មានការប៉ះទង្គិចគ្នាមួយកើតឡើងកាលពីព្រឹកព្រលឹមថ្ងៃទី៣១ កក្កដា រវាងពួកបះបោរលីប៊ី និងពួកជនប្រដាប់អាវុធមួយក្រុមនៅតំបន់ជាយក្រុងបេនហ្គាហ្ស៊ីដែលញ៉ាំងឱ្យមានការភ័យខ្លាចពីការជ្រៀតចូលរបស់ពួកភ្នាក់ងាររបស់លោកមូអាម៉ា កាដាហ្វី ក្នុងទីក្រុងដែលចាត់ទុកថា ជារដ្ឋធានីរបស់ពួកឧទ្ទាមលីប៊ីនេះ។
មានការប៉ះទង្គិចគ្នាមួយកើតឡើងកាលពីព្រឹកព្រលឹមថ្ងៃទី៣១ កក្កដា រវាងពួកបះបោរលីប៊ី និងពួកជនប្រដាប់អាវុធមួយក្រុមនៅតំបន់ជាយក្រុងបេនហ្គាហ្ស៊ីដែលញ៉ាំងឱ្យមានការភ័យខ្លាចពីការជ្រៀតចូលរបស់ពួកភ្នាក់ងាររបស់លោកមូអាម៉ា កាដាហ្វី ក្នុងទីក្រុងដែលចាត់ទុកថា ជារដ្ឋធានីរបស់ពួកឧទ្ទាមលីប៊ីនេះ។
ការប៉ះទង្គិចគ្នានោះកើតមានក្នុងបរិយាកាសតានតឹងក្រោយការសម្លាប់កាលពីថ្ងៃទី២៨ កក្កដា កន្លងមកនេះនៅជិតក្រុងបេនហ្គាហ្ស៊ីនូវប្រមុខយោធារបស់ពួកឧទ្ទាម ឧត្តមសេនីយ៍អាប់ដែលហ្វាតតាហ៍ យូណេស អតីតប្រមុខយោធាម្នាក់របស់កងទ័ពលោកកាដាហ្វីដែលបានរត់ចោលជួរកាលពីខែកុម្ភៈ ហើយដែលត្រូវសម្លាប់ដោយក្រុមស្និទ្ធពួកអ៊ិស្លាមនិយមមួយ។
យោងតាមលោកម៉ាមូដ ចាមម៉ាម អ្នកនាំពាក្យរបស់ពួកបះបោរថា អំពើហិង្សានោះផ្ទុះឡើង ខណៈពេលពួកឧទ្ទាមវាយប្រហារលើក្រុមជីវពលមួយដែលបានជួយរំដោះមនុស្សរបស់លោកកាដាហ្វីឱ្យរត់ចេញពីពន្ធនាគារមួយកាលពីថ្ងៃទី២៩ កក្កដា កន្លងមកនេះ។ កងកម្លាំងពួកឧទ្ទាមបានឡោមព័ទ្ធបន្ទាយមួយជាកន្លែងលាក់ខ្លួនរបស់ពួកជីវពលនោះដែលបានវាយប្រហារតបតក្នុងនាមនៃក្រុមកងពលនីដា។
ពួកឧទ្ទាមយ៉ាងតិច៦នាក់បានត្រូវស្លាប់ក្នុងការប៉ះទង្គិចគ្នានេះដែលមានប្រើកាំភ្លើងបាញ់រ៉ុក្កែត RPG និងកាំភ្លើងយន្ត។ ពួកឧទ្ទាមលីប៊ីអះអាងថា បន្ទាយនេះត្រូវពួកគេវាយដណ្តើមកាន់កាប់ ហើយមនុស្ស៣០នាក់បានចុះចូលរួចអាវុធជាច្រើនត្រូវរឹបអូស។ ពួកអ្នកគាំទ្រ លោកកាដាហ្វី ប្រមាណជា៣០០នាក់ដែលរត់ចេញពីគុកនៅតែគេចខ្លួនបាត់នៅឡើយ ៕
ចែករំលែកព័តមាននេះ