ខេត្តតាកែវ ៖ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធករណី គំរាមកំហែងថាសម្លាប់ និង ប្រើប្រាស់គ្រឿងញៀន ដែលហេតុការណ៍នេះបានកើតឡើងនៅវេលាម៉ោង០៧ និង…
ខេត្តតាកែវ ៖ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ពាក់ព័ន្ធករណី គំរាមកំហែងថាសម្លាប់ និង ប្រើប្រាស់គ្រឿងញៀន ដែលហេតុការណ៍នេះបានកើតឡើងនៅវេលាម៉ោង០៧ និង ១០ នាទី ថ្ងៃទី១៦ ខែមេសា ឆ្នាំ២០២៦ នៅចំណុច ភូមិគរ ឃុំក្រាំងយ៉ូវ ស្រុកស្អាង ខេត្តកណ្ដាល។
សមត្ថកិច្ចបានឲ្យដឹងថា ជនរងគ្រោះ ចំនួន០២នាក់(ប្រុស)
១.ឈ្មោះ យ៉ុង រ៉ាវីន ភេទបុស អាយុ២៣ឆ្នាំ ជនជាតិខ្មែរ មុខរបរ ជាងសំណង់
២.ឈ្មោះ ផល្លា ខ្លឹម ភេទប្រុស អាយុ២៨ឆ្នាំ ជនជាតិខ្មែរ មុខរបរ កសិករ អ្នកទាំងពីរមានទីលំនៅភូមិគរ ឃុំក្រាំងយ៉ូវ ស្រុកស្អាង ខេត្តកណ្ដាល។
ចំណែកជនសង្ស័យមានឈ្មោះ យ៉ុង រិទ្ធី ហៅឡុញ ភេទប្រុស អាយុ៣៤ឆ្នាំ ជនជាតិខ្មែរ មុខរបរៈមិនពិតប្រាកដ មានទីលំនៅភូមិគរ ឃុំក្រាំងយ៉ូវ ស្រុកស្អាង ខេត្តកណ្ដាល ធ្លាប់ជាប់ពន្ធនាគារខេត្តកណ្ដាលចំនួន០១លើក រយៈពេល០៣ឆ្នាំ ពីបទជួញដូរគ្រឿងញៀន។
ក្នុងនោះវត្ថុតាងចាប់យក កាំបិតផ្គាក់ចំនួន ០១ ដើមផ្លែដែកដងធ្វើអំពីឫស្សី ,កាំបិតបុ័ងតោចំនួន ០១ ដើមផ្លែដែកដងធ្វើអំពីឈើ។
សមត្ថកិច្ចបានឲ្យដឹងទៀតថា ជនសង្ស័យជាមនុស្សប្រើប្រាស់គ្រឿងញៀនជាប្រចាំហើយតែងតែកាន់កាំបិតផ្គាក់ និងកាំបិតប៉័ងតោ គំរាមកំហែងរកកាប់សម្លាប់ជនរងគ្រោះច្រើនដងមកហើយ នៅថ្ងៃទី១៣ ខែមេសា ឆ្នាំ ២០២៦ វេលាម៉ោង២១ និង៣០ នាទី ជនរងគ្រោះទី១ ឈ្មោះ យ៉ុង រ៉ាវីន បានជិះម៉ូតូចេញពីផ្ទះនៅភូមិគរ(ផ្ទះជាប់ព្រុំគ្នាជាមួយជនសង្ស័យ)ក៏ត្រូវបានជនសង្ស័យយកកាំបិតផ្គាក់ដេញកាប់ម្ដងរួចមកហើយ ប៉ុន្តែកាប់មិនត្រូវ លុះ នៅថ្ងៃទី១៦ ខែមេសា ឆ្នាំ២០២៦ វេលាម៉ោង០៧ និង១៥នាទី ជនរងគ្រោះទី១ បានជិះម៉ូតូពីខាងក្រៅបម្រុងតែចូលផ្ទះក៏បានឃើញជនសង្ស័យកំពុងអង្គុយនៅលើគ្រែខាងក្រោមផ្ទះនិយាយម្នាក់ឯងថា អាណាខ្លាំងចូលមកអញកាប់ឲ្យងាប់ហ្មង៎(និយាយដដែលច្រើនលើក) លុះពេលក្រលេកឃើញជនរងគ្រោះទី១ ជនសង្ស័យបានយកកាំបិតផ្គាក់ពីក្រោយពូកដែលកំពុងអង្គុយ រួចកាន់ដើរសំដៅមករកជនរងគ្រោះទី១ ឃើញសភាពមិនស្រួលខ្លាចមានគ្រោះថ្នាក់ខ្លួនបានជិះម៉ូតូគេចចេញបាត់ទៅ។
បន្ទាប់មកជនសង្ស័យបន្តកាន់កាំបិតផ្គាក់នោះដើរចុះឡើងៗ និយាយគំរាមកំហែងថានឹងសម្លាប់ដល់ជនរងគ្រោះទី២ និងក្រុមគ្រួសារ ថែមទៀតផង។ ដោយសារតែមានការភ័យខ្លាច និង អត់ទ្រាំនឹងទង្វើរបស់ជនសង្ស័យដែលតែងតែគំរាមកំហែងថានឹងសម្លាប់មិនបាន ជនរងគ្រោះទាំងពីរក៏បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលក្រាំងយ៉ូវឲ្យជួយអន្តរាគមន៍ពេលទទួលបានពាក្យបណ្ដឹងពីជនរងគ្រោះភ្លាមកម្លាំងប៉ុស្តិ៍នគរបាលរដ្ឋបាលក្រាំងយ៉ូវសហការជាមួយប្រជាការពារឃុំបានចុះទៅដល់កន្លែងកើតហេតុរួចបានឃាត់ខ្លួនជនសង្ស័យរួមទាំងវត្ថុតាងខាងលើយកមកប៉ុស្តិ៍ដើម្បីធ្វើការសាកសួរ។
នៅចំពោះមុខសមត្ថកិច្ចនគរបាលជនសង្ស័យបានសារភាពថាខ្លួនពិតជាបានយកកាំបិតផ្គាក់ និង កាំបិតបុ័ងតោ ដើរសំដៅទៅរកជនរងគ្រោះ និង បានស្រែកគំរាមកំហែងរកកាប់សម្លាប់ជនរងគ្រោះពិតប្រាកដមែន។
បច្ចុប្បន្នជនសង្ស័យត្រូវបានឃាត់ខ្លួនបញ្ជូនមកអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមផ្លូវច្បាប់ ៕
ចែករំលែកព័តមាននេះ