ចំណេះដឹង៖ យោងតាមការចុះផ្សាយពីប្រភពបរទេស ក្នុងសម័យកាលនេះ ការទាក់ទាញ និងរក្សាមនុស្សពូកែឱ្យនៅជាមួយស្ថាប័ន មិនមែនពឹងផ្អែកតែលើប្រាក់បៀវត្សរ៍ខ្ពស់តែមួយមុខនោះទេ ព្រោះមនុស្សជំនាន់ថ្មីដែលមានសមត្ថភាពតែងស្វែងរកកន្លែងធ្វើការណាដែលផ្ដល់តម្លៃលើសពីលុយកាក់។

ក្រុមហ៊ុនសម័យថ្មីដែលចង់ក្លាយជាទីតាំងក្នុងសុបិនសម្រាប់បុគ្គលិកឆ្នើម ត្រូវតែមានវប្បធម៌ការងារបត់បែនដែលផ្ដោតលើលទ្ធផលជាធំ និងផ្ដល់ទំនុកចិត្តដល់បុគ្គលិកតាមរយៈការអនុញ្ញាតឱ្យធ្វើការដោយសេរីភាព ឬក្នុងទម្រង់ដែលងាយស្រួលគ្រប់គ្រងតុល្យភាពជីវិត។ បន្ថែមពីនេះ ការយកចិត្តទុកដាក់លើសុខុមាលភាពគ្រប់ជ្រុងជ្រោយ ជាពិសេសសុខភាពផ្លូវចិត្ត និងការបង្កើតបរិយាកាសការងារដែលគ្មានជាតិពុល គឺជាកត្តាចម្បងដែលធ្វើឱ្យបុគ្គលិកមានអារម្មណ៍សុវត្ថិភាព និងមានថាមពលក្នុងការបំពេញភារកិច្ច។

ទន្ទឹមនឹងនោះ មនុស្សពូកែតែងត្រូវការមើលឃើញពីផែនទីបង្ហាញផ្លូវនៃភាពរីកចម្រើនក្នុងអាជីពដែលច្បាស់លាស់ ដោយមានការគាំទ្រលើការរៀនសូត្របន្ត និងមានប្រព័ន្ធវាយតម្លៃការងារដោយតម្លាភាពបំផុត។ ជាចុងក្រោយ វត្តមានរបស់អ្នកដឹកនាំដែលដើរតួជាគ្រូបង្វឹកចាំជួយតម្រង់ទិស និងផ្ដល់កម្លាំងចិត្ត រួមជាមួយក្រុមការងារដែលចេះជួយគ្នាទៅវិញទៅមកដោយគ្មានរឿងនយោបាយផ្ទៃក្នុង គឺជាអាថ៌កំបាំងដ៏សំខាន់បំផុតក្នុងការចងចិត្តមនុស្សពូកែឱ្យរួមរស់ និងបូជាកម្លាំងកាយចិត្តដើម្បីជោគជ័យដ៏យូរអង្វែងជាមួយស្ថាប័ន៕

​