ខេត្តបាត់ដំបង ៖ ក្រុមអ្នកបើកល្បែងស៊ីសងខុសច្បាប់ (អនឡាញ) ដែលជ្រកក្រោមស្លាកយីហោ «ប្ដូរលុយ» មានប្រុស មានស្រីចំនួន១០នាក់ ត្រូវបានកម្លាំងសមត្ថកិច្ចបង្ក្រាប និងកំពុងរៀបចំសំណុំរឿងបញ្ជូនទៅកាន់សាលាដំបូងខេត្ត…
ខេត្តបាត់ដំបង ៖ ក្រុមអ្នកបើកល្បែងស៊ីសងខុសច្បាប់ (អនឡាញ) ដែលជ្រកក្រោមស្លាកយីហោ
«ប្ដូរលុយ» មានប្រុស មានស្រីចំនួន១០នាក់ ត្រូវបានកម្លាំងសមត្ថកិច្ចបង្ក្រាប និងកំពុងរៀបចំសំណុំរឿងបញ្ជូនទៅកាន់សាលាដំបូងខេត្ត នៅរសៀលថ្ងៃទី០៨ ឧសភា នេះហើយ ។ នេះបើតាមការឲ្យដឹងពីមន្ត្រីការិយាល័យជំនាញនៃស្នងការខេត្ត ។
ក្រុមប្រព្រឹត្តល្បែង«អនឡាញ»ទាំង១០នាក់នោះ មាន១-ឈ្មោះ ម៉ៅ កាត់ ភេទស្រី អាយុ៣២ឆ្នាំ (មេការ) រស់នៅភូមិជំនីក ឃុំអន្លង់វិល ស្រុកសង្កែ ២-ឈ្មោះ សុង រក្សា ភេទប្រុស អាយុ២២ឆ្នាំ នៅភូមិស្វាយស ឃុំកំររៀង ស្រុកកំរៀង ៣-ឈ្មោះ ឡេ ផាត់ ភេទប្រុស អាយុ២៧ឆ្នាំ នៅខេត្តសៀមរាប ៤-ឈ្មោះ ស៊ុន ស៊ីថន ភេទប្រុស អាយុ២៥ឆ្នាំ នៅភូមិថ្មពួក ឃុំថ្មពួក ស្រុកថ្មពួក ខេត្តបន្ទាយមានជ័យ ៥-ឈ្មោះ លីន ស៊ូចិន ភេទស្រី អាយុ២៥ឆ្នាំ ភូមិសឿ ឃុំសឿ ស្រុកមអ្គលបូរី ខេត្តបន្ទាយមានជ័យ ៦-ឈ្មោះ វ៉េន សុខធារា់ ភេទប្រុស អាយុ២៦ឆ្នាំ នៅភូមិកណ្ដាលក្រាម ឃុំអន្លង់់វែង ស្រុកអន្លង់វែង ខេត្តឧត្តមានជ័យ ៧-ឈ្មោះ តាង ស្រីណែត ភេទស្រី អាយុ២៥ឆ្នាំ នៅភូមិថ្នល់ដាច់ ឃុំភ្នំដី ស្រុកភ្នំស្រុក ខេត្តបន្ទាយមានជ័យ ៨-ឈ្មោះ ម៉ៅ ស្រីដា ភេទស្រី អាយុ២៥ឆ្នាំ នៅភូមិប៉ាហីត្បូង សង្កាត់ប៉ៃលិន ក្រុងប៉ៃលិន ៩-ឈ្មោះ សាន់ ចាន់ពេជ្រ ភេទប្រុសអាយុ២១ឆ្នាំ នៅភូមិប្រជាធម្មកើត សង្កាត់ប៉ោយប៉ែត ក្រុងប៉ោងប៉ែត និង១០-ឈ្មោះឡាត់ ឡុង ភេទប្រុស អាយុ២០ឆ្នាំ នៅភូមិស្រះកំប៉ោក ឃុំតាក្រី ស្រុកកំរៀង ។
ក្រុមបើកល្បែងស៊ីងសងទាំងនេះ ត្រូវបានកម្លាំងអធិការស្រុកសង្កែ ចុះបង្ក្រាបកាលពីព្រឹកថ្ងៃទី០៦ ឧសភា នៅចំណុចភូមិបេង ឃុំអន្លង់វិល ស្រុកសង្កែ ដែលទីតាំងល្បែងនេះ ជ្រកក្រោមស្លាកយីហោ«ប្ដូរប្រាក់» ។ តាមរយៈរបាយការណ៍អធិការស្រុកសង្កែ លោក យុត តុងហូ បានឲ្យដឹហថា ជាមួយនឹងការឃាត់ខ្លួនមនុស្សចំនួន១០នាក់ មន្ត្រីជំនាញបានដកហូតវត្ថុតាងជាច្រើន ដែលពាក់ព័ន្ធនឹងការប្រព្រឹត្តល្បែង«អនឡាញ»នេះ ។
វត្ថុតាងទាំងនោះមាន៖កុំព្យូទ័រចំនួន១០គ្រឿង ម៉ាស៊ីនកុំព្យូទ័រចំនួន២៥គ្រឿង ក្នុងនោះ
ដំឡើងរួចរាល់ចំនួន១៩គ្រឿង ។ វត្ថុតាងទាំងនេះ សុទ្ធសឹងជាសម្ផារសម្រាប់ប្រព្រឹត្តបទល្មើសល្បែង«អនឡាញ» ។ បើតាមប្រភពព័ត៌មាន ក្រុមនេះបែកសម្បុកមកពីរាជធានីភ្នំពេញ ។ ពួកគេបានមកជួលផ្ទះគេនៅចំណុចខាងលើ ដើម្បីបើកល្បែង«អនឡាញ» តែជ្រកក្រោមស្លាកយីហោ «ប្ដូរប្រាក់» ។
លោក ឈឿង គឹមសុង ស្នងការរងទទួលផែនព្រហ្មទណ្ឌនៃស្នងការខេត្តបាត់ដំបង បានឲ្យដឹងដែរថា តាមការស៊ើបអង្កេត មុនពេលចុះបង្ក្រាប គឺក្រុមអ្នកលែងល្បែងនេះ ទើបមកជួលផ្ទះនៅចំណុចខាងលើ បើកល្បែងបានត្រឹម០៣ថ្ងៃប៉ុណ្ណោះ ។
លោកបានបញ្ជាក់ថា ល្បែងអនឡាញចម្បងដែលក្រុមនេះ ក្រោមបើកដំណើរការ គឺជាល្បែង «ចាក់បាល់» ។ ក្រោយពីស៊ើបអង្កេតដឹងច្បាស់ ទើបលោកសុំគោលការលោកស្នងការ និងតំណាអយ្យការចុះបង្ក្រាបភ្លាមៗតែម្ដង ។ ពេលនេះ មន្ត្រីការិយាល័យជំនាញ បានបញ្ជូនក្រុមអ្នកប្រព្រឹត្តល្បែងទាំងនោះទៅកាន់សាលាដំបូងខេត្តហើយ ៕
ចែករំលែកព័តមាននេះ