ខេត្តកណ្តាល ៖ ដើម្បីពង្រឹងសណ្តាប់ធ្នាប់សាធារណៈ និងកាត់បន្ថយគ្រោះថ្នាក់ចរាចរណ៍ដែលកំពុងកើតមានឡើងជាយថាហេតុ ការិយាល័យសុវត្ថិភាពចរាចរណ៍ផ្លូវគោក នៃស្នងការដ្ឋាននគរបាលខេត្តកណ្តាល បានចេញសេចក្តីណែនាំ និងរំលឹកដាស់តឿនយ៉ាងម៉ឺងម៉ាត់ដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវថ្នល់ទាំងអស់ ។ ជាក់ស្តែងបើយោងតាមតាមផេក…
ខេត្តកណ្តាល ៖ ដើម្បីពង្រឹងសណ្តាប់ធ្នាប់សាធារណៈ និងកាត់បន្ថយគ្រោះថ្នាក់ចរាចរណ៍ដែលកំពុងកើតមានឡើងជាយថាហេតុ ការិយាល័យសុវត្ថិភាពចរាចរណ៍ផ្លូវគោក នៃស្នងការដ្ឋាននគរបាលខេត្តកណ្តាល បានចេញសេចក្តីណែនាំ និងរំលឹកដាស់តឿនយ៉ាងម៉ឺងម៉ាត់ដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវថ្នល់ទាំងអស់ ។
ជាក់ស្តែងបើយោងតាមតាមផេក ការិ.សុវត្ថិភាពចរាចរណ៍ខេត្តកណ្តាល បានប្រកាសនាពេលថ្មីៗនេះថា ៖ «អ្នកបើកបរទោចក្រយានយន្ត ត្រីចក្រយានយន្ត និងទោចក្រយានយន្តសណ្តោងរ៉ឺម៉ក ត្រូវបើករបរនៅគន្លងផ្លូវខាងស្តាំដៃបង្អស់ ស្របតាមទិសចរាចរណ៍របស់ខ្លួន ។ »
ការកំណត់បែបនេះ គឺក្នុងគោលបំណងបែងចែកប្រភេទយានយន្ត ឱ្យមានរបៀបរៀបរយ ចៀសវាងការបើកបរប្រជ្រៀតគ្នាជាមួយរថយន្តធំៗ ដែលអាចបង្កគ្រោះថ្នាក់ដល់អាយុជីវិត ។
សូមបញ្ជាក់ថា ការប្រកាន់គន្លងផ្លូវខាងស្តាំដៃបង្អស់ផ្តល់អត្ថប្រយោជន៍ដូចជា ៖
-សុវត្ថិភាពផ្ទាល់ខ្លួន៖ កាត់បន្ថយហានិភ័យនៃការប៉ះទង្គិចជាមួយរថយន្តល្បឿនលឿននៅគន្លងខាងឆ្វេង ។
-សណ្តាប់ធ្នាប់សាធារណៈ៖ ធ្វើឱ្យចរាចរណ៍មានភាពរលូន មិនមានការកកស្ទះក្បួនរថយន្តធំៗ។
-ការគោរពច្បាប់៖ បង្ហាញពីការយល់ដឹង និងការទទួលខុសត្រូវខ្ពស់ក្នុងនាមជាអ្នកបើកបរល្អ ។
ជាចុងក្រោយ សូមអំពាវនាវដល់បងប្អូនប្រជាពលរដ្ឋទាំងអស់ សូមចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន ក្រោមពាក្យស្លោក «ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍» និងត្រូវចងចាំថា ការបើកបរប្រកាន់ស្តាំ គឺជាការការពារជីវិតខ្លួនឯង និងអ្នកដទៃ៕
ចែករំលែកព័តមាននេះ