ខេត្តបាត់ដំបង៖ ប្រជាពលរដ្ឋខ្មែរចំនួន០៦នាក់ រាប់ទាំងកុមារម្នាក់ផង ត្រូវបានអាជ្ញាធរ ខេត្តច័ន្ធបុរី នៃប្រទេសថៃ ឃាត់ខ្លួនដោយចោទថា បានលួច «ឆ្លងដែន» ខុសច្បាប់…
ខេត្តបាត់ដំបង៖ ប្រជាពលរដ្ឋខ្មែរចំនួន០៦នាក់ រាប់ទាំងកុមារម្នាក់ផង ត្រូវបានអាជ្ញាធរ ខេត្តច័ន្ធបុរី នៃប្រទេសថៃ ឃាត់ខ្លួនដោយចោទថា បានលួច «ឆ្លងដែន» ខុសច្បាប់ ខណៈដែលពលរដ្ឋថៃរខ្លួនឯង រាប់សិបនាក់បំរ៉ុងលួច«ឆ្លងដែន» ខុសច្បាប់ដែរ ចូលក្នុងទឹកដី ក្រុងប៉ោយប៉ែត ខេត្តបន្ទាយមានជ័យ តែត្រូវបានអាជ្ញាធរ ខេត្តស្រះកែវ នៃប្រទេសថៃ បង្ក្រាបបានទាន់ពេលវេលា។
យោងតាមប្រភពព័ត៏មានពីមន្ត្រីព្រំដែន បានឲ្យុដឹងថា ពលរដ្ឋខ្មែរចំនួន០៦នាក់ អាជ្ញាធរថៃ ឃាត់ខ្លួនពីបទ«ឆ្លងដែនខុសច្បាប់»នោះ បានកើតឡើង កាលពីថ្ងៃទី៏ ១១ ឧសភា។ ប៉ុន្តែគេពុំទទូលបានព័ត៏មានថា តើពួកគេបានលួចឆ្លងព្រំដែន ចេញពីចំណុចណា នៃទឹកដីកម្ពុជា ចេញទៅប្រទេសថៃនោះទេ។
គេគ្រាន់តែដឹងថា ពលរដ្ឋខ្មែរទាំង០៦នាក់មានទាំងកុមារម្នាក់ផង ត្រូវបានអាជ្ញាធរខេត្តច័ន្ធបុរី ឃាត់ខ្លួន បន្ទាប់ពីពួកគេបានឆ្លងចូលដល់ទឹកដី នៃប្រទេសថៃ។ ដោយឡែកប្រភពមួយផ្សេងទៀត បានឲ្យដឹងថា កម្លាំងយោធាថៃ ប្រចាំតំបន់ព្រំដែន ក្នុងខេត្តស្រះកែវ បានឃាត់ខ្លួន (ទប់ស្កាត់) ពលរដ្ឋរបស់ខ្លួនជាច្រើននាក់ នៅព្រឹកថ្ងៃទី ១៤ ឧសភា នេះ ដែលបំរ៉ុង«ឆ្លងដែនខុសច្បាប់» ដែរចូលលមកកាន់ ក្រុងប៉ោយប៉ែត ខេត្តបន្ទាយមានជ័យ។
ប្រភពព័ត៏មាន បានឲ្យដឹងថា ក្រុមពលរដ្ឋថៃទាំងនោះ បើតាមគេដឹង ក្រុមនោះសុទ្ធសឹងជាក្រុមធ្លាប់បំរើការល្បែង«អនឡាញ» នៅក្រុងប៉ោងប៉ែត។ ប៉ុន្តែយ៉ាងណា ក្រុមពលរដ្ឋថៃទាំងនោះត្រូវបានកម្លាំងទាហានថៃ ទប់ស្កាត់បានទាន់ពេលវេលាមុនពេលឆ្លងអូរព្រំដែន។ ដោយឡែកប្រជាពលរដ្ឋខ្មែរចំនួន០៦នាក់ ដែលអាជ្ញាធរ ខេត្តច័ន្ធបុរី ឃាត់ខ្លួន គេមិនទាន់ដឹងពីដំណឹងនៅឡើយទេ រហូតមកទល់ពេលនេះ៕
ចែករំលែកព័តមាននេះ