អូតង់-រុស្ស៊ី ៖ អូតង់គូសបញ្ជាក់ថា បានស្ទាក់យន្តហោះទម្លាក់គ្រាប់បែកយុទ្ធសាស្ត្រលឿនជាងសំឡេងរុស្ស៊ីធុនTU-22 M3 ២គ្រឿង និងយន្តហោះប្រដេញប្រមាណជា៦គ្រឿង ធុនSU-30 និងSU-35នដែលហោះហើរពីលើសមុទ្របាល់ទិកកាលពីថ្ងៃទី២០ មេសា។…
អូតង់-រុស្ស៊ី ៖ អូតង់គូសបញ្ជាក់ថា បានស្ទាក់យន្តហោះទម្លាក់គ្រាប់បែកយុទ្ធសាស្ត្រលឿនជាងសំឡេងរុស្ស៊ីធុនTU-22 M3 ២គ្រឿង និងយន្តហោះប្រដេញប្រមាណជា៦គ្រឿង ធុនSU-30 និងSU-35នដែលហោះហើរពីលើសមុទ្របាល់ទិកកាលពីថ្ងៃទី២០ មេសា។
ប្រតិបត្តិការការនោះ បង្ហាញពីកម្លាំងអាកាសនៅចង្កេះខាងកើតរបស់អូតង់ដែលអន្តរជាតិមិនសូវចាប់អារម្មណ៍ ពេលកំពុងតែផ្ដោតលើសង្គ្រាមនៅមជ្ឈឹមបូព៌ា ។ បណ្ដាយន្តហោះប្រដេញបារាំងធុនRAFALE ត្រូវបានដាក់ពង្រាយនៅមូលដ្ឋានអាកាសចរណ៍លីទុយអានីដែលមូលដ្ឋាននោះត្រូវបានប្រើក្នុងក្របខណ្ឌនៃបេសកកម្មរបស់អូតង់ ចាប់តាំងពីជាង២ទសវត្សមកហើយ ។ យន្តហោះប្រដេញប្រដាប់ដោយមីស៊ីលអាកាស-អាកាសទាំងនេះ ចូលរួមជាមួយយន្តហោះប្រដេញស៊ុយ
អែត ហ្វាំងឡង់ ប៉ូឡូញ ដាណឺម៉ាក់និងរូម៉ានី។ យន្តហោះទាំងអស់នោះបានហោះឡើងដើម្បីត្រួតពិនិត្យនិងតាមដានការហោះហើររបស់បណ្ដាយន្តហោះរុស្ស៊ី ។
ក្រសួងការពារប្រទេសរុស្ស៊ីបញ្ជាក់ថា ការហោះហើររបស់យន្តហោះទម្លាក់គ្រាប់បែកយុទ្ធសាស្ត្រទាំងនេះ ស្ថិតក្នុងកម្មវិធីនិងប្រព្រឹត្តទៅពីលើដែនទឹកអព្យាក្រិតនៃសមុទ្របាល់ទិក។ ក្រសួងនោះអះអាងតាមតេឡេក្រាមថា ការហោះហើរមានរយៈពេលជាង៤ម៉ោង។
ក្រសួងការពារប្រទេសរុស្ស៊ីគូសបញ្ជាក់ទៀតថា តាមទម្លាប់ បណ្ដាយន្តហោះរុស្ស៊ីតែងហោះហើរពីលើបណ្ដាដែនទឹកអព្យាក្រិតនៃមហាសមុទ្រអាក់ទិក មហាសមុទ្រអត្លង់ទិកខាងជើង មហាសមុទ្រប៉ាស៊ីហ្វិក ព្រមទាំងសមុទ្របាល់ទិកនិងសមុទ្រខ្មៅ ។ រាល់ការហោះហើររបស់កងកម្លាំងអាកាសរុស្ស៊ី ធ្វើឡើងដោយគោរពហ្មត់ចត់បណ្ដាច្បាប់អន្តរជាតិទាន់ទិននឹងការប្រើប្រាស់ដែនអាកាស ៕
ចែករំលែកព័តមាននេះ