សហរដ្ឋអាមេរិក ៖ បន្ទាប់ពីច្រើនសប្ដាហ៍នៃការប្រើភាសាគំរាមដណ្ដើមយកកោះហ្គ្រីនឡែនរបស់ដាណឺម៉ាក់ក្នុងតំបន់អាក់ទិក ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២១ មករានៅក្រុងដាវ៉ូសស្វុីស នាឱកាសចូលរួមកិច្ចប្រជុំកំំពូលនៃវេទិកាសេដ្ឋកិច្ចពិភពលោក ពីអនាគតនៃកិច្ចព្រមព្រៀងមួយស្ដីពីកោះហ្គ្រីនឡែន ដែលហាក់ដូចជាទូលំទូលាយ…
សហរដ្ឋអាមេរិក ៖ បន្ទាប់ពីច្រើនសប្ដាហ៍នៃការប្រើភាសាគំរាមដណ្ដើមយកកោះហ្គ្រីនឡែនរបស់ដាណឺម៉ាក់ក្នុងតំបន់អាក់ទិក ប្រធានាធិបតីអាមេរិក លោកដូណាល់ត្រាំ ប្រកាសនាថ្ងៃទី២១ មករានៅក្រុងដាវ៉ូសស្វុីស នាឱកាសចូលរួមកិច្ចប្រជុំកំំពូលនៃវេទិកាសេដ្ឋកិច្ចពិភពលោក ពីអនាគតនៃកិច្ចព្រមព្រៀងមួយស្ដីពីកោះហ្គ្រីនឡែន ដែលហាក់ដូចជាទូលំទូលាយ ហើយលោកប្រកាសពីការលុបចោលបណ្ដាការគំរាមកំហែងបង្កើនពន្ធគយក៏ដូចជាការគំរាមកំហែងប្រើយោធាដែរ។
លោកត្រាំអះអាងមុននេះ ពីការតាំងចិត្តរបស់លោកដណ្ដើមយកកោះហ្គ្រីនឡែន ដោយបដិសេធម៉ឺងម៉ាត់គំនិតនៃការដកថយ ក៏ទោះបីមានការតវ៉ារបស់អឺរ៉ុប និងការព្រមានជាច្រើនមកពីក្រុងដាវ៉ូស ដោយលោកថា មិនអាចមានការវិលថយក្រោយវិញឡើយ ។ ប៉ុន្តែប្រធានាធិបតីអាមេរិកបានសរសេរក្នុងបណ្ដាញសង្គមTRUTH SOCIAL របស់លោកពីក្រុងដាវ៉ូសកន្លែងលោកចូលរួមក្នុងវេទិកាសេដ្ឋកិច្ចពិភពលោកថា ក្នុងឱកាសនៃការជួបគ្នាស្ថាបនាបំផុតមួយ ជាមួយអគ្គលេខាធិការអូតង់លោកMARK RUTTE យើងបានព្រមព្រៀងគ្នាលើក្របខណ្ឌនៃអនាគតកិច្ចព្រមព្រៀងមួយទាក់ទិននឹងហ្គ្រីនឡែន តែតាមពិតទៅគឺតំបន់អាក់ទិកទាំងមូល ។
លើមូលដ្ឋាននៃការព្រមព្រៀងគ្នានោះ ខ្ញុំនឹងមិនដាក់ពន្ធគយបន្ថែមខ្ពស់លើប្រទេសអឹរ៉ុប៨ដែលនឹងចូលជាធរមាននាថ្ងៃទី១កុម្ភៈឡើយ។ ម្យ៉ាងវិញទៀតប្រធានាធិបតីអាមេរិកទីបំផុតបានបដិសេធជម្រើសខាងយោធា សម្រាប់ដណ្ដើមយកកោះនោះ ។ លោកថ្លែងផ្ទួនៗថា ខ្ញុំមិនចង់់ប្រើកម្លាំង ហើយខ្ញុំនឹងមិនប្រើកម្លាំងដូចមនុស្សទាំងឡាយគិតនោះទេ។
ចំណែកប្រមុខអង្គការអូតង់វិញថ្លែងថា អធិបតេយ្យភាពរបស់ហ្ក្រីនឡែន មិនបានលើកមកនិយាយក្នុងពេលលោកជួបជាមួយលោកត្រាំឡើយ។ ពេលទូរទស្សន៍SFOX NEWS សួរលោកលើបញ្ហាថាតើកោះហ្គ្រីនឡែននឹងស្ថិតនៅក្រោមអធិបតេយ្យភាពជានិច្ចរបស់ដាណឹម៉ាក់ឬយ៉ាងណាក្រោមកិច្ចព្រមព្រៀងនោះ អគ្គលេខាធិការអូតង់ឆ្លើយថា រឿងនោះមិនត្រូវបានលើកក្នុងកិច្ចពិភាក្សាជាមួយប្រធានាធិបតីអាមេរិកឡើយ។ ការពិភាក្សាផ្ដោតតែលើអ្វីដែលយើងត្រូវធ្វើដើម្បីការពារតំបន់អាក់ទិកដ៏ធំល្វឹងល្វើយដែលនៅទីនោះកំពុងមានការផ្លាស់ប្ដូរ ដោយចិននិងរុស្សុីមានសកម្មភាពកាន់តែខ្លាំងឡើង។ លោកបន្តថានៅមានការងារជាច្រើនទៀតដែលត្រូវធ្វើមុនបង្ហើយកិច្ចព្រមព្រៀងនេះ។
បំណងលោកត្រាំក្នុងការចង់គ្រប់គ្រងកោះហ្រី្គនឡែនលោកថា ដើម្បីសន្តិសុខជាតិអាមេរិកនិងសន្តិសុខអន្តរជាតិព្រមទាំងរបៀបរៀបរយពិភពលោក។ លោកថាយើងមានកិច្ចប្រជុំជាច្រើនស្ដីពីហ្គ្រីនឡែនហើយខ្ញុំយល់ថា អ្វីៗនឹងដំណើរការទៅមុខយ៉ាងល្អ៕
ចែករំលែកព័តមាននេះ