បារាំង-រុស្ស៊ី៖ ប្រធានាធិបតីបារាំង លោកអេមម៉ានុយអែលម៉ាក្រុង ប្រកាសតាមបណ្ដាញសង្គមXថា កងម៉ារីនបារាំងបានចាប់នាវាដឹកប្រេងមួយគ្រឿងមកពីរុស្ស៊ី កាលពីថ្ងៃទី២២ មករា នៅសមុទ្រមេឌីទែរ៉ាណេ ។ តាមប្រធានាធិបតីបារាំងថា…
បារាំង-រុស្ស៊ី៖ ប្រធានាធិបតីបារាំង លោកអេមម៉ានុយអែលម៉ាក្រុង ប្រកាសតាមបណ្ដាញសង្គមXថា កងម៉ារីនបារាំងបានចាប់នាវាដឹកប្រេងមួយគ្រឿងមកពីរុស្ស៊ី កាលពីថ្ងៃទី២២ មករា នៅសមុទ្រមេឌីទែរ៉ាណេ ។
តាមប្រធានាធិបតីបារាំងថា នាវានោះ ស្ថិតក្រោមទណ្ឌកម្មអន្តរជាតិ ហើយសង្ស័យដោតទង់ក្លែងក្លាយ ។ ប្រតិបត្តិការចាប់នាវាដឹកប្រេងនេះ ប្រព្រឹត្តទៅក្នុងសមុទ្រមេឌីទែររ៉ាណេ ជាមួយការជួយទ្រទ្រង់របស់ប្រទេសសម្ព័ន្ធមិត្តជាច្រើន ។ ប្រមុខរដ្ឋបារាំងបញ្ជាក់ថា អន្តរាគមន៍នោះ ត្រូវបានធ្វើដោយគោរពហ្មត់ចត់អនុសញ្ញា់អ.ស.បស្ដីពីច្បាប់សមុទ្រ ។
កងម៉ារីនបារាំងបញ្ជាក់ថា ប្រតិបត្តិការនេះ ធ្វើឡើងជាមួយបណ្ដាសម្ព័ន្ធមិត្ត ក្នុងនោះមានអង់គ្លេសផងដែរ ។ យោងតាមអាជ្ញាធរសមុទ្រថា នាវាដែលចាប់នោះជានាវាដឹកប្រេងមានឈ្មោះGRINCH មកពីមួរម៉ង់ស្ក៍ភាគខាងជើងរុស្ស៊ី ។ នាវានោះ បច្ចុប្បន្នត្រូវបាននាំមកកាន់ចំណុចមួយ ដើម្បីបន្តការត្រួតពិនិត្យ។
តាំងពីចាប់ផ្ដើមសង្គ្រាមនៅអ៊ុយក្រែនមក អាជ្ញាធរលោកខាងលិចតាមដានជាប់ បណ្ដាសកម្មភាពរបស់នាវាហៅកងនាវាខ្មោចរបស់រុស្ស៊ី ដែលរួមមានបណ្ដានាវាសង្ស័យធ្វើសកម្មភាពពង្វាងទណ្ឌកម្មអន្តរជាតិលើការនាំចេញប្រេងរុស្ស៊ី ។ កាលពីខែតុលាកន្លងទៅនាវាដឹកប្រេងមួយរបស់កងនាវាខ្មោចនោះ មានឈ្មោះថា PUSHPA ត្រូវបានចាប់ដោយកងយោធាបារាំងដែរ ៕
ចែករំលែកព័តមាននេះ