ខេត្តកំពត ៖ លោកស្នងការខេត្តកំពត បានប្រកាសជូនដំណឹងជាញឹកញាប់ដល់ប្រជាពលរដ្ឋនៅទូទាំងខេត្តកំពត ជាពិសេសយុវវ័យដែលកំពុងស្ថិតក្នុងវ័យសិក្សា ចូរកុំប្រព្រឹត្តនូវសកម្មភាពជាលក្ខណៈក្មេងទំនើងដែលសង្គមស្អប់ខ្ពើម ដូចជាករណីបង្ហោះម៉ូតូលើផ្លូវសាធារណ បង្កើតក្រុមបងធំបងតូចប្រើអំពើហឹង្សាលើអ្នកដទៃ ដែលធ្វើឲ្យប៉ះពាល់យ៉ាងធ្ងន់ធ្ងរ ដល់គោលនយោបាយភូមិឃុំមានសុវត្ថិភាព។…
ខេត្តកំពត ៖ លោកស្នងការខេត្តកំពត បានប្រកាសជូនដំណឹងជាញឹកញាប់ដល់ប្រជាពលរដ្ឋនៅទូទាំងខេត្តកំពត ជាពិសេសយុវវ័យដែលកំពុងស្ថិតក្នុងវ័យសិក្សា ចូរកុំប្រព្រឹត្តនូវសកម្មភាពជាលក្ខណៈក្មេងទំនើងដែលសង្គមស្អប់ខ្ពើម ដូចជាករណីបង្ហោះម៉ូតូលើផ្លូវសាធារណ បង្កើតក្រុមបងធំបងតូច
ប្រើអំពើហឹង្សាលើអ្នកដទៃ ដែលធ្វើឲ្យប៉ះពាល់យ៉ាងធ្ងន់ធ្ងរ ដល់គោលនយោបាយភូមិឃុំមានសុវត្ថិភាព។
ជាក់ស្តែង យុវជនម្នាក់ជាសិស្សសាលាអនុវិទ្យាល័យផង ដោយសារតែខឹងមិត្តភក្តិជេរប្រមាថឪពុកម្តាយខ្លួនក៏បានយកកាំបិតលៀមកាន់គ្រវី រួចថតបង្ហោះគំរាមមិត្តភក្តិតាមបណ្តាញសង្គម(Facebook) កាលពីថ្ងៃទី២០ ខែមេសា ឆ្នាំ២០២៦ វេលាម៉ោង១៦.៣០នាទីរសៀល ហើយត្រូវបានក្រុមប្រតិកម្មរហ័សនៃស្នងការដ្ឋាននគរបាលខេត្តកំពត បានឃើញសកម្មភាពខាងលើ កំលាំងសមត្ថកិច្ចក្រោមការចង្អុលបញ្ជាពីលោកឧត្តមសេនីយទោ ម៉ៅ ចន្ទ័មធុរិទ្ធ ស្នងការខេត្ត បានចុះធ្វើការស្រាវជ្រាវ រហូតដល់ថ្ងៃទី២២ខែមេសាឆ្នាំ២០២៦ ទើបកំលាំងសមត្ថកិច្ចនាំខ្លួនជនសង្ស័យខាងលើរួមជាមួយវត្ថុតាង(កាំបិតលៀមដងវែង១ដើម)មកកាន់អធិការដ្ឋានស្រុកបន្ទាយមាសដើម្បីធ្វើការសាកសួរ។
ប្រភពពត៌មានពីអធិការដ្ឋានស្រុកបន្ទាយមាសបានឲ្យដឹងថា ជនសង្ស័យដែលសមត្ថកិច្ចឃាត់ខ្លួនមកសាកសួរនេះឈ្មោះ នន ធារ៉ា ភេទប្រុស អាយុ១៥ឆ្នាំ រស់នៅភូមិសូរប៉េង ឃុំវត្តអង្គខាងជើង ស្រុកបន្ទាយមាស ខេត្តកំពត។
ក្រោយពីធ្វើការសាកសួររបស់សមត្ថកិច្ច ជនសង្ស័យរូបនេះបានសារភាពប្រាប់សមត្ថកិច្ចថា កាលពីថ្ងៃទី២០ខែមេសា ឆ្នាំ២០២៦ វេលាម៉ោង១៦.៣០នាទី ខ្លួននៅផ្ទះសុខៗស្រាប់ឈ្មោះជ្រូក ភេទប្រុស អាយុប្រហែល១៥ឆ្នាំ នៅភូមិកណ្តាល ឃុំវត្តអង្គខាងត្បូង ស្រុកបន្ទាយមាស ខេត្តកំពត បានឆាតមកតាមទូរសព្ទ័ជេរប្រមាថខ្លួន ពេលនោះខ្លួនខឹងពេកក៏យកទូរសព្ទ័ថតជាវីដេអូ បាញ់តាមឆាតតបវិញ ដោយមានកាន់កាំបិតមួយដើមដងឬស្សី ព្រមទាំងនិយាយគំរាមនិងដងទៅឈ្មោះ ជ្រូក វិញផងដែរ រួចបាញ់ចូលក្នុងឆាតឲ្យឈ្មោះជ្រូកនោះមើល។
ក្រោយមកឈ្មោះជ្រូក ក៏បានបាញ់រូបភាពនោះបន្តចូលក្នុងហ្វេសបុក ទើបក្រុមប្រតិកម្មរហស័ចុះស្រាវជ្រាវឃាត់ខ្លួនតែម្តង។
ក្រោយពីជនសង្ស័យខាងលើសារភាពចប់ អធិការដ្ឋានស្រុកបន្ទាមាសបានបញ្ជូនខ្លួនជនសង្ស័យនិងវត្ថុតាងមកកាន់ស្នងការដ្ឋាននគរបាលខេត្តដើម្បីបន្តនីតិវិធី។
ប្រភពពីការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានឲ្យកោះសន្តិភាពដឹងថាចំពោះករណីក្មេងទំនើងខាងលើ ច្បាប់មិនអាចលើកលែងឲ្យទេគឺត្រូវតែអនុវត្តតាមនីតិវិធីដើម្បីឲ្យបុគ្គលដែលប្រព្រឹត្តខុសសនគាល់នូវទោសកំហុសខ្លួនឯងនិងកុំឲ្យមានបុគ្គលឬយុវវ័យក្រោយៗទៀតយកគំរូតាម។
ជនសង្ស័យខាងលើនៅរសៀលថ្ងៃទី២៣ខែមេសាឆ្នាំ២០២៦នេះកំលាំងសមត្ថកិច្ចយើងកសាងសំណុំរឿងបញ្ជូនទៅតុលាការ ដើម្បីចាត់ការតាមនិតិវិធីច្បាប់៕
ចែករំលែកព័តមាននេះ