ខេត្តស្ទឹងត្រែង ៖ ក្នុងកិច្ចប្រឹងប្រែងពង្រឹងការគ្រប់គ្រងធនធានជលផល និងប្រព័ន្ធអេកូឡូស៊ីតាមដងទន្លេមេគង្គលោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈកម្មាធិការជាតិទន្លេមេគង្គកម្ពុជា បានដឹកនាំគណៈប្រតិភូចុះសិក្សាស្វែងយល់ដោយផ្ទាល់ពីស្ថានភាព…
ខេត្តស្ទឹងត្រែង ៖ ក្នុងកិច្ចប្រឹងប្រែងពង្រឹងការគ្រប់គ្រងធនធានជលផល និងប្រព័ន្ធអេកូឡូស៊ីតាមដងទន្លេមេគង្គលោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណៈ
កម្មាធិការជាតិទន្លេមេគង្គកម្ពុជា បានដឹកនាំគណៈប្រតិភូចុះសិក្សាស្វែងយល់ដោយផ្ទាល់ពីស្ថានភាព «អន្លង់វឿនឌុក»ដែលជាអន្លង់អភិរក្សត្រីមេពូជដ៏សំខាន់ ស្ថិតក្នុងតំបន់រ៉ាមសារ ខេត្តស្ទឹងត្រែង កាលពីថ្ងៃទី២៤ ខែមករា ឆ្នាំ២០២៦។
បេសកកម្មនេះមិនត្រឹមតែជាការចុះពិនិត្យស្ថានភាពបច្ចេកទេសប៉ុណ្ណោះទេ ប៉ុន្តែគឺជាការចុះទៅស្វែងយល់ពីយន្តការគ្រប់គ្រងជាក់ស្ដែងរបស់សហគមន៍នេសាទភូមិថ្មី ដើម្បីធានាថាការអភិរក្សត្រីមេពូជ និងការប្រើប្រាស់ធនធានទឹកត្រូវបានធ្វើឡើងប្រកបដោយចីរភាព។
គណៈកម្មាធិការជាតិទន្លេមេគង្គកម្ពុជា (CNMC) គឺជាស្ថាប័នបង្គោលដ៏សំខាន់របស់រាជរដ្ឋា
ភិបាល ក្នុងការសម្របសម្រួលកិច្ចការងារអន្តរវិស័យ ដើម្បីការពារ និងអភិវឌ្ឍអាងទន្លេមេគង្គ។ ក្នុងក្របខ័ណ្ឌតំបន់ (MRC) ស្ថាប័ននេះមានភារកិច្ចលើសពីការងាររដ្ឋបាល ដោយត្រូវ រៀបចំ
និងអនុវត្ត យុទ្ធសាស្ត្រគ្រប់គ្រងធនធានទឹកឱ្យមានតុល្យភាពរវាងការអភិវឌ្ឍ និងការអភិរក្ស។
ជាមួយគ្នានេះបច្ចុប្បន្នមានក្រសួង-ស្ថាប័នពាក់ព័ន្ធចំនួន ១៧ ជាសមាជិក ដែលធ្វើការរួម
គ្នាដើម្បីឧត្តមប្រយោជន៍ជាតិនៅក្នុងអាងទន្លេអន្តរជាតិមួយនេះ។
គួររំឭកផងដែរថា CNMC មានប្រវត្តិយ៉ាងយូរអង្វែងក្នុងការការពារផលប្រយោជន៍កម្ពុជាលើដងទន្លេមេគង្គ ដោយត្រូវបានបង្កើតឡើងដំបូងតាំងពីឆ្នាំ១៩៨០។ ក្រោយមក ស្ថាប័ននេះត្រូវបានធ្វើនិយ័តភាព និងកែសម្រួលរចនាសម្ព័ន្ជាបន្តបន្ទាប់ ជាពិសេសតាមរយៈព្រះរាជក្រឹត្យក្នុងឆ្នាំ២០០៩ ដើម្បីឆ្លើយតបទៅនឹងការវិវត្តនៃស្ថានភាពសេដ្ឋកិច្ច និងបរិស្ថានក្នុងតំបន់៕
ចែករំលែកព័តមាននេះ