រាជធានីភ្នំពេញ ៖ យុវជនម្នាក់ជាអ្នករុញរទេះលក់លតឆាតាមដងផ្លូវ ត្រូវខ្យល់គរ ហើយសន្តិសុខឃើញហៅរថយន្តសាមុយដឹកយកទៅសង្គ្រោះកាលពីវេលាម៉ោង ១០និង៣០នាទីយប់ថ្ងៃទី១ សីហា នៅមុខទីបញ្ជាការកងរាជអាវុធហត្ថខណ្ឌទួលគោក ក្នុងសង្កាត់ទឹកល្អក់ទី៣។
ប្រភពព័ត៌មានពីឈ្មោះរ៉ែ ប៊ុនធឿន
រាជធានីភ្នំពេញ ៖ យុវជនម្នាក់ជាអ្នករុញរទេះលក់លតឆាតាមដងផ្លូវ ត្រូវខ្យល់គរ ហើយសន្តិសុខឃើញហៅរថយន្តសាមុយដឹកយកទៅសង្គ្រោះកាលពីវេលាម៉ោង១០និង៣០នាទីយប់ថ្ងៃទី១ សីហា នៅមុខទីបញ្ជាការកងរាជអាវុធហត្ថខណ្ឌទួលគោក ក្នុងសង្កាត់ទឹកល្អក់ទី៣។
ប្រភពព័ត៌មានពីឈ្មោះរ៉ែ ប៊ុនធឿន ភេទប្រុស ត្រូវជាឪពុករបស់យុវជនរុញរទេះលក់លតឆាបានឱ្យដឹងថា ជនរងគ្រោះឈ្មោះខន សុភាព ភេទប្រុស អាយុ១៧ឆ្នាំ មានស្រុកកំណើតនៅភូមិក្រាំងស្តៅ ឃុំសឹង ស្រុកសំរោង ខេត្តតាកែវ មកស្នាក់នៅផ្ទះជួលលេខ១១៥ ក្រុម៣ នៅជិតផ្សារអូរបែកក្អម ក្នុងសង្កាត់ទឹកល្អក់ទៅ៣ ខណ្ឌទួលគោក ហើយប្រកបរបររុញរទេះលក់លតឆាដើរតាមផ្លូវទេពផន រហូតដល់ម្តុំវត្តនាគវ័ន ជារៀងរាល់ថ្ងៃ។
ប្រភពព័ត៌មានពីសន្តិសុខដែលយាមនៅមុខឃ្លាំងតាមផ្លូវទេពផនជិតទីបញ្ជាការកងរាជអាវុធហត្ថខណ្ឌទួលគោក បានឱ្យដឹងថា ជារៀងរាល់វេលាម៉ោង៩យប់ យុវជនសុភាព តែងតែរុញរទេះលតឆាមកដល់ហើយ ប៉ុន្តែថ្ងៃកើតហេតុសន្តិសុខសួរថាហេតុអ្វីម៉ោងជាង១០យប់ទើបតែមកដល់? យុវជននោះប្រាប់ថា រូបគេមិនស្រួលខ្លួនដួលសន្លប់នៅជិតវត្តនាគវ័ន កាលពីវេលាម៉ោង៩និង២០នាទីយប់។ ពេលនោះមានគេជួយគក់ច្របាច់ក៏ដឹងខ្លួនឡើងវិញ តែក៏មានអ្នកឆ្លៀតឱកាសលួចលុយដែលលក់បានចំនួន៥២.០០០រៀលអស់ផងដែរ។
ប្រភពព័ត៌មានបន្តថា ខណៈមកដល់ផ្លូវទេពផនកន្លែងសន្តិសុខឈរយាមអ្នកលក់លតឆាក៏ទៅហូបទឹក រួចនិយាយប្រាប់ហេតុការណ៍សន្លប់លើកទី១ ហើយបានកត់លេខទូរស័ព្ទទៅឱ្យសន្តិសុខដោយនិយាយថា បើខ្ញុំសន្លប់ទៀត ជួយទូរស័ព្ទប្រាប់ឪពុកខ្ញុំផង។ គ្រាន់តែហុចក្រដាសលេខទូស័ព្ទឱ្យរួច ស្រាប់តែយុវជននោះខ្យល់គរដួលទៀតតែម្តង នៅវេលាម៉ោង១០និង៣០នាទីយប់ ហើយសន្តិសុខបានទូរស័ព្ទហៅរថយន្តសាមុយដឹកយកទៅព្យាបាលនៅគ្លីនិកឯកជន បន្ទាប់មកបានទូរស័ព្ទប្រាប់ឪពុកយុវជននោះឱ្យមកមើលកូន៕
ចែករំលែកព័តមាននេះ