រដ្ឋមន្ត្រីការពារប្រទេសបារាំងលោក Gerard Longuet កាលពីថ្ងៃទី៣១ កក្កដា កន្លងមក បានសច្ចាថា នឹងបង្កើនការវាយប្រហារតាមអាកាសប្រឆាំងកងទ័ពរបស់មេដឹកនាំផ្តាច់ការលោកមូអាម៉ា កាដាហ្វី ហើយថា ពេលនេះបារាំងបានត្រៀមខ្លួនដកយកនាវាផ្ទុកយន្តហោះចម្បាំងសម្រាប់ជម្លោះនៅលីប៊ី ដើម្បីធ្វើការជួសជុល។ លោក Gerard Longuet ថ្លែងថា
រដ្ឋមន្ត្រីការពារប្រទេសបារាំងលោក Gerard Longuet កាលពីថ្ងៃទី៣១ កក្កដា កន្លងមក បានសច្ចាថា នឹងបង្កើនការវាយប្រហារតាមអាកាសប្រឆាំងកងទ័ពរបស់មេដឹកនាំផ្តាច់ការលោកមូអាម៉ា កាដាហ្វី ហើយថា ពេលនេះបារាំងបានត្រៀមខ្លួនដកយកនាវាផ្ទុកយន្តហោះចម្បាំងសម្រាប់ជម្លោះនៅលីប៊ី ដើម្បីធ្វើការជួសជុល។ លោក Gerard Longuet ថ្លែងថា បារាំងនឹងបញ្ជូនយន្តហោះចម្បាំងរបស់ខ្លួនប្រភេទ Rafale ដែលអាចទៅដល់រដ្ឋធានីទ្រីប៉ូលីដោយស្រួល។ ប្រទេសបារាំងនិយាយកាលពីខែមិថុនា កន្លងមកថា ខ្លួននឹងដកនាវាផ្ទុកយន្តហោះ Charles de Gaulle ដែលស្ថិតក្នុងសមុទ្ររយៈពេល១៨ខែមកហើយ ដើម្បីធ្វើការជួសជុល។
លោក Gerard Longuet ថ្លែងថា អនាគតរបស់ប្រទេសលីប៊ីនឹងពុំមានលោកកាដាហ្វីឡើយ ហើយយើងមានអាទិភាពចំនួន២ ដែលយើងនឹងប្រកាន់យក គឺ១-បន្តប្រតិបត្តិការវាយប្រហារតាមអាកាស ប្រឆាំងកងកម្លាំងរបស់លោកកាដាហ្វី និងមួយទៀតប្រមូលធនធានដែលត្រូវប្រើប្រាស់។ លោក Longuet មិនបានលើកឡើងពីផែនការកាត់បន្ថយចំនួនយន្តហោះចម្បាំងរបស់បារាំង សម្រាប់ប្រើប្រាស់ក្នុងសង្គ្រាមនៅលីប៊ីនោះទេ។ តាមក្រសួងការពារប្រទេសបារាំងឱ្យដឹងថា បារាំងបានបញ្ជូនយន្តហោះចម្បាំង៣០គ្រឿង ចូលរួមក្នុងប្រតិបត្តិការប្រឆាំងលោកកាដាហ្វី ៕
ចែករំលែកព័តមាននេះ