ខេត្តសៀមរាប ៖ រដ្ឋបាលពន្ធនាគារខេត្តសៀមរាប បានរៀបចំពិធីសាសនា ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលឆាប់ៗខាងមុខនេះ ។
បើយោងតាមផេក អគ្គនាយកដ្ឋានពន្ធនាគារ បានប្រកាសនាល្ងាច ថ្ងៃទី០៥ ខែមេសានេះថា ៖ លោកឧត្តមអគ្គានុរក្សថ្នាក់លេខ២ ភាន ឆវ័ន្ត ប្រធានពន្ធនាគារ បាននិមន្តព្រះសង្ឃសូត្រមន្តបង្សុកូល ដើម្បីអបអរសាទរពិធីចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ពុទ្ធសករាជ ២៥៧០ ពិធីនេះមានការចូលរួមពីថ្នាក់ដឹកនាំ មន្ត្រីពន្ធនាគារ និងជនជាប់ឃុំដែលមានចំណាត់ថ្នាក់សន្តិសុខទាប ។
សូមបញ្ជាក់ថា ការរៀបចំកម្មវិធីនេះ មិនត្រឹមតែជាការគោរពតាមទំនៀមទម្លាប់ប្រពៃណីជាតិប៉ុណ្ណោះទេ ប៉ុន្តែក៏ជាផ្នែកមួយនៃការលើកទឹកចិត្ត និងការអប់រំកែប្រែផ្លូវចិត្តដល់ជនជាប់ឃុំ ឱ្យយល់ដឹងពីតម្លៃនៃសីលធម៌ និងព្រះពុទ្ធសាសនា ក្នុងគោលបំណងឱ្យពួកគេក្លាយជាពលរដ្ឋល្អក្នុងសង្គមវិញនៅពេលអនាគត ៕
ចែករំលែកព័តមាននេះ