រាជធានីភ្នំពេញ ៖ ការដង្ហែអ្នកតាចិន គឺជាពិធីរំដោះគ្រោះ និងត្រូវបានរៀបចំឡើង ជាមួយនឹងការរៀបចំនូវការសែនរណ្តាប់ផ្សេងៗទៅតាមឆ្នាំ ក្នុងគោលបំណងបណ្តេញនូវរឿងអាក្រក់ និងបួងសួងសុំសេចក្តីសុខសប្បាយ សិរីសួស្តី និងលើកជោគជតារាសីនាឆ្នាំថ្មី…
រាជធានីភ្នំពេញ ៖ ការដង្ហែអ្នកតាចិន គឺជាពិធីរំដោះគ្រោះ និងត្រូវបានរៀបចំឡើង ជាមួយនឹងការរៀបចំនូវការសែនរណ្តាប់ផ្សេងៗទៅតាមឆ្នាំ ក្នុងគោលបំណងបណ្តេញនូវរឿងអាក្រក់ និងបួងសួងសុំសេចក្តីសុខសប្បាយ សិរីសួស្តី និងលើកជោគជតារាសីនាឆ្នាំថ្មី ។
ពិធីហែអ្នកតាត្រូវបានរៀបចំឡើងជារៀងរាល់ឆ្នាំ ហើយនៅថ្ងៃទី២ ខែមីនា ឆ្នាំ២០២៦ បានប្រារព្ធធ្វើនៅផ្លូវឌឿងហែមក្នុងភូមិសាស្ត្រខណ្ឌ៧មករា ដោយមានការចូលរួមពីសំណាក់អ្នកតា និងភ្ញៀវកិត្តិយសយ៉ាងច្រើនកុះករមកពីតំបន់ផ្សេងៗ ។
គោលបំណងសំខាន់នៃការប្រារព្ធពិធីនេះ គឺដើម្បីគោរពដល់អ្នកតា និងសុំពរជ័យសម្រាប់ឆ្នាំថ្មី ។ ពិធីហែអ្នកតា ត្រូវបានគេជឿថា មានដើមកំណើតមកពីប្រទេសចិន ហើយត្រូវបានសហគមន៍ជនជាតិចិនប្រកាន់ខ្ជាប់និងប្រតិបត្តិតាមយ៉ាងខ្ជាប់ខ្ជួន និងត្រូវបានគេចាត់ទុកថា ជាផ្នែកមួយដ៏សំខាន់នៃវប្បធម៌របស់ជនជាតិចិន ។
នៅក្នុងពិធីហែអ្នកតា គេឃើញមានការដង្ហែរូបអ្នកតាជុំវិញទីក្រុងឬភូមិ ដែលការហែនេះ គឺជាទំនៀមទម្លាប់តាំងពីសម័យបុរាណមកម្ល៉េះ ។ ពិធីហែអ្នកតា គឺជាពិធីដ៏សំខាន់មួយសម្រាប់សហគមន៍ជនជាតិចិននៅកម្ពុជា ។
ពិធីនេះ មិនត្រឹមតែជាការគោរពអ្នកតា និងសុំពរជ័យប៉ុណ្ណោះទេ ប៉ុន្តែក៏ជាការបង្ហាញពីការរក្សា និងលើកកម្ពស់វប្បធម៌និងប្រពៃណីរបស់ពួកគេផងដែរ ៕
ចែករំលែកព័តមាននេះ