ខេត្តកណ្ដាល ៖ បុរសម្នាក់ ធ្លាប់ជាប់ពន្ធធនាគារម្តងហើយ ពីបទ.លួចដែកអ្នកភូមិ ប៉ុន្តែនៅពេលចេញមកវិញ មិនរាងចាល បែរជាទៅលួចបេះផ្លែដូងក្នុងចម្ការអ្នកភូមិ ចំនួន០៧ផ្លែ ត្រូវម្ចាស់ចម្ការតាមទាន់…
ខេត្តកណ្ដាល ៖ បុរសម្នាក់ ធ្លាប់ជាប់ពន្ធធនាគារម្តងហើយ ពីបទ.លួចដែកអ្នកភូមិ ប៉ុន្តែនៅពេលចេញមកវិញ មិនរាងចាល បែរជាទៅលួចបេះផ្លែដូងក្នុងចម្ការអ្នកភូមិ ចំនួន០៧ផ្លែ ត្រូវម្ចាស់ចម្ការតាមទាន់ ឃាត់ខ្លួនប្រគល់អោយសមត្ថកិច្ច ។
ម្ចាស់ចម្ការបានឃាត់ខ្លួនជនសង្ស័យខាងលើ ធ្វើឡើងកាលពីថ្ងៃទី២៦ ខែមករា ឆ្នាំ២០២៦ វេលាម៉ោង២២និង១០នាទី នៅចំណុចភូមិត្រពាំងឈូក ឃុំ ព្រែកគយ ស្រុកស្អាង ខេត្តកណ្ដាល ។
ជនសង្ស័យមានឈ្មោះ រ៉ា វាសនា ភេទ ប្រុសអាយុ ២៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិ ត្រពាំងឈូក ឃុំព្រែកគយ ស្រុកស្អាង ខេត្តកណ្តាល។ ធ្លាប់ជាប់ពន្ឋនាគាខេត្តកណ្តាល ចំនួន០១លើក ពីបទលួច(ដែក) និងមានសារធាតុញៀនក្នុងខ្លួន ។
យោងតាមប្រភពពីសមត្ថកិច្ច បានប្រាប់ឲ្យដឹងថា ជនសង្ស័យជាមនុស្សប្រើប្រាស់គ្រឿងញៀនជាប្រចាំ ហើយតែងតែលួចផលដំណាំ និងរបស់របរប្រជាពលរដ្ឋនៅក្នុងភូមិ ត្រពាំងឈូកឃុំ ព្រែកគយ ជាញឹកញាប់ ។
ប្រភពពីម្ចាស់ចម្ការ ឈ្មោះ និស័យ បានប្រាប់អោយដឹងដែរថា នៅវេលាម៉ោង២២ និង១០នាទីថ្ងៃទី២៦ ខែមករា ឆ្នាំ២០២៦ រូបគាត់ កំពុងតែអង្គុយលេងនៅខាងក្រៅផ្ទះរបស់ខ្លួន ជាមួយបងប្អូន ខណៈពេលនោះ ក៏បានឃើញជនសង្ស័យខាងលើ កំពុងលីបាវ ចេញពីក្នុងចម្ការដូងរបស់ខ្លួន។ ឃើញដូច្នោះរូបគាត់ ក៏បានឃាត់ខ្លួនជនសង្ស័យសួរនាំ និងបានឆែកឆេរនៅក្នុងបាវ រកឃើញផ្លែដូងចំនួន ០៧ផ្លែ ក៏បានទូរសព្ទរាយការណ៍មកសមត្ថកិច្ចនគរបាលប៉ុស្តិ៍ព្រែកគយ ឲ្យជួយអន្តរាគមន៍ ឃាត់ខ្លួនជនសង្ស័យ នាំយកមកប៉ុស្តិ៍ ដើម្បីធ្វើការសាកសួរតែម្តង ។
បច្ចុប្បន្ន ជនសង្ស័យត្រូវបានឃាត់ខ្លួនជាបណ្ដោះអាសន្ន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