រាជធានីភ្នំពេញ ៖ ក្រោមការចង្អុល បង្ហាញដោយផ្ទាល់របស់ សម្តេចធិបតី ហ៊ុន ម៉ាណែតនាយករដ្ឋមន្ដ្រីនៃកម្ពុជា ក្នុងឱកាសបុណ្យចូលឆ្នាំខ្មែរ មានប្រជាពលរដ្ឋ ១១៩…
រាជធានីភ្នំពេញ ៖ ក្រោមការចង្អុល បង្ហាញដោយផ្ទាល់របស់ សម្តេចធិបតី ហ៊ុន ម៉ាណែតនាយករដ្ឋមន្ដ្រីនៃកម្ពុជា ក្នុងឱកាសបុណ្យចូលឆ្នាំខ្មែរ មានប្រជាពលរដ្ឋ ១១៩ ៤៩០នាក់ ជិះរ ថយន្តក្រុងរបស់រដ្ឋបាលរាជធានីភ្នំពេញដោយឥតគិតថ្លៃ ហើយជួយសម្រាលបន្ទុកចំណាយសរុបប្រមាណ ៣លានដុល្លារ។
យោងតាមគេហទំព័រហ្វេសប៊ុករបស់ សម្តេចធិបតី ហ៊ុន ម៉ាណែត នៅថ្ងៃទី២២ ខែមេសា ឆ្នាំ២០២៦ បានបញ្ជាក់ថា ក្រោមការយកចិត្តទុកដាក់ និងចង្អុលបង្ហាញដោយផ្ទាល់របស់ ស ម្តេចធិបតី នាយករដ្ឋមន្ត្រី ដាក់ជូនរដ្ឋបាលរាជធានីភ្នំពេញ ដើម្បីរៀបចំសេវារថយន្តក្រុងដឹកជញ្ជូនប្រជាពលរដ្ឋ ធ្វើដំណើរទៅលេងស្រុកកំណើត អំឡុងពេលចូលឆ្នាំថ្មីប្រពៃណីជាតិខ្មែរ, ក្នុងរយៈពេល៦ថ្ងៃ ពីថ្ងៃទី១២-១៧ ខែមេសា ដែលជាការកាត់បន្ថយបន្ទុកចំណាយសម្រាប់បងប្អូន អាចយកទៅប្រើប្រាស់ក្នុងគោលដៅផ្សេងៗ រួមទាំងការធ្វើបុណ្យទានផងដែរ។
សម្ដេចធិបតី បានឱ្យដឹងថា ជាលទ្ធផលមានប្រជាពលរដ្ឋចំនួន១១៩.៤៩០នាក់ បានជឿទុកចិត្ត និងមកទទួលសេវាដឹកជញ្ជូនដោយឥតគិតថ្លៃរបស់រដ្ឋាករស្វយ័តដឹកជញ្ជូនសាធារណៈរថយន្ត ក្រុងរបស់រដ្ឋបាលរាជធានីភ្នំពេញ បានកើនឡើនចំនួន ៣៣.៦៤១នាក់ ស្មើនឹង ៣៩%។
ជាមធ្យម ក្នុងពលរដ្ឋម្នាក់ ត្រូវចំណាយថវិកាប្រមាណ ១០ម៉ឺន ឬ២៥ដុល្លារ សម្រាប់ការធ្វើដំណើរទៅមក ហើយមធ្យោបាយដឹកជញ្ជូនឥតគិតថ្លៃនេះ បានជួយសម្រួលបន្ទុកចំណាយសរុបរបស់ប្រជាពលរដ្ឋប្រមាណ ១២ពាន់លានរៀល ឬស្មើនឹងប្រមាណ ៣លានដុល្លារ ដែលចំនួនទឹកប្រាក់នេះ បានចែករំលែកចូលទៅកាន់សេដ្ឋកិច្ចមូល ដ្ឋាន តាមរយៈការចំណាយនានានៅស្រុកកំណើត ជំនួសឱ្យការធ្វើដំណើរតែមួយមុខ។
សម្ដេចធិបតីនាយករដ្ឋមន្ដ្រីបន្ថែមថា សេវាដឹកជញ្ជូនឥតគិតថ្លៃ មិនត្រឹមបានជួយសម្រាលបន្ទុកចំណាយប៉ុណ្ណោះទេ ប៉ុន្តែក៏ជាកាតាលីករជំរុញចរន្តសេដ្ឋកិច្ចមូលដ្ឋានផងដែរ សម្តៅលើកកម្ពស់កំណើនចំណូលរបស់ប្រជាពលរដ្ឋមូលដ្ឋានទាំងមូល៕
ចែករំលែកព័តមាននេះ