ខេត្តបាត់ដំបង ៖ កម្លាំងសមត្ថកិច្ច កំពុងបើកការស៊ើបអង្កេត និង ធ្វើការស្រាវជ្រាវរកអត្តសញ្ញាណសាកសពបុរសម្នាក់ ដែលត្រូវគេរុំកៅស៊ូតង់ដឹកយកទៅប្លុងចោលនៅក្នុងព្រៃមួយកន្លែងដែលមានស្ថានភាពស្អុយរលួយខ្លាំង ហើយត្រូវបានអ្នកភូមិប្រទះឃើញនៅរសៀលថ្ងៃទី ៣១ មករា…
ខេត្តបាត់ដំបង ៖ កម្លាំងសមត្ថកិច្ច កំពុងបើកការស៊ើបអង្កេត និង ធ្វើការស្រាវជ្រាវរកអត្តសញ្ញាណសាកសពបុរសម្នាក់ ដែលត្រូវគេរុំកៅស៊ូតង់ដឹកយកទៅប្លុងចោលនៅក្នុងព្រៃមួយកន្លែងដែលមានស្ថានភាពស្អុយរលួយខ្លាំង ហើយត្រូវបានអ្នកភូមិប្រទះឃើញនៅរសៀលថ្ងៃទី ៣១ មករា ត្រង់ចំណុច«អូរដើមស្វាយ» ភូមិកំពង់ល្ពៅ ឃុំកំពង់ល្ពៅ ស្រុកសំឡូត។
បើតាមប្រភពពីកន្លែងកើតហេតុថា គេមិនទាន់អត្តសញ្ញាណ ឬ ភិនភាគបន្តិចបន្ទូច នៃសាកសពនោះទេ។ សមត្ថកិច្ចបាននិយាយដែរថា សាកសពបុរសនោះ ត្រូវបានអ្នកភូមិប្រទះឃើញ ហើយក៏រាយការណ៏ប្រាប់សមត្ថកិច្ច ដើម្បីចុះពិនិត្យ។
ប្រភពដដែលបានឲ្យដឹងថា សាកសពនោះ ត្រូវគេរុំជិតដោយកៅស៊ៅតង់ពណ៏ខៀវ ដែលមានស្ថានភាពស្អុយរលួយខ្លាំងទៅហើយ។ មន្ត្រីំនាញ បានចុះត្រូតពិនិត្យភ្លាមៗ ក្រោយទទូលបានដំណឹងនេះ។ បើតាមប្រភពដដែលបានបញ្ជាក់សាកសពបុរសនោះ ពាក់អាវដៃខ្លីឆ្នូតក្រហម ស្លៀកខោខ្លីពណ៏ខ្មៅ តែគេមិនអាចប៉ាន់ស្មានពីអាយុទេ ហើយមន្ត្រីជំនាញ ក៏មិនអាចសន្និដ្ឋានបានថា សាកសពនោះជាជនជាតិខ្មែរ ឬ ជនបរទេសនោះដែរ។
អធិការស្រុកសំឡូត លោក ម៉ែន រីម បានប្រាប់ថា សាកសពនោះត្រូវបានពលរដ្ឋប្រទះ នៅក្នុងព្រៃ ដែលស្ថិតស្ងាយពីផ្លូវប្រហែលជាង១០០ម៉ែត្រ។ គេសង្ស័យជាករណី«ឃាតកម្ម» ដែលបង្កដោយជនមិនស្កាល់មុខ។
លោកថា បើតាមការពិនិត្យរបស់មន្ត្រីជំនាញ សាកសពអាចត្រូវគេដឹកយកទៅប្លុងចោលក្នុងព្រៃនោះចន្លោះពី០៧ទៅ១០ថ្ងៃកន្លងមកនេះ ព្រោះសាកសពស្អុយរលួយមើលលេងយល់ទៅហើយ ប៉ុន្តែយ៉ាងណា កម្លាំងជំនាញ បាននិងកំពុងធ្វើការស្រាវជ្រាវលើករណីនេះ។
បើតាមសមត្ថកិច្ចបានបញ្ជាក់ដែរថា ដោយសារតែគេពុំទាន់ស្កាល់អត្តសញ្ញាណ និង ប្រភព នៃសាកសព ក្រោយបញ្ចប់ការត្រូតពិនិត្យរបស់មន្ត្រីជំនាញ សមត្ថកិច្ចបានរៀបចំកប់សាកសពនោះនៅទីតាំងកើតហេតុ ដើម្បីធ្វើការស្រាវជ្រាវរកអត្តសញ្ញាណ និង សាច់ញាតិ៕
ចែករំលែកព័តមាននេះ