សង្គ្រាមអ៉ីរ៉ង់ ៖ កិច្ចព្រមព្រៀងឈប់បាញ់សំដៅផ្អាកសង្គ្រាមនៅអ៉ីរ៉ង់ ហាក់មិនត្រូវបានគោរពកាលពីថ្ងៃទី៩ មេសា បន្ទាប់ពីអ៉ីរ៉ង់បិទជាថ្មីច្រកសមុទ្រហ័រមូស ជាការឆ្លើយតបចំពោះការវាយប្រហាររបស់អ៉ីស្រាអែលលើលីបង់ ។ សេតវិមានទាមទារឲ្យបើកវិញច្រកសមុទ្រនោះ ហើយខិតខំថែរក្សាការចរចាសន្តិភាពឲ្យដើរទៅមុខ។…
សង្គ្រាមអ៉ីរ៉ង់ ៖ កិច្ចព្រមព្រៀងឈប់បាញ់សំដៅផ្អាកសង្គ្រាមនៅអ៉ីរ៉ង់ ហាក់មិនត្រូវបានគោរពកាលពីថ្ងៃទី៩ មេសា បន្ទាប់ពីអ៉ីរ៉ង់បិទជាថ្មីច្រកសមុទ្រហ័រមូស ជាការឆ្លើយតបចំពោះការវាយប្រហាររបស់អ៉ីស្រាអែលលើលីបង់ ។ សេតវិមានទាមទារឲ្យបើកវិញច្រកសមុទ្រនោះ ហើយខិតខំថែរក្សាការចរចាសន្តិភាពឲ្យដើរទៅមុខ។
ទាំងសហរដ្ឋអាមេរិកទាំងអ៉ីរ៉ង់សុទ្ធតែអះអាងពីជោគជ័យរៀងៗខ្លួន ក្រោយការចុះហត្ថលេខាលើកិច្ចព្រមព្រៀង ហើយបណ្ដាមេដឹកនាំពិភពលោកបានសម្ដែងការធូរស្រាលក្នុងចិត្ត ខណៈដែលនៅតែមានដ្រូននិងមីស៊ីលថ្មីៗបន្តវាយប្រហារអ៉ីរ៉ង់ និងបណ្ដាប្រទេសអារ៉ាប់នៅតំបន់ឈូងសមុទ្រពែរ្ស៍ ។
ចំណែកអ៉ីស្រាអែលបានបង្កើនការវាយប្រហារលីបង់ ដោយវាយប្រហារពុំមានការប្រាប់ជាមុនតំបន់ពាណិជ្ជកម្ម និងតំបន់ប្រជាជនរស់នៅក្នុងក្រុងបេរូត។ អំពើហិង្សាថ្មីៗទាំងនេះគំរាមកំហែងដល់កិច្ចព្រមព្រៀង ដោយអនុប្រធានាធិបតីអាមេរិកលោកជីឌីវ៉ាន ចាត់ទុកកិច្ចព្រមព្រៀងនោះថាផុយស្រួយ ។ ចំណែកប្រធានសភាអ៉ីរ៉ង់លើកឡើងថា ការចរចាដែលគ្រោងធ្វើជាមួយសហរដ្ឋអាមេរិក ដើម្បីឲ្យសម្រេចបានការឈប់ប្រទូស្តរ៉ាយគ្នាជាអចិន្ត្រៃយ៍ លែងសមហេតុសមផលទៀតហើយ ព្រោះក្រុងវ៉ាស៊ីនតោនមិនព្រមធ្វើតាមលក្ខខណ្ឌ៣ ក្នុងចំណោមលក្ខខណ្ឌទាំង១០របស់
អ៉ីរ៉ង់ ដើម្បីបញ្ចប់ការប្រយុទ្ធ។
រដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាសជីបានទទូចលើប្រការដែលថា ការបញ្ច្ច្ប់សង្គ្រាមនៅលីបង់ជាផ្នែកមួយនៃកិច្ចព្រមព្រៀងឈប់បាញ់គ្នា ដែលចុះហត្ថលេខាជាមួយអាមេរិក។ ប៉ុន្តែទាំងប្រធានាធិបតីអាមេរិលោកដូណាល់ត្រាំ ទាំងនាយករដ្ឋមន្ត្រីអ៉ីស្រាអែលលោកបេនចាមីននេតាន់យ៉ាហ៊ូអះអាងថា បទឈប់បាញ់គ្នាមិនអនុវត្តនៅលីបង់ឡើយ។
