ខេត្តកំពង់ឆ្នាំង ៖ អគ្គីភ័យបានឆាបឆេះសិប្បកម្មផលិតប្រេងខ្មៅមួយកន្លែង គឺឆេះ ចាប់តាំងពីម៉ោង ១០និង៣០នាទីយប់ថ្ងៃទី ២០ខែមករា ឆ្នាំ ២០២៦ រហូតដល់ម៉ោង…
ខេត្តកំពង់ឆ្នាំង ៖ អគ្គីភ័យបានឆាបឆេះសិប្បកម្មផលិតប្រេងខ្មៅមួយកន្លែង គឺឆេះ ចាប់តាំងពីម៉ោង ១០និង៣០នាទីយប់ថ្ងៃទី ២០ខែមករា ឆ្នាំ ២០២៦ រហូតដល់ម៉ោង ៩ ព្រឹក ថ្ងៃទី ២១ ខែឆ្នាំដដែលនៅមិនទាន់រលត់នៅឡើយទេ ទោះបីមានកិច្ចខិតខំប្រឹងប្រែង យករថយន្តពន្លត់អគ្គីភ័យ របស់កម្លាំងនគរបាលស្រុកនិងខេត្តយ៉ាងណាក្តី។ហេតុការណ៍នេះបានកើតឡើងនៅភូមិសំព័រ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។
តាមប្រភពពីមន្ត្រីនគរបាលមូលដ្ឋានបានឲ្យដឹងថា ក្នុងហេតុការណ៍នោះ មេការដែលជាជនជាតិចិនបានរងរបួសហើយត្រូវបានដឹកទៅសង្គ្រោះនៅមន្ទីរពេទ្យ ។
មន្ត្រីនគរបាលពន្លត់អគ្គីភ័យនៃស្នងការដ្ឋាននគរបាលខេត្តកំពង់ឆ្នាំង ពុំទាន់បានបញ្ជាក់ពីមូលហេតុនិងទំហំនៃការខូចខាតនៅឡើយទេ ប៉ុន្តែបានបញ្ជាក់ថា កិច្ចអន្តរាគមន៍ផលិតអភិភ័យនៅពេលនោះមាន រថយន្តពន្លត់អគ្គីភ័យរបស់នាយកដ្ឋាននគរបាលបង្ការនិងផលិតអគ្គីភ័យចំនួន ៣គ្រឿង រថយន្តរបស់ស្លការនគរបាលខេត្ត កំពង់ឆ្នាំងចំនួន ៥ គ្រឿង និងរថយន្តពន្លត់អគ្គីភ័យរបស់អធិការរដ្ឋាននគរបាលស្រុកកំពុងសាលាចំនួន ៣ គ្រឿង សរុប ១១គ្រឿងបានបន្តអន្តរាគមន៍មកដល់ម៉ោង ៩:០០ ព្រឹកនេះនៅមិនទាន់រលត់នៅឡើយទេ ព្រោះ អគ្គីភ័យនៅតែបន្តឆាបឆេះនៅឡើយដោយសារទីតាំងខាងលើជាកន្លែងស្តុកទុកព្រេងខ្មៅសម្រាប់សម្រាញ់ កែច្នៃ លក់ដូរចូលទីផ្សារ ។
គួររំលឹកដែលថាកន្លងមកក៏មានការឆាបឆេះនៅក្នុងឃុំទឹកហូតស្រុករលាប្អៀរ ម្ដងដែរ គឺឆេះសិប្បកម្មផលិតប្រេងខ្មៅដូចគ្នា តែទីតាំងនៅស្រុករលាប្អៀរតូចជាងស្រុកកំពង់ត្រឡាចដែលកំពុងឆាបឆេះនៅពេលនេះ ។
ការចម្រាញ់ប្រេងខ្មៅផលិតទៅជាប្រេងម៉ាស៊ីនលក់ចូលទីផ្សារគឺធ្វើឲ្យប៉ះពាល់ដល់សុខភាពអ្នកដែលរស់នៅជុំវិញផងនិងហានិភ័យដល់ការប្រើប្រាស់យានយន្តផងដែរព្រោះជាប្រេងផលិតចេញពីប្រេងខ្មៅ។ មន្ត្រីជំនាញមិនគួរបណ្ដោយឲ្យមានការផលិតប្រេងខ្មៅតាមភូមិឃុំប្រជាពលរដ្ឋរស់នៅបែបនេះទេព្រោះប៉ះពាល់ដល់បរិស្ថាន និងអ្នករស់នៅជុំវិញនោះ ៕
ចែករំលែកព័តមាននេះ