ប្រទេសកូរ៉េខាងជើង ៖ កូរ៉េខាងត្បូង និងជប៉ុនគូសបញ្ជាក់ថា កូរ៉េខាងជើងនាថ្ងៃទី១៩ មេសា បានបាញ់មីស៊ីលបាលីស្ទិកច្រើនគ្រាប់សំដៅទៅសមុទ្រ។ នោះជាការបាញ់សាកមីស៊ីលថ្មីៗរបស់កូរ៉េខាងជើងនាឆ្នាំនេះ ។ សេនាធិការចម្រុះកងទ័ពកូរ៉េខាងត្បូងថ្លែងថា…
ប្រទេសកូរ៉េខាងជើង ៖ កូរ៉េខាងត្បូង និងជប៉ុនគូសបញ្ជាក់ថា កូរ៉េខាងជើងនាថ្ងៃទី១៩ មេសា បានបាញ់មីស៊ីលបាលីស្ទិកច្រើនគ្រាប់សំដៅទៅសមុទ្រ។ នោះជាការបាញ់សាកមីស៊ីលថ្មីៗរបស់កូរ៉េខាងជើងនាឆ្នាំនេះ ។
សេនាធិការចម្រុះកងទ័ពកូរ៉េខាងត្បូងថ្លែងថា ការបាញ់មីស៊ីលទាំងនោះ ធ្វើឡើងនាព្រឹកថ្ងៃទី១៩មេសា ចេញពីតំបន់ស៊ីនប៉ូភាគខាងកើតប្រទេស ។ កូរ៉េខាងត្បូងបានពង្រឹងការតាមដានពិនិត្យ និងធ្វើការផ្លាស់ប្ដូរព័ត៌មានគ្នាជាមួយសហរដ្ឋអាមេរិកនិងជប៉ុន ។ វិមានប្រធានាធិបតីកូរ៉េខាងត្បូងគូសបញ្ជាក់ថា ក្រុមប្រឹក្សាសន្តិជាតិគ្រោងបើកកិច្ចប្រជុំបន្ទាន់មួយ ដើម្បីពិភាក្សាពីការបាញ់មីស៊ីលទាំងនោះ។
ក្រសួងការពារប្រទេសជប៉ុនក៏អះអាងពីការចាប់ឃើញមីស៊ីលទាំងនោះ របស់កូរ៉េខាងជើងដោយអះអាងថា មីស៊ីលទាំងនេះ បានធ្លាក់ក្នុងដែនទឹកឆ្នេរសមុទ្រខាងកើតរបស់កូរ៉េខាងជើង ។ ក្រសួងនោះនិយាយទៀតថា បានធ្វើការតវ៉ាយ៉ាងម៉ឺងម៉ាត់ ចំពោះក្រុងព្យុងយ៉ាង ដោយលើកឡើងថា ការបាញ់មីស៊ីលទាំងនេះ គំរាមកំហែងដល់សន្តិភាពតំបន់និងអន្តរជាតិ និងជាការរំលោភបំពានបណ្ដាដំណោះស្រាយរបស់ក្រុមប្រឹក្សាសន្តិសុខអ.ស.ប ដែលហាមឃាត់រាល់សកម្មភាពបាលីស្ទិករបស់កូរ៉េខាងជើង ។
កាលពីសប្ដាហ៍មុនកូរ៉េខាងជើងនិយាយថា មេដឹកនាំប្រទេសលោកគីមជុងអ៊ុន បានទៅពិនិត្យការបាញ់សាកមីស៊ីលចេញពីនាវាពិឃាតមួយគ្រឿងរបស់ប្រទេស។ បន្ទាប់ពីការបាញ់សាកល្បងនោះមេដឹកនាំកូរ៉េខាងជើងថ្លែងថា រដ្ឋាភិបាលលោកនៅតែផ្ដោតលើការពង្រីកដោយគ្មានការកម្រិតកម្លាំងនុយក្លេអ៊ែរ និងបានចេញការណែនាំថ្មីៗសំដៅពង្រឹងសមត្ថភាពវាយប្រហារនុយក្លេអ៊ែរនិងប្រតិកម្មរហ័សរបស់ប្រទេសលោក ។
អគ្គនាយកនៃទីភ្នាក់ងារថាមពលបរមាណូអន្តរជាតិ លោករ៉ាហ្វាអែលហ្គ្រោស៊ីអះអាងកាលពី
សប្ដាហ៍មុនថា ទីភ្នាក់ងាររបស់លោកកំណត់ឃើញការបង្កើនដោយឆាប់រហ័ស បណ្ដាសម្មភាពនៅតាមបណ្ដាទីតាំងនុយក្លេ្កអ៊ែរកូរ៉េខាងជើង៕
ចែករំលែកព័តមាននេះ