ខេត្តកំពង់ស្ពឺ៖ កុមារាអាយុ៦ឆ្នាំម្នាក់បានលង់ទឹកស្លាប់ ខណៈដែលទៅតាមឪពុកបេះផ្លែត្របែក ហើយចុះលេងទឹកស្រះបណ្ដាឱ្យលង់ស្លាប់តែម្ដង។ ហេតុការណ៍ក្មេងតូចលង់ទឹកស្លាប់បានកើតឡើងកាលពីវេលាម៉ោង៤និង៣០នាទីរសៀលថ្ងៃទី១៦ ខែមីនា ឆ្នាំ២០២៦នៅចំណុចស្រះទឹកក្រោយផ្ទះស្ថិតក្នុងភូមិវាលល្វាង ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ។…
ខេត្តកំពង់ស្ពឺ៖ កុមារាអាយុ៦ឆ្នាំម្នាក់បានលង់ទឹកស្លាប់ ខណៈដែលទៅតាមឪពុកបេះផ្លែត្របែក ហើយចុះលេងទឹកស្រះបណ្ដាឱ្យលង់ស្លាប់តែម្ដង។
ហេតុការណ៍ក្មេងតូចលង់ទឹកស្លាប់បានកើតឡើងកាលពីវេលាម៉ោង៤និង៣០នាទីរសៀលថ្ងៃទី១៦ ខែមីនា ឆ្នាំ២០២៦នៅចំណុចស្រះទឹកក្រោយផ្ទះស្ថិតក្នុងភូមិវាលល្វាង ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ។
នគរបាលស្រុកបសេដ្ឋបាននិយាយឱ្យដឹងថា ក្មេងប្រុសដែលលង់ទឹកស្លាប់មានឈ្មោះ អ៊ុត រ៉ាវីន អាយុ៦ឆ្នាំ រស់នៅជាមួយឪពុកម្ដាយ ក្នុងភូមិវាលល្វាង ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបរសេដបានបន្តឲ្យដឹងថានៅមុនពេលកើតហេតុបុរសជាឪពុកបានទៅបេះផ្លែត្របែកនៅ ខាងក្រោយផ្ទះ ស្ថិតនៅក្នុងភូមិវាលល្វាង ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ ចំងាយ១៣០ ម៉ែត្រពីផ្ទះ ក្មេងប្រុសជនរងគ្រោះឈ្មោះ អ៊ុត រ៉ាវីន អាយុ៦ឆ្នាំ បានចុះងូតទឹកស្រះបណ្តាលអោយលង់ស្លាប់ដោយខ្លួនឯងនៅកន្លែងកើតហេតុបង្កឱ្យមានការភ្ញាក់ ទោះបីជាឪពុកព្យាយាមស្រង់កូនចេញពីទឹកយ៉ាងណាក៏ដោយ ក៏មិនអាចជួយសង្គ្រោះបានដែរ។
នគរបាលស្រុកបសេដ្ឋបានបន្តទៀតថា ក្រោយទទួលបានព័ត៌មានខាងលើកំលាំងជំនាញបានចុះដល់កន្លែងកើតហេតុដោយ:មានការចូលរួមលោកអធិការង ព្រហ្មទណ្ឌលោក នាយផ្នែក ផ្នែកពិនិត្យវិភាគលោក នាយប៉ុស្តិ៍នគរបាលឃុំ កាត់ភ្លុកលោក មេឃុំកាត់ភ្លុក លោក មេភូមិ វាលល្វាងផងដែរ។
បើតាមការរៀបរាប់បំភ្លឺរបស់ឈ្មោះ អូន ផល់ ភេទប្រុស អាយុ៣៨ឆ្នាំ ត្រូវជាឪពុករបស់សពក្មេងប្រុសខាងលើ និងជាអ្នកឃើញហេតុការណ៍ បានរៀបរាប់ថា កូនរបស់គាត់(សពកុមាររងគ្រោះ) បានទៅតាមខ្លួនដើម្បីបេះផ្លែត្របែកនៅមាត់ស្រះទឹកខាងលើ ខណៈពេលកំពុងតែបេះផ្លែត្របែកនោះ ឪពុកភ្លេចខ្លួន ធ្វេសប្រហែសពុំបានមើលកូន ទើបធ្វើឱ្យកូនតូចចុះងូតទឹក បណ្តាលឱ្យលង់ ពេលឃើញកូនលង់ទឹក ឪពុក បានរត់ទៅស្រង់ ដើម្បីយកទៅសង្គ្រោះ តែជាអកុសល្យ កូនបានស្លាប់បាត់បង់ជីវិតទៅហើយ។
ក្រោយពេលធ្វើការពិនិត្យរួច បានធ្វើកំណត់ហេតុប្រគល់សពជូនក្រុមគ្រួសាធ្វើបុណ្យតាមប្រពៃណី៕
ចែករំលែកព័តមាននេះ