ខេត្តកំពង់ចាម ៖ លោកជំទាវបណ្ឌិតសភាចារ្យ ភឿង សកុណា អញ្ជើញចុះពិនិត្យស្ថានភាពប្រាសាទគុកយាយហម ដើម្បីជំរុញការអភិរក្ស និងអភិវឌ្ឍន៍ទេសចរណ៍ ។ ក្រសួងវប្បធម៌…
ខេត្តកំពង់ចាម ៖ លោកជំទាវបណ្ឌិតសភាចារ្យ ភឿង សកុណា អញ្ជើញចុះពិនិត្យស្ថានភាពប្រាសាទគុកយាយហម ដើម្បីជំរុញការអភិរក្ស និងអភិវឌ្ឍន៍ទេសចរណ៍ ។
ក្រសួងវប្បធម៌ និងវិចិត្រសិល្ប: បានប្រកាសនាព្រឹកថ្ងៃទី០១ ខែមេសា ឆ្នាំ២០២៦នេះថា ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ អញ្ជើញពិនិត្យរមណីយដ្ឋានប្រាសាទគុកយាយហម ។
នាថ្ងៃទី៣១ ខែមីនា ឆ្នាំ២០២៦ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ អមដំណើរដោយថ្នាក់ដឹកនាំក្រសួង និងមន្ត្រីជំនាញនៃមន្ទីរវប្បធម៌ និងវិចិត្រសិល្បៈខេត្តកំពង់ចាម បានអញ្ជើញចុះពិនិត្យទីតាំងប្រាសាទគុកយាយហម ដែលស្ថិតនៅក្នុងភូមិជ្រេស ឃុំព្រៃឈរ ខេត្តកំពង់ចាម ។
ក្នុងឱកាសនោះ លោកជំទាវបានធ្វើការណែនាំដល់មន្ត្រីជំនាញឲ្យបន្តយកចិត្តទុកដាក់ជួសជុល ថែរក្សារូបបដិមា សំណង់ប្រាសាទ បរិស្ថានជុំវិញ និងត្រូវរៀបចំកែច្នៃរមណីយដ្ឋានប្រាសាទគុកយាយហមនេះ ឲ្យមានសោភ័ណ្ឌភាពដើម្បីឆ្លើយតបដល់កិច្ចការអភិរក្ស និងអភិវឌ្ឍបេតិកភណ្ឌវប្បធម៌ផង និងដើម្បីសម្រាប់បម្រើឲ្យវិស័យទេសចរណ៍ផង ។
គួរបញ្ជាក់ថា ប្រាសាទគុកយាយហម ជាប្រាសាទបុរាណដ៏ចំណាស់មួយស្ថិតដែលមានចម្ងាយប្រមាណ៩០គីឡូម៉ែត្រពីរាជធានីភ្នំពេញ ។ តួប្រាង្គប្រាសាទនេះធ្វើអំពីថ្មភក់សុទ្ធសាធ មានទ្វារចូលបែររកទិសទាំងបួន ៕
ចែករំលែកព័តមាននេះ