ចំណេះដឹង៖ យោងតាមការផ្សាយរបស់សារព័ត៌មានបរទេស ការបាត់បង់ការងារប្រៀបដូចជាការជួបគ្រោះរញ្ជួយដីក្នុងជីវិត ដែលវាអាចធ្វើឱ្យអ្នកបាត់បង់ទំនុកចិត្ត និងមានអារម្មណ៍ភ័យខ្លាចចំពោះអនាគត។ ប៉ុន្តែ ក្នុងចំណោមបុគ្គលជោគជ័យបំផុតជាច្រើនលើពិភពលោក ចំណុចនេះមិនមែនជាទីបញ្ចប់ឡើយ តែវាគឺជា “ចំណុចរបត់” ដែលបង្ខំឱ្យពួកគេចាកចេញពីតំបន់សុខស្រួល ដើម្បីទៅកសាងសមិទ្ធផលដែលធំធេងជាងមុន។

យុទ្ធសាស្ត្រដំបូងគេដែលអ្នកត្រូវធ្វើគឺ ការគ្រប់គ្រងអារម្មណ៍ និងថាមពល។ កុំចំណាយពេលបន្ទោសខ្លួនឯង ឬស្ដាយក្រោយយូរពេក ប៉ុន្តែត្រូវចាត់ទុកពេលវេលានេះជាការសម្រាកដើម្បី “បញ្ចូលថ្ម”។ បន្ទាប់មក គឺការវាយតម្លៃទ្រព្យសម្បត្តិចំណេះដឹង​។ ពិភពលោកកំពុងប្រែប្រួលយ៉ាងលឿន ដូច្នេះការបាត់បង់ការងារគឺជាឱកាសដ៏ល្អបំផុតដើម្បីរៀនជំនាញថ្មីៗ ​ដែលទីផ្សារកំពុងត្រូវការខ្លាំង ដូចជាបច្ចេកវិទ្យាឌីជីថល ឬការលក់ ដែលនឹងជួយឱ្យអ្នកមានតម្លៃខ្លួនខ្ពស់ជាងមុននៅកន្លែងការងារថ្មី។

យុទ្ធសាស្ត្រចុងក្រោយគឺ ការកសាងបណ្ដាញទំនាក់ទំនង និងការចាប់ផ្ដើមសាជាថ្មី។ កុំស្ទាក់ស្ទើរក្នុងការប្រាប់ពិភពលោកថាអ្នកកំពុងស្វែងរកឱកាសថ្មីៗ។ ជារឿយៗ ឱកាសការងារដ៏ល្អបំផុត ឬគំនិតអាជីវកម្មដែលជោគជ័យបំផុត មិនមែនបានមកពីការដាក់ពាក្យតាមអ៊ីនធឺណិតឡើយ ប៉ុន្តែបានមកពីការសន្ទនាជាមួយមនុស្សជុំវិញខ្លួន។

ការបាត់បង់ការងារគ្រាន់តែជាការបិទទ្វារមួយផ្ទាំង ដើម្បីឱ្យអ្នកដើរទៅរកទ្វារមួយទៀតដែលធំជាង និងភ្លឺស្វាងជាងមុនតែប៉ុណ្ណោះ​៕