​មហាសេដ្ឋី​​អារ៉ាប៊ី សាអូឌីត មួយ​រូប​ព្រះ​អង្គ​ម្ចាស់​អាលូ​ អាលីដ អ៊ីបន៍​តា​ឡាល់ បាន​លាត​ត្រដាង​​​កាលពីថ្ងៃទី​​​២ សីហា ពីគម្រោង​​​សាង​សង់​​អគារ​​ដែលខ្ពស់​ជាង​គេបំផុត​លើ​​​ពិភព​លោក​​នៅទីក្រុង DJEDDAH ជាប់​មាត់​សមុទ្រ​ក្រហម ដែល​អគារ​នេះ​​នឹង​មាន​កម្ពស់​​ដល់ទៅ​ប្រមាណ​ជា​​១.០០​០ម៉ែត្រ ។​

ព្រះអង្គម្ចាស់​​​អង្គ​នេះ​បាន​ចុះហត្ថលេខា​​​លើ​កុងត្រា​​ដំបូង​មួយ​​​ពីការ​​សាង​សង់​​​នេះ មាន​ទឹក​ប្រាក់​​​៤,៦​លានរីយ៉ាល់ ​(ប្រមាណ​ជា​​៧៥០.០០០​​អឺរ៉ូ) ជាមួយក្រុមហ៊ុន BTP BIN LADEN CONSTRUCTION GROUP ។ សំណង់​​នេះ​ដែល​​ការ​សាង​សង់​​ត្រូវ​ចំណាយ​ពេល​៥​ឆ្នាំ ​គឺ​ជា​គម្រោង​​​ធំមួយរបស់ទីក្រុង​នេះ ​ដោយ​អគារ​នោះ​​​ដាក់ឈ្មោះ​​ថា KINGDOM CITY គ្រោង​កសាង​​នា​ជាយក្រុង DJEDDAH ។ អគារ​​នេះ នឹង​​​​រួម​មាន​​សណ្ឋាគារ​មួយ បណ្តា​​ផ្ទះល្វែង​សម្រាប់ស្នាក់​នៅ​ដ៏ទំនើប ​ព្រមទាំង​​ការិយា​ល័យ​នានា ។ ​​

ព្រះអង្គម្ចាស់​​អាលូ អា​លីដ ដែល​ជា​​ប្អូនជី​ដូន​មួយ​របស់ព្រះមហាក្សត្រ​​អារ៉ាប៊ី សាអូឌីត ​​គូស​បញ្ជាក់​ថា ​អគារ​ខ្ពស់​​នេះ​​អាច​មានកម្ពស់​​​​១.០០០ម៉ែត្រ​។​ អគារ​ខ្ពស់​​បំផុត​​​លើពិភពលោក​​នា​ពេលបច្ចុ​ប្បន្ន​​នេះ​គឺអគារ BURJ KHALIFA នៅក្រុង​​ឌូបៃ ដែលមានកម្ពស់​​​​៨២៨ម៉ែត្រ ៕​