សង្គ្រាមអ៉ីរ៉ង់ ៖ កាលពីថ្ងៃទី២០ មេសា អ៉ីរ៉ង់សន្យាតបតវិញក្នុងពេលដ៏ឆាប់ ក្រោយពីកងម៉ារីនអាមេរិកចាប់នាវាកាហ្គោខ្លួន១គ្រឿង ដែលប៉ុនប៉ងទំលុះការបិទខ្ទប់កំពង់ផែអ៉ីរ៉ង់ ដោយសហរដ្ឋអាមេរិក ។ អ្នកនាំពាក្យរបស់សេនាធិការដ្ឋានកងទ័ពអ៉ីរ៉ង់អះអាងតាមតេឡេក្រាមថា…
សង្គ្រាមអ៉ីរ៉ង់ ៖ កាលពីថ្ងៃទី២០ មេសា អ៉ីរ៉ង់សន្យាតបតវិញក្នុងពេលដ៏ឆាប់ ក្រោយពីកងម៉ារីន
អាមេរិកចាប់នាវាកាហ្គោខ្លួន១គ្រឿង ដែលប៉ុនប៉ងទំលុះការបិទខ្ទប់កំពង់ផែអ៉ីរ៉ង់ ដោយសហរដ្ឋអាមេរិក ។
អ្នកនាំពាក្យរបស់សេនាធិការដ្ឋានកងទ័ពអ៉ីរ៉ង់អះអាងតាមតេឡេក្រាមថា កងទ័ពអ៉ីរ៉ង់នឹងតបតវិញក្នុងពេលដ៏ឆាប់ ហើយនឹងចាត់បណ្ដាវិធានការសងសឹកវិញចំពោះអំពើប្លន់ប្រដាប់អាវុធនោះ និងប្រឆាំងកងយោធាអាមេរិក។
អ្នកនាំពាក្យរូបនោះចោទប្រកាន់អាមេរិកថា រំលោភបំពានបទឈប់បាញ់គ្នារយៈពេល២សប្ដាហ៍ ដែលមានជាធរមានចាប់ពីថ្ងៃទី៨ មេសា មក ។ ប្រធានាធិបតីអាមេរិក លោកដូណាល់ត្រាំ ប្រកាសកាលពីថ្ងៃទី១៩ មេសា ថា កងម៉ារីនអាមេរិកបានបាញ់លើនាវាកាហ្គោTOUSKAដោតទង់ជាតិ
អ៉ឺរ៉ងក្នុងសមុទ្រមុនពេលចាប់កាន់កាប់នាវានោះ ។
ចំពោះការបិទខ្ទប់បណ្ដាកំពង់ផែអ៉ីរ៉ង់ របស់កងម៉ារីនអាមេរិក អ្នកនាំពាក្យម្នាក់របស់កងឆ្មាំបដិវត្តន៍អ៉ីរ៉ង់ថ្លែងថា នេះជាការបញ្ចូលវិធីសាស្ត្រថ្មីក្នុងសង្គ្រាម។ ចំណែកអ្នកទទួលខុសត្រូវម្នាក់របស់កងទ័ពអ៉ីរ៉ងព្រមានថា នឹងមិនមានកំពង់ផែណាមួយនៅតំបន់ឈូងសមុទ្រពែរ្ស៍និងសមុទ្រអូម៉ង់ មានសន្តិសុខឡើយ ប្រសិនបើបណ្ដាកំពង់ផែអ៉ីរ៉ង់រងការគំរាមកំហែង។ លោកត្រាំលើកឡើងជាថ្មីពីការកម្ទេចកងម៉ារីនអ៉ីរ៉ង់ ដោយនាវាចម្បាំងអ៉ីរ៉ង់ដល់១៥៨គ្រឿង ត្រូវបំផ្លាញទាំងស្រុងធ្លាក់ទៅបាតសមុទ្រ។
ការរាំងខ្ទប់បណ្ដាកំពង់ផែអ៉ីរ៉ង់ និងការគំរាមសងសឹករបស់ក្រុងតេហេរ៉ង់ នឹងនាំឲ្យមានការប្រឈមមុខដាក់គ្នាដ៏ខ្លាំងបំផុតមួយដែលនឹងប៉ះពាល់កាន់តែខ្លាំងដល់សេដ្ឋកិច្ចពិភពលោក និងការរលាយបទឈប់បាញ់គ្នាដែលនាំដល់ការប្រទូស្តរ៉ាយគ្នាជាថ្មីទៀត ៕
ចែករំលែកព័តមាននេះ