សង្គ្រាមអ៊ុយក្រែន ៖ បន្ទាប់ពីការវាយប្រហារដ៏បង្ហូរឈាមរបស់អ៊ុយក្រែន លើតំបន់រុស្ស៊ីកាន់កាប់ ប្រធានាធិបតីរុស្ស៊ី លោកវ្ល៉ាឌីមៀរពូទីនគំរាមតបវិញ ដោយប្រធានាធិបតីអ៊ុយក្រែនលោកវ៉ូឡូឌីមៀរហ្សេឡានស្គី និងសមភាគីអាមេរិកលោកដូណាល់ត្រាំ បានព្រមានពីការវាយប្រហារខ្លាំងក្លាបំផុតរបស់រុស្ស៊ីក្នុងពេលភ្លាមៗ។ មែនហើយ…
សង្គ្រាមអ៊ុយក្រែន ៖ បន្ទាប់ពីការវាយប្រហារដ៏បង្ហូរឈាមរបស់អ៊ុយក្រែន លើតំបន់រុស្ស៊ីកាន់កាប់ ប្រធានាធិបតីរុស្ស៊ី លោកវ្ល៉ាឌីមៀរពូទីនគំរាមតបវិញ ដោយប្រធានាធិបតីអ៊ុយក្រែនលោកវ៉ូឡូឌីមៀរហ្សេឡានស្គី និងសមភាគីអាមេរិកលោកដូណាល់ត្រាំ បានព្រមានពីការវាយប្រហារខ្លាំងក្លាបំផុតរបស់រុស្ស៊ីក្នុងពេលភ្លាមៗ។
មែនហើយ នាថ្ងៃទី២៤ ឧសភា កងទ័ពរុស្ស៊ីវាយប្រហារខ្លាំងក្លាលើក្រុងគៀវបណ្ដាលឲ្យមនុស្ស៤នាក់ស្លាប់ ។ ការវាយប្រហារនោះ កើតមានបន្ទាប់ពីអ៊ុយក្រែនវាយប្រហារសាលាវិទ្យាល័យមួយក្នុងតំបន់រុស្ស៊ីកាន់កាប់ បណ្ដាលឲ្យមនុស្សច្រើននាក់ស្លាប់ ហើយលោកពូទីនសន្យាពីការតបត
វិញ។
ការវាយប្រហារនាពេលយប់របស់រុស្ស៊ីលើក្រុងគៀវ ដោយមីស៊ីល និងដ្រូនបណ្ដាលឲ្យមនុស្ស៤នាក់ស្លាប់ និងរបួសជាង៦០នាក់។ មានស្នូរផ្ទុះជាច្រើននៅក្រុងគៀវបណ្ដាលឲ្យរង្គើរដល់អគារខ្ពស់ៗ។ តាមអភិបាលក្រុងគៀវថាសាលារៀនមួយរងការប៉ះពាល់ដោយការវាយប្រហារនោះ។ ការប្រកាសអាសន្នក៏បានធ្វើក្នុងទូទាំងអ៊ុយក្រែន ។ ការវាយប្រហារលើក្រុងគៀវធ្វើឡើងដោយ
មីស៊ីលប្រភេទផ្សេងៗ ក្នុងនោះមានមីស៊ីលលឿនជាងសំឡេងមួយគ្រាប់ និងដោយដ្រូន។
តាមតុល្យការថ្មីមួយរបស់អាជ្ញាធររុស្ស៊ីការវាយប្រហារដោយដ្រូនអ៊ុយក្រែន លើអន្តេវាសិកដ្ឋានមួយនិងវិទ្យាល័យវិជ្ជាជីវៈមួយ នៅទីក្រុងស្តារ៉ូប៊ីលស្ក៍តំបន់ភាគខាងកើតអ៊ុយក្រែនកាន់កាប់ដោយរុស្ស៊ី កាលពីយប់ថ្ងៃទី២១ មក ២២ ឧសភា ចំនួនអ្នកស្លាប់មានដល់១៨នាក់ និងជាង៤០នាក់រងរបួស ហើយមនុស្ស៣នាក់បាត់ខ្លួន។ លោកពូទីនចាត់ទុកការវាយប្រហារនោះថាជាអំពើភេរវកម្ម ហើយលោកសន្យាពីការតបតវិញខាងយោធា ៕
ចែករំលែកព័តមាននេះ