សហរដ្ឋអាមេរិក ៖ សេតវិមានបានចេញសេចក្ដីប្រកាសគួរឲ្យភ្ញាក់ផ្អើលមួយ កាលពីថ្ងៃទី២០ មេសា ពីការលាលែងចេញពីតំណែងរបស់រដ្ឋមន្ត្រីការងារអាមេរិក។ ការប្រកាសនោះ ធ្វើឡើងក្រោយពីរឿងអាស្រូវមួយចំនួនកើតមានអំឡុងពេល១៣ខែ នៃការកាន់តំណែងនោះរបស់លោកស្រី LORI…
សហរដ្ឋអាមេរិក ៖ សេតវិមានបានចេញសេចក្ដីប្រកាសគួរឲ្យភ្ញាក់ផ្អើលមួយ កាលពីថ្ងៃទី២០ មេសា ពីការលាលែងចេញពីតំណែងរបស់រដ្ឋមន្ត្រីការងារអាមេរិក។ ការប្រកាសនោះ ធ្វើឡើងក្រោយពីរឿងអាស្រូវមួយចំនួនកើតមានអំឡុងពេល១៣ខែ នៃការកាន់តំណែងនោះរបស់លោកស្រី LORI CHARVEZ DEREMER ។
តាមបណ្ដាញសង្គមX នាយកគមនាគមន៍នៃសេតវិមាន លោកSTEVEN CHEUNG ប្រកាសថា លោកស្រីLORI CHARVEZ DEREMERរដ្ឋមន្ត្រីការងារនឹងចាកចេញពីរដ្ឋាភិបាល ដើម្បីមកកាន់តំណែងមួយក្នុងផ្នែកឯកជន ។ ចូលកាន់តំណែងនេះពីខែមីនាឆ្នាំ២០២៥មក លោកស្រីLORI CHARVEZ DEREMER ក្លាយជានារីទី៣ដែលចាកចេញពីរដ្ឋាភិបាលរបស់ប្រធានាធិបតីលោកដូណាល់ត្រាំអំឡុងពេលត្រឹម៦សប្ដាហ៍ ក្រោយការចាកចេញដោយបង្ខំ របស់រដ្ឋមន្ត្រីសន្តិសុខផ្ទៃក្នុង លោកស្រីKRISTI NOEM និងរដ្ឋមន្ត្រីយុត្តិធម៌លោកស្រីPAM BONDI ។
លោកស្រីLORI CHARVEZ DEREMER អតីតសមាជិកាសភារដ្ឋអូរីហ្គោនវ័យ៥៨ឆ្នាំ ពេលតែងតាំងលោកស្រីជារដ្ឋមន្ត្រីការងារ ជាមនុស្សជិតដិតជាមួយសហជីព។ ក្នុងអាណត្តិលោកស្រីមាន ការដកតំណែងនិងការចាប់បង្ខំឲ្យលាលែង របស់មន្ត្រីក្រសួងលោកស្រីច្រើនពាន់នាក់។ ប៉ុន្តែមានរឿងអាស្រូវមួយចំនួននាពេលថ្មីៗនេះ ទើបនាំឲ្យលាកស្រីចាកចេញពីតំណែង។
តាមកាសែតវ៉ាស៊ីនតោនប៉ុស្តិ៍ថា លោកស្រីពិសេសជាកម្មវត្ថុនៃការស៊ើបអង្កេតមួយ ពីបទមានទំនាក់ទំនងមិនសមស្រប ជាមួយអ្នកនៅក្រោមបង្គាប់លោកស្រីម្នាក់ ។ លោកស្រីក៏ត្រូវគេចោទដែរថាផឹកស្រា ក្នុងការិយាល័យពេលម៉ោងធ្វើការ និងក៏ជាប់ការចោទប្រកាន់ដែរពីបទក្លែងបន្លំ ដើម្បីឲ្យទទួលបានការធ្វើដំណើរផ្លូវការសម្រាប់គ្រួសារនិងមិត្តភក្ដិលោកស្រី ៕
ចែករំលែកព័តមាននេះ