅលួចស្តាប់ការទាក់ទងគ្នាតាមទូរស័ព្ទត្រូវបានគេនាំខ្លួនមកកាន់ស្នងការដ្ឋានប៉ូលិសស្ថិតនៅភាគខាងជើងទីក្រុងឡុងដ៍ ។ នាពេលល្ងាច លោកត្រូវបានដោះលែងតាមរយៈការបង់ប្រាក់ធានា ។
ការចាប់ខ្លួនមនុស្សទី១១ នេះចាប់ពីខែមករា មកក្នុងក្របខណ្ឌនៃការស៊ើបអង្កេតលើរឿងអាស្រូវនោះបានបង្កើនការគាបសង្កត់មកលើកូនប្រុសលោក RUPERT MURDOCH ឈ្មោះ JAMES MURDOCH ដែលបច្ចុប្បន្នជានាយកប្រតិបត្តិរងរបស់ក្រុមហ៊ុនម៉ាស៊ីនឃោសនា NEWS CORP ។ លោក JAMES MURDOCH ទទួលការចោទប្រកាន់ថា ផ្តល់ភស្តុតាងក្លែងបន្លំ មួយ ខណៈពេលធ្វើសវនកម្មដោយគណៈកម្មការសភាអង់គ្លេសកាលពីពាក់កណ្តាលខែកក្កដា ។
កាសែត NEWS OF THE WORLD សាខាក្រុងឡុងដ៍របស់ក្រុមហ៊ុន NEWS CORP ទទួលការចោទប្រកាន់ថា លួចសារតាមទូរស័ព្ទដៃរបស់បណ្តាជនរងគ្រោះពីបទឧក្រិដ្ឋ ឬរបស់សាច់ញាតិពួកគេមកធ្វើព័ត៌មានផ្សាយ ។ រឿងអាស្រូវនេះបង្ខំឱ្យលោក RUPERT MUR-DOCH មហាសេដ្ឋីម៉ាស៊ីនឃោសនា អាមេរិកបិទកាសែត NEWS OF THE WORLD ដ៏សែនចំណាស់នៅអង់គ្លេសដែលលេខចុងក្រោយរបស់កាសែតនេះចេញផ្សាយកាលពីថ្ងៃទី១០ កក្កដា ៕
ចែករំលែកព័តមាននេះ