ក្រុងប៉ោយប៉ែត ៖ ភ្ញៀវទេសចរបរទេស និងទំនិញសព្វសារពើដែលចូលពីប្រទេសសៀមមកកម្ពុជាតាម ច្រកទ្វារអន្តរជាតិប៉ោយប៉ែតមានការកើនឡើង បើប្រៀបធៀបនឹងមុនការបោះឆ្នោតនៅប្រទេសសៀម ក្នុងនោះសូម្បីតែចំនួនភ្ញៀវសៀមដែលចូលមកលេងនៅកម្ពុជាក៏ កើនឡើងដែរ ។
ក្រុងប៉ោយប៉ែត ៖ ភ្ញៀវទេសចរបរទេស និងទំនិញសព្វសារពើដែលចូលពីប្រទេសសៀមមកកម្ពុជាតាមច្រកទ្វារអន្តរជាតិប៉ោយប៉ែតមានការកើនឡើង បើប្រៀបធៀបនឹងមុនការបោះឆ្នោតនៅប្រទេសសៀម ក្នុងនោះសូម្បីតែចំនួនភ្ញៀវសៀមដែលចូលមកលេងនៅកម្ពុជាក៏កើនឡើងដែរ ។
ជុំវិញការកើនឡើងនៃចំនួនភ្ញៀវទេសចរបរទេសតាមច្រកទ្វារអន្តរជាតិប៉ោយប៉ែតនេះត្រូវបានលោកជង់ ឡឹម ប្រធានមន្ទីរទេសចរណ៍ខេត្តបន្ទាយមានជ័យប្រាប់តាមទូរស័ព្ទថា ក្រោយការបោះឆ្នោតនៅប្រទេសសៀម ភ្ញៀវទេសចរបរទេសដែលចូលមកកម្ពុជាតាមច្រកទ្វារប៉ោយប៉ែតមានការកើនឡើងគួរឱ្យកត់សម្គាល់ ក្នុងនោះភ្ញៀវមកពីប្រទេសរុស្ស៊ីជាប់លំដាប់លេខ១ ភ្ញៀវថៃ ជាប់លំដាប់លេខ២ ភ្ញៀវកូរ៉េជាប់លំដាប់លេខ៣ ភ្ញៀវអង់គ្លេសជាប់លេខ៤ និងលំដាប់លេខ៥គឺភ្ញៀវអាមេរិក ។ សម្រាប់ភ្ញៀវទាំងអស់ខាងលើត្រូវបានលោកជង់ ឡឹម ប្រាប់ថា បើគិតនៅក្នុងឆមាសទី១ឆ្នាំនេះ ភ្ញៀវរុស្ស៊ីកើនឡើង១៩០,៥៣% ភ្ញៀវថៃកើនឡើង២៤,៣៥% ភ្ញៀវកូរ៉េកើនឡើង១៨,១០% ភ្ញៀវអង់គ្លេសកើន៦,៦២% និងភ្ញៀវអាមេរិកកើនឡើង១២,៨៣% ។ លោកបានកត់សម្គាល់ថា ក្រោយការបោះឆ្នោតនៅប្រទេសសៀម ភ្ញៀវមានការកើនឡើងជាងមុនការបោះឆ្នោត ។
ដោយឡែក សម្រាប់ទំនិញចេញពីសៀមចូលមកកម្ពុជាក៏ដូចគ្នាដែរ ត្រូវបានលោកជួប អេន ប្រធានស្នាក់ការគយនិងរដ្ឋាករច្រកទ្វារអន្តរជាតិប៉ោយប៉ែត ប្រាប់ថា មានការកើនឡើង ។ បើប្រៀបធៀបចំណូលរដ្ឋមុនការបោះឆ្នោតនៅប្រទេសសៀម គឺប្រាក់ពន្ធបានពីទំនិញសព្វសារពើមានខែខ្លះបានត្រឹមតែ១៦កោដិរៀល ក្នុងមួយខែតែប៉ុណ្ណោះ ប៉ុន្តែក្រោយការបោះឆ្នោតនៅប្រទេសសៀមគឺឡើងរហូតដល់ទៅជិត១៨កោដិរៀល ៕
ចែករំលែកព័តមាននេះ