ខេត្តបន្ទាយមានជ័យ ៖ ស្ត្រីម្នាក់បានត្រូវកម្លាំងនគរបាលការិយាល័យប្រឆាំងគ្រឿង ញៀនសហការជាមួយកម្លាំងអធិការដ្ឋានក្រុងសិរីសោភ័ណ ចាប់ឃាត់ខ្លួននៅវេលាម៉ោង១០ និង៣០នាទីព្រឹកថ្ងៃទី៣០ កក្កដា នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ហើយនាំខ្លួនមកកាន់ស្នងការ
ខេត្តបន្ទាយមានជ័យ ៖ ស្ត្រីម្នាក់បានត្រូវកម្លាំងនគរបាលការិយាល័យប្រឆាំងគ្រឿងញៀនសហការជាមួយកម្លាំងអធិការដ្ឋានក្រុងសិរីសោភ័ណ ចាប់ឃាត់ខ្លួននៅវេលាម៉ោង១០ និង៣០នាទីព្រឹកថ្ងៃទី៣០ កក្កដា នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ហើយនាំខ្លួនមកកាន់ស្នងការដ្ឋាននគរបាលខេត្តដោយជាប់សង្ស័យពីបទលក់ចែកចាយគ្រឿងញៀន ។
លោកវរសេនីយ៍ត្រីធិន ស៊ីនដេត នាយការិយាល័យប្រឆាំងគ្រឿងញៀនបានឱ្យដឹងថា ជនសង្ស័យឈ្មោះឈឿត យ៉ា ភេទស្រី អាយុ២២ឆ្នាំ មានទីលំនៅក្នុងភូមិគោរដ្ឋាន ។ ក្នុងកិច្ចប្រតិបត្តិការចុះបង្ក្រាបនេះ កម្លាំងសមត្ថកិច្ចឆែកឆេរនិងដកហូតបានវត្ថុតាងថ្នាំ ញៀនប្រភេទមេតំហ្វេតាមីនគ្រាប់ពណ៌ក្រហមមានអក្សរ WY ចំនួន២៥គ្រាប់ ។
លោកនាយការិយាល័យបានបន្តទៀតថា ក្រោយពីត្រូវចាប់ឃាត់ខ្លួននិងសាកសួរចម្លើយជនសង្ស័យបានសារភាពថា ខ្លួនបានលក់ចែកចាយគ្រឿងញៀននេះចំនួន៤លើកមកហើយ ដែលលើកទី១ ទិញចំនួន១០គ្រាប់លើកទី២ចំនួន១៣គ្រាប់ លើលទី៣ ចំនួន២៧គ្រាប់ និងលើកទី៤នេះ ទិញចំនួន២៧គ្រាប់ លក់អស់១គ្រាប់ និងប្តីជក់អស់១គ្រាប់ នៅសល់២៥គ្រាប់។ ចំពោះការទិញនេះ គឺខ្លួនទិញពីឈ្មោះម៉ៅ ភេទស្រី អាយុ៣៥ឆ្នាំ ដោយទិញចូលក្នុង១គ្រាប់ថ្លៃ១ម៉ឺន៧ពាន់រៀល លក់ចេញ២ម៉ឺន៤ពាន់រៀល ។
លោកវរសេនីយ៍ទោ តៅ សំរេច នាយការិយាល័យកណ្តាលនគរបាលយុត្តិធម៌បានបញ្ជាក់ថា ស្ត្រីសង្ស័យឈ្មោះឈឿត យ៉ា និងវត្ថុតាងត្រូវបានរៀបចំសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕
ចែករំលែកព័តមាននេះ