សង្គ្រាមអ៊ុយក្រែន ៖ រុស្ស៊ីស្នើកាលពីថ្ងៃទី៦ ឧសភា ដល់បណ្ដាស្ថានទូតបរទេសឱ្យជម្លៀសបុគ្គលិក និងជនជាតិពួកគេចេញពីក្រុងគៀវក្នុងពេលសមស្រប មុនការការវាយប្រហារទ្រង់ទ្រាយធំបំផុត ជាការសងសឹកដែលចៀសមិនរួចប្រសិនបើអ៊ុយក្រែន វាយប្រហារដោយដ្រូនធ្វើឲ្យស្ទះដល់ការប្រារព្ធបុណ្យជ័យជម្នះរបស់ពួកណាហ្ស៊ីអាល្លឺម៉ង់ថ្ងៃទី៩ ឧសភា…
សង្គ្រាមអ៊ុយក្រែន ៖ រុស្ស៊ីស្នើកាលពីថ្ងៃទី៦ ឧសភា ដល់បណ្ដាស្ថានទូតបរទេសឱ្យជម្លៀសបុគ្គលិក និងជនជាតិពួកគេចេញពីក្រុងគៀវក្នុងពេលសមស្រប មុនការការវាយប្រហារទ្រង់ទ្រាយធំបំផុត ជាការសងសឹកដែលចៀសមិនរួចប្រសិនបើអ៊ុយក្រែន វាយប្រហារដោយដ្រូនធ្វើឲ្យស្ទះដល់ការប្រារព្ធបុណ្យជ័យជម្នះរបស់ពួកណាហ្ស៊ីអាល្លឺម៉ង់ថ្ងៃទី៩ ឧសភា ។
ទន្ទឹមនឹងនេះដែរ កងទ័ពរុស្ស៊ីបន្តវាយប្រហារប្រឆាំងអ៊ុយក្រែន ជាសញ្ញានៃការបដិសេធយ៉ាងច្បាស់បទឈប់បាញ់គ្នាដែលស្នើឡើងដោយប្រទេសនេះ ។ ការវាយប្រហាររបស់រុស្ស៊ីលើអ៊ុយ
ក្រែនរយៈពេលចុងក្រោយនេះ បណ្ដាលឲ្យមនុស្សស្លាប់យ៉ាងតិច៣០នាក់ ។
ក្នុងកំណត់ហេតុមួយផ្ញើជូនបណ្ដាស្ថានទូតបរទេសប្រចាំក្រុងគៀវ ក្រសួងការបរទេសរុស្ស៊ីបានព្រមានថា នឹងមានការវាយប្រហារសងសឹកលើក្រុងគៀវ ក្នុងនោះ រួមទាំងបណ្ដាមជ្ឈមណ្ឌលសំខាន់ៗផង ប្រសិនបើអ៊ុយក្រែនរំខានដល់ការប្រារព្ធខួបជ័យជម្នះថ្ងៃទី៩ ឧសភា នៅក្រុងមូស្គូ ។ ក្រសួងការបរទេសរុស្ស៊ីមិនបានបញ្ជាក់ពីប្រភេទនៃការគំរាមកំហែងនោះលើការប្រារព្ធពិធីបុណ្យ ហើយអ៊ុយក្រែនក៏មិនទាន់មានប្រតិកម្មតបក្នុងពេលភ្លាមៗ ចំពោះកំណត់ហេតុនោះនៅឡើយ
ដែរ។
រុស្ស៊ីជារៀងរាល់ឆ្នាំ តែងប្រារព្ធទិវាជ័យជម្នះរបស់សហភាពសូវៀត ក្នុងសង្គ្រាមលោកលើកទី២ ដោយក្នុងឱកាសបុណ្យជ័យជម្នះនោះ តែងមានក្បួនព្យុហយាត្រាយោធាដ៏ធំនៅទីលានក្រហម ។ កាលពីដើមសប្ដាហ៍នេះរុស្ស៊ី ក៏បានប្រកាសពីបទឈប់បាញ់គ្នាជាឯកតោភាគីរយៈពេល២ថ្ងៃគឺថៃ្ងទី៨ និងទី៩ ឧសភាដែរ ។ អ៊ុយក្រែនក៏ប្រកាសីបទឈប់បាញ់គ្នាជាឯកតោភាគី២ថដូចគ្នា តែមិនមែនកាលបរិច្ឆេទជាមួយគ្នានឹងបទឈប់បាញ់របស់រុស្ស៊ីឡើយ ។ អ៊ុយក្រែនប្រកាសបទឈប់បាញ់គ្នាពីពាក់កណ្ដាលយប់ថ្ងៃទី៦ ឧសភា ដល់ថ្ងៃទី៧ ឧសភា។
អ៊ុយក្រែនអះអាងថា រហូតដល់ម៉ោង១០ម៉ោងក្នុងស្រុកថ្ងៃទី៦ ឧសភា កងទ័ពរុស្ស៊ីបានបំពានបទឈប់បាញ់របស់អ៊ុយក្រែនដល់១៨២០លើក ។ ពិសេសបំផុត ដ្រូន១០៨គ្រឿង និងមីស៊ីល៣គ្រាប់ បានវាយប្រហារនាពេលព្រឹក លើក្រុងខាគៀវ និងក្រុងហ្សាប៉ូរីហ្ស៊ីយ៉ា ។ អាជ្ញាធរមូលដ្ឋានអ៊ុយ
ក្រែននិយាយថា នៅតំបន់ក្រុងស៊ូមីនារីម្នាក់ស្លាប់ដោយសារការវាយប្រហារដ្រូន ត្រូវចំរថយន្ត
ស៊ីវិលមួយគ្រឿង។ ចំណែកការវាយប្រហារមួយទៀតត្រូវចំមត្តេយ្យសាលាមួយបណ្ដាលឲ្យមនុស្សស្លាប់២នាក់។ ចណែករុស្ស៊ីវិញថ្លែងថា បានបាញ់ទម្លាក់ដ្រូនអ៊ុយក្រែន៥៣គ្រឿងពីលើដែនដីខ្លួន ៕
ចែករំលែកព័តមាននេះ