ព្រះនាង ជេនណា បានសន្យានឹងខិតខំផ្សព្វផ្សាយកិត្តិនាមវប្បធម៌ និងប្រពៃណីខ្មែរទៅកាន់ឆាកអន្តរជាតិឲ្យកាន់តែខ្លាំងបន្ថែមទៀត ខណៈពេលដែលកន្លងមក ព្រះនាងតែងតែធ្វើរឿងនេះជាបន្តបន្ទាប់ក្នុងឱកាសសម្តែង និងច្រៀងនៅលើឆាកអន្តរជាតិ ។ ក្នុងព្រះជន្មចូលដល់១៤ឆ្នាំនេះ ព្រះនាង…
ព្រះនាង ជេនណា បានសន្យានឹងខិតខំផ្សព្វផ្សាយកិត្តិនាមវប្បធម៌ និងប្រពៃណីខ្មែរទៅកាន់ឆាកអន្តរជាតិឲ្យកាន់តែខ្លាំងបន្ថែមទៀត ខណៈពេលដែលកន្លងមក ព្រះនាងតែងតែធ្វើរឿងនេះជាបន្តបន្ទាប់ក្នុងឱកាសសម្តែង និងច្រៀងនៅលើឆាកអន្តរជាតិ ។
ក្នុងព្រះជន្មចូលដល់១៤ឆ្នាំនេះ ព្រះនាង ជេនណា បានសម្តែងការអរគុណដល់មហាជន ជាពិសេស បណ្តាអ្នកគាំទ្រដែលតែងតែស្រឡាញ់ និងគាំទ្រដល់ព្រះនាងនាពេលកន្លង ដែលធ្វើឲ្យព្រះនាងមានថ្ងៃ ក្នុងពេលដែលព្រះនាងសន្យាថា នឹងខិតខំបន្ថែមទៀត ជាពិសេស និងចូលរួមផ្សព្វផ្សាយសិល្បៈ វប្បធម៌ និងប្រពៃណីខ្មែរនៅលើឆាកអន្តរជាតិឲ្យកាន់តែខ្លាំងថែមទៀត ។
តាមរយៈសំណេរបង្ហោះលើបណ្តាញសង្គម ព្រះនាង ជេនណា បានលើកឡើងថា ថ្ងៃនេះ ជាថ្ងៃរំឭកកំណើត១៤ឆ្នាំរបស់ខ្ញុំ ក្នុងថ្ងៃដ៏ពិសេសសម្រាប់ខ្ញុំនេះ ខ្ញុំគ្មានអ្វីក្រៅពីក្រាបបង្គំ ថ្វាយព្រះពរ អរព្រះគុណព្រះមាតាខ្ញុំ ដែលបានផ្ដល់កំណើត និងចិញ្ចឹមបីបាច់ថែរក្សាការពាររូបខ្ញុំ ជាពិសេស សូមអរព្រះគុណសម្តេចតាក្រុមព្រះ ដែលលោកតែងតែអប់រំ ផ្ដល់ដំបូន្មាន ប្រៀនប្រដៅចៅ ប្រកបដោយព្រហ្មវិហារធម៌ និងត្រួសត្រាយផ្លូវសម្រាប់ចៅ។
ព្រះនាងបញ្ជាក់ថា ក្នុងឆ្នាំថ្មីនេះ ខ្ញុំសូមបួងសួងដល់ទេព្តារក្សាមហាស្វេតឆ័ត្រ ព្រះរាជដួងវិញ្ញាណក្ខន្ធនៃអតីតព្រះមហាក្សត្រ ព្រះមហាក្សត្រិយានីខ្មែរគ្រប់រជ្ជកាល សូមស្ដេចយាងប្រោសព្រំសព្ទសាធុកាពរជ័យ ដល់ប្រជាជនរបស់ខ្ញុំ និងប្រជាជនទូទាំងសកលលោកបានរស់នៅដោយសុភមង្គល និងសុខសន្តិភាពខ្ញុំពិតជាមិនអាចមានថ្ងៃនេះទេ ប្រសិនបើគ្មានការស្រលាញ់ គាំទ្រពីសំណាក់ពុកម៉ែបងប្អូន ហើយខ្ញុំនឹងសន្យាថា ខិតខំផ្សព្វផ្សាយកិត្តិនាម វប្បធម៌ ប្រពៃណីខ្មែរទៅកាន់ឆាកអន្ដរជាតិ ឱ្យកាន់តែខ្លាំង ។
គួរបញ្ជាក់ថា ព្រះនាងតូច នរោត្តម ជេនណា គឺជាបុត្រីរបស់អ្នកអង្គម្ចាស់ក្សត្រិយ៍ នរោត្ដម បុប្ផារី ត្រូវជាព្រះរាជនត្តា (ចៅស្រី) ព្រះករុណាព្រះបាទសម្តេច នរោត្តម សីហនុ ព្រះបរមរតនកោដ្ឋជាទីគោរពសក្ការដ៏ខ្ពង់ខ្ពស់បំផុត ។
ព្រះនាងមានទេពកោសល្យសិល្បៈតាំងពីនៅតូចពោលតាំងពីព្រះជន្ម៥ ទៅ៦ព្រះវស្សា ហើយសមត្ថភាពសិល្បៈរបស់ព្រះនាង ចេះតែបន្តរីកចម្រើនទៅតាមវ័យ រហូតមានកិត្តិនាមល្បីល្បាញរហូតមកទល់នាពេលបច្ចុប្បន្ន ។
ចែករំលែកព័តមាននេះ