ខេត្តព្រះសីហនុ ៖ កាលពីយប់ថ្ងៃទី០៩ ខែមេសា ឆ្នាំ២០២៦ កម្លាំងអាវុធហត្ថខេត្ដព្រះសីហនុបានបើកប្រតិបត្ដិការស្រាវជ្រាវ និងឈានទៅដល់ការចុះបង្ក្រាបទីតាំងប្រព្រឹត្ដបទល្មើសឆបោកតាមប្រព័ន្ធអនឡាញ (Online Scams) នៅក្នុងអគារស្នាក់នៅមួយកន្លែង…
ខេត្តព្រះសីហនុ ៖ កាលពីយប់ថ្ងៃទី០៩ ខែមេសា ឆ្នាំ២០២៦ កម្លាំងអាវុធហត្ថខេត្ដព្រះសីហនុបានបើកប្រតិបត្ដិការស្រាវជ្រាវ និងឈានទៅដល់ការចុះបង្ក្រាបទីតាំងប្រព្រឹត្ដបទល្មើសឆបោកតាមប្រព័ន្ធអនឡាញ (Online Scams) នៅក្នុងអគារស្នាក់នៅមួយកន្លែង ស្ថិតនៅក្រុម២ ភូមិ៤ សង្កាត់លេខ៤ ក្រុង-ខេត្តព្រះសីហនុ ឃាត់ខ្លួនជនបរទេស ចំនួន៤៩នាក់ ។
ប្រតិបត្ដិការនេះ បានធ្វើឡើងក្រោមការបញ្ជាផ្ទាល់ពីនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស, លោក ម៉ាង ស៊ីណេត អភិបាលខេត្តព្រះសីហនុ និងលោកឧត្ដមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្ដព្រះសីហនុ ក្រោមការសម្របសម្រួលនិតីវិធីពីលោក ឆាយ សុត្រា ព្រះរាជអាជ្ញារង នៃអយ្យការអមសាលាដំបូងខេត្ត ។
ក្នុងប្រតិបត្តិការនេះ សមត្ថកិច្ចបានឃាត់ខ្លួនជនបរទេសសរុបចំនួន ៤៩នាក់ (ស្រី ០១នាក់) ដែលមានសមាសភាពមកពី ៤ សញ្ជាតិ ផ្សេងគ្នា រួមមាន ៖
-ជនជាតិប៉ាគីស្ដាន ២៣នាក់ (ប្រុសទាំងអស់)
-ជនជាតិបង់ក្លាដេស ១៨នាក់ (ប្រុសទាំងអស់)
-ជនជាតិនេប៉ាល់ ០៥នាក់ (ប្រុសទាំងអស់)
-ជនជាតិឥណ្ឌា៖ ០៣នាក់ (ស្រី ០១នាក់)
សមត្ថកិច្ច បានរកឃើញ និងដកហូតសម្ភារបច្ចេកវិទ្យាជាច្រើន រួមមាន ៖
-ទូរសព្ទដៃ ៤៣៥ គ្រឿង
-កុំព្យូទ័រលើតុ (Desktop) ៧៥ គ្រឿង
-កុំព្យូទ័រយួរដៃ (Laptop) ០៥ គ្រឿង ។
បច្ចុប្បន្ន កម្លាំងជំនាញមន្ទីរស្រាវជ្រាវព័ត័មានសន្តិសុខ កំពុងបន្តនីតិវិធី ៕
ចែករំលែកព័តមាននេះ