កូរ៉េខាងជើង-រុស្ស៊ី ៖ រុស្ស៊ីប្រកាស កាលពីថ្ងៃទី២១ មេសា ពីការបើកដំណើរការនាពេលឆាប់ខាងមុខនេះ ស្ពានមួយដែលតភ្ជាប់ដោយផ្ទាល់់ដែនដីខ្លួនជាមួយកូរ៉េខាងជើង។ ស្ពាននោះ ដែលគ្រោងដាក់ឱ្យប្រើនារដូវក្ដៅខាងមុខ នឹងជាការតភ្ជាប់ដំបូងនូវផ្លូវថ្នល់មួយរវាងប្រទេសទាំង២នោះ។…
កូរ៉េខាងជើង-រុស្ស៊ី ៖ រុស្ស៊ីប្រកាស កាលពីថ្ងៃទី២១ មេសា ពីការបើកដំណើរការនាពេលឆាប់ខាងមុខនេះ ស្ពានមួយដែលតភ្ជាប់ដោយផ្ទាល់់ដែនដីខ្លួនជាមួយកូរ៉េខាងជើង។ ស្ពាននោះ ដែលគ្រោងដាក់ឱ្យប្រើនារដូវក្ដៅខាងមុខ នឹងជាការតភ្ជាប់ដំបូងនូវផ្លូវថ្នល់មួយរវាងប្រទេសទាំង២នោះ។
រហូតមកទាល់ពេលនេះ ការដោះដូរគ្នារវាងប្រទេសទាំង២ ពឹងលើផ្លូវដែកនិងផ្លូវអាកាស ។ ក្រសួងដឹកជញ្ជូនរុស្ស៊ីបញ្ជាក់ក្នុងសេចក្ដីប្រកាសមួយថា ការតភ្ជាប់គ្នាតាមផ្លូវថ្នល់ដោយផ្ទាល់នេះ នឹងជាលើកដំបូងសម្រាប់ប្រទេសទាំង២ ។ ការធ្វើចរាចរណ៍តាមផ្លូវថ្នល់រវាងប្រទេសទាំង២ចាប់ផ្ដើមនារដូវក្ដៅនេះ។
ទន្ទឹមនឹងនេះដែរប៉ុស្តិ៍ព្រំដែនមួយកំពុងតែរៀបចំនៅខាស់សាន់ ។ តាមប្រភពដដែលនេះថា ផ្លូវថ្នល់នោះដំបូងអាចទទួលរថយន្តដល់៣០០គ្រឿងនិងមនុស្ស២៨៥០នាក់ក្នុង១ថ្ងៃ។ ស្ពានមានប្រវែងប្រមាណជា១គីឡូមែត្រនោះ ត្រូវបានកសាង ដោយចំណាយទឹកប្រាក់ប្រមាណជាជាង១០០លានអឺរ៉ូ ។ បណ្ដារូបភាពផ្សាយតាមទីភ្នាក់ងារព័ត៌មានរុស្ស៊ី TASS បង្ហាញដំណាក់កាលចុងក្រោយនៃការកសាងស្ពាននេះ ដែលអាជ្ញាធរកូរ៉េខាងជើងនៅមិនទាន់ធ្វើអត្ថាធិបាយណាមួយនៅឡើយ ៕
ចែករំលែកព័តមាននេះ