ខេត្តកំពត ៖ ដោយអនុវត្តតាមបទបញ្ជាលោកមេបញ្ជាការកងរាជអាវុធហត្ថខេត្ត និងសម្របសម្រួលនីតិវិធីដោយព្រះរាជអាជ្ញា នៃអយ្យការអមសាលាដំបូងខេត្ត នៅវេលាម៉ោង១៥:៤៥នាទី ថ្ងៃទី១៨ ខែឧសភា ឆ្នាំ២០២៦ កម្លាំងមូលដ្ឋានកងរាជអាវុធហត្ថស្រុកដងទង់ ដឹកនាំដោយលោកវរសេនីយ៍ត្រី ឡុង ឆានី មេបញ្ជាការមូលដ្ឋានកងរាជអាវុធហត្ថស្រុកដងទង់ បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិល្អាង ឃុំល្អាង ស្រុកដងទង់ ខេត្តកំពត ។
កម្លាំងសមត្ថកិច្ចបានធ្វើការឃាត់ខ្លួនជនសង្ស័យចំនួន០៣នាក់ រួមមាន ៖
១. ឈ្មោះ អេង ឯម ភេទប្រុស អាយុ៤០ឆ្នាំ ជនជាតិខ្មែរ មុខរបរជាងឈើ រស់នៅភូមិល្អាង ឃុំល្អាង ស្រុកដងទង់ ខេត្ដកំពត (ជួញដូរគ្រឿងញៀន)។
២. ឈ្មោះ វ៉ាន់ ពៅ ភេទប្រុស អាយុ៤០ឆ្នាំ មុខរបរមិនពិតប្រាកដ រស់នៅភូមិទ្វារថ្មី ឃុំព្រៃថ្នង ស្រុកទឹកឈូ ខេត្តកំពត។
៣. ឈ្មោះ មាស រ៉ា ភេទប្រុស អាយុ៣៤ឆ្នាំ មុខរបរបើកបរ រស់នៅភូមិទ្វារថ្មី ឃុំព្រៃថ្នង ស្រុកទឹកឈូ ខេត្ដកំពត ។
វត្ថុតាងចាប់យករួមមាន ៖
-គ្រឿងញៀនចំនួន០២កញ្ចប់(១កញ្ចប់តូចនិង១កញ្ចប់ធំ)។
-ម៉ូតូចំនួន០១គ្រឿង។
-ទូរស័ព្ទដៃចំនួន៣គ្រឿង។
-ឧបករណ៍ជក់គ្រឿងញៀន១។
បច្ចុប្បន្ន ជនសង្ស័យ និងវត្ថុតាងខាងលើ ត្រូវបានឃាត់ខ្លួន និងរក្សាទុកនៅមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តកំពត ដើម្បីអនុវត្តតាមនីតិវិធី ៕
ចែករំលែកព័តមាននេះ