ក្នុងសារមួយតាមបណ្ដាញសង្គមX រដ្ឋមន្ត្រីការបរទេសអ៉ីរ៉ង់ថ្លែងថា គ្រប់គ្នាជាសាក្សីលើការសម្លាប់រង្កាលនៅលីបង់។ បាល់កំពុងស្ថិតក្នុងដៃអាមេរិក ហើយពិភពលោកកំពុងចាំមើលថា តើអាមេរិកគោរពបណ្ដាការសន្យារបស់ខ្លួនដែរឬអត់។ ក្រសួងសុខាភិបាលលីបង់គូសបញ្ជាក់ថា បណ្ដាការវាយប្រហាររបស់អ៉ីស្រាអែលបណ្ដាលឲ្យមនុស្សស្លាប់ដល់១៨២នាក់កាលពីថ្ងៃទី៨មេសា ដែលជាតុល្យការធ្ងន់ធ្ងរបំផុតមួយក្នុងពេលតែមួយថ្ងៃ តាំងពីកើតមានសង្គ្រាមរវាងអ៉ីស្រាអែល និងហេស
ប៊ុលឡាហ៍មក។
អ្នកនាំពាក្យសេតវិមានលោកស្រីការ៉ូលីនលីវីតគូសបញ្ជាក់ថា ការបិទច្រកសមុទ្រហ័រមូសឡើងវិញដូចសេចក្ដីរាយការណ៍ របស់បណ្ដាសារព័ត៌មានអ៉ីរ៉ង់ មិនអាចទទួលយកបានទាំងស្រុង។ ចំណែករដ្ឋមន្ត្រីក្រសួងសង្គ្រាមអាមេរិក លោកPETER HEGSETH ថ្លែងថា កងទ័ពអាមេរិកនិង
អ៉ីស្រាអែល ដណ្ដើមបានជ័យជម្នះខាងយោធាជាមួយអក្សរVធំនិងថា កងទ័ពអ៉ីរ៉ង់លែងជាការគំរាមកំហែងខ្លាំងទៀតហើយសម្រាប់កងទ័ពអាមេរិក ឬតំបន់ ។ រីឯកងទ័ពអ៉ីរ៉ង់វិញអះអាងថា ប្រទេសខ្លួនបានបង្ខំឲ្យអ៉ីស្រាអែល និងអាមេរិក ព្រមទទួលយកបណ្ដាលក្ខខណ្ឌរបស់ខ្លួនហើយចុះចាញ់។
ប្រទេសប៉ាគីស្ថានដែលជាអ្នកដើរតូអាជ្ញាកណ្ដាល ឲ្យមានកិច្ចព្រមព្រៀងនិងប្រទេសដទៃៗទៀតឲ្យដឹងថា បទឈប់បាញ់គ្នាគ្រោងឲ្យបញ្ឈប់ការប្រយុទ្ធគ្នានៅលីបង់ដែលអ៉ីស្រាអែលបើកការវាយលុកតាមជើងគោកប្រឆាំងក្រុមហេសប៊ុលឡាហ៍សម្ព័ន្ធមិត្តអ៉ីរ៉ង់។ អ៉ីស្រាអែលអះអាងថា គ្មានបទឈប់បាញ់នៅលីបង់ទេ ។
ប្រធានាធិបតីលីបង់លោកចូសេបអាអ៊ូន ចាត់ទុកការវាយប្រហាររបស់អ៉ីស្រាអែលថាសាហាវព្រៃផ្សៃបំផុត។ រួចអគ្គលេខាធិការសម្ព័ន្ធអារ៉ាប់លោកអាហ៍ម៉េដអាប៊ុលហ្សេអ៉ីតចោទប្រកាន់អ៉ីស្រា
អែលថា ស្វែងរកមិនឈប់ឈរបំផ្លាញកិច្ចព្រមព្រៀងឈប់បាញ់គ្នាជាមួយអ៉ីរ៉ង់៕
ចែករំលែកព័តមាននេះ