ប្រទេសហ្វីលីពីន ៖ នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានប្រាប់នាយករដ្ឋមន្ត្រីថៃ លោក អានុទីន ថា…
ប្រទេសហ្វីលីពីន ៖ នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានប្រាប់នាយករដ្ឋមន្ត្រីថៃ លោក អានុទីន ថា កម្ពុជានឹងប្រើប្រាស់យន្តការការផ្សះផ្សារដោយចាប់បង្ខំ ក្រោមអនុសញ្ញា UNCLOS របស់អង្គការសហប្រជាជាតិ។ នេះបើតាមប្រសាសន៍របស់សម្តេច ធិបតី ហ៊ុន ម៉ាណែត នៅក្នុងសន្និសីទសារព័ត៌មាន បន្ទាប់ពីកិច្ចប្រជុំត្រីភាគី នៅថ្ងៃទី៧ ខែឧសភា រវាងសម្តេចធិបតី ជាមួយលោក អានុទី នាយករដ្ឋមន្ត្រីថៃ និងលោក Ferdinand Marcos ប្រធានាធិបតីហ្វីលីពីន ដែលជាប្រធានប្តូរវេណអាស៊ាន ។
សម្តេច ធិបតី បានមានប្រសាសន៍ថា យើងក៏បានពិភាក្សា អំពីផ្លូវឆ្ពោះទៅមុខសម្រាប់ការដោះស្រាយតំបន់ដែនសមុទ្រ ដែលត្រួតស៊ីគ្នា ជាមួយនឹងការសម្រេចចិត្តរបស់កម្ពុជា ក្នុងការចាប់ផ្តើមការផ្សះផ្សារដោយចាប់បង្ខំ (compulsory conciliation) នៅក្រោមអនុសញ្ញា UNCLOS បន្ទាប់ពីប្រទេសថៃ បានដកខ្លួនចេញពីអនុស្សរណៈ នៃការយោគយល់គ្នា (MOU) ឆ្នាំ២០០១ ។
សម្តេចធិបតី មានប្រសាសន៍ថា “កម្ពុជាជឿជាក់ថា នេះគឺជាមាគ៌ាសន្តិវិធី ឆ្ពោះទៅរកដំណោះស្រាយដ៏យុត្តិធម៌សម្រាប់ភាគីទាំងសងខាង” ៕
ចែករំលែកព័តមាននេះ